राम राम मंडळी. कसं काय बरं हाय ना? काही नाही हो, जरा एक कविता लिहित होतो. छ्या. तुमचं आपलं काहीतरीच. फक्त दहा वीस टक्के कवींनाच कविता स्फुरते. बाकीचे कविता पाडतात. आम्हीही या रटरट कवींपैकीच. म्हणजे र ला र आणि ट ला ट जुळवून कविता पाडणारे. कुणा थोरामोठयाने आमच्यासारख्या कवींना यमक्या कवी म्हणून उचित सन्मान केला आहे. काय म्हणता, रामदास की मोरोपंत यापैकी कुणीतरी ते म्हटलंय? जाउ द्या हो. इथे चावडीवर एकापेक्षा एक अभ्यासू लोकं आहेत. संदर्भ चुकला तर उगाच आपली पुजा बांधून आनंद शिंदेची रेकॉर्ड वाजवायचे. तुम्हाला चालेल का अशी द्विअर्थी गाणी वाजवून चावडीची प्रतिमा खालावलेली? अच्छा ते होय?

राम राम मंडळी. प्राथमिक, माध्यमिक व उच्च माध्यमिक शाळांची पटपडताळणी महाराष्ट्रात काही ठिकाणी सध्या सुरु आहे. शाळेत बोगस पटसंख्या दाखवून सरकारचे कोट्यवधी रुपयांचे अनुदान लाटणार्‍या शिक्षणसंस्थांचा शोध घेतला जाणार आहे. शासनाच्या असे निदर्शनास आले आहे की, केवळ नावाला संस्था आणि त्यांच्या शाळा आहेत. नावाला केवळ शिक्षक आहेत. आणि शासनाचे कोट्यवधी रुपये या शाळांवर खर्च होत आहे. विद्यार्थी नसतांना शाळेवर प्रचंड खर्च करावा लागतो, असे शासनाच्या निदर्शनास आल्यामुळे पट्पडताळ्णीची मोहीम सुरु करण्यात आली आहे.

आत्ताच "हमे तो लूट लिया मिलके हुस्नवालोंने" हे http://www.youtube.com/watch?v=wWN5GVOS1JY इथे पूर्ण ऐकलं. मूळचा मी राहणारा औरंगाबादचा. जुनं औरंगाबाद म्हणजे धाकटं हैद्राबादच म्हणता येइल. निजामाची मराठवाडा प्रांताची राजधानी. नवीन औरंगाबाद मध्ये राहिलो तरी तिथली ती खास मोगलाइ ष्टाइल, नवाबी कारभार ह्याचं थोडं थोडं दर्शनही झालच; . पण ती तिथली खास अशी वाटणारी मुसलमानी भाषा, त्या त्यांच्या टपर्‍यांवर लागलेल्या वेगवेगळ्या कव्वाल्या.... पुण्यात पोटापाण्यासाठी आल्यापासून कसं चुकल्या चुकल्यासारखं वाटायचं.