सामरिक आणि व्यापारी दृष्ट्या जगातील अत्यंत संवेदनशील सागरी मार्ग असलेल्या 'स्ट्रेट ऑफ होर्मुझ'जवळ ओमानच्या समुद्रात एका व्यापारी ऑईल टँकरवर झालेल्या भीषण हल्ल्यात भारताच्या तीन नौसैनिकांचा दुर्दैवी मृत्यू झाला आहे. अमेरिकन नौदलाच्या नाकेबंदी आणि कारवाईदरम्यान झालेल्या या थेट हल्ल्यात 'एमटी सेतेबेलो' या जहाजाच्या थेट इंजिन रूमला टार्गेट करण्यात आलं. सर्वात धक्कादायक आणि अंगावर काटा आणणारी बाब म्हणजे, या जहाजावरील एकूण २४ क्रू मेंबर्सपैकी तब्बल २१ जण भारतीय नागरिक होते.

फुटबॉलचं महायुद्ध दि. ११ पासून सुरू झालं. एकूण ४८ संघांचा सहभाग असलेले फुटबॉलचे सामने पुढे रंगत जातील. सध्या सामन्यांच्या वेळा आपल्या भारतीयांच्या अजिबात सोयीच्या नसतात. हायलाइट्सची व्यवस्था उरली नाही, त्यामुळे सामन्यांचा आनंद घेणे जिकिरीचे झाले आहे. अडतीस वर्षांचा मेस्सी अर्जेंटिनाला फुटबॉल वर्ल्डकप जिंकून देतो का, ते पाहणे मनोरंजक ठरणार आहे. तिकडे, एक्केचाळीस वर्षांच्या पोर्तुगालच्या ख्रिस्तियानो रोनाल्डोचे वर्ल्डकप जिंकण्याचे स्वप्न पूर्ण होते का, तेही पाहता येईल.

आर्टिफिशियल इंटेलिजन्स किंवा कृत्रिम बुद्धिमत्ता ही हा हा म्हणता आपल्या रोजच्या जीवनातील एक मुख्य घटक झालेली आहे. म्हणजे अगदी कोअर डेव्हलपमेंट ते कस्टमर केअर चॅटबॉट ह्या तंत्रज्ञानाने आपल्या जीवनात शिरकाव केला आहेच. अगदी परवा आमची वय वर्षे आठ असणारी कन्या शाळेतील "महाराष्ट्र आणि सिक्कीम मधील सणांची तुलना" ह्या विषयावर पोस्टर बनवण्याचे आर्ट वर्क घेऊन आली तसे आम्ही नवरा बायको हबकलो असताना छोटीने शांतपणे माझा मोबाईल उचलून जेमिनीला असा अचूक प्रॉम्प्ट दिला की त्याने पंधरा सेकंदात गुढी पाडवा अन् सिक्कीमचा लुसूंग (नवीन वर्ष स्वागत सण) तुलना करणारे इन्फोग्राफिक पोस्टर दिले.