गुडलक हा एकेकाळचा फेवरिट इराणी अड्डा. लकी सोडून गुडलकला प्रथम पसंती देण्याचं कारण असं की एकदा लकीवाल्याने नुसती एक्स्ट्रा ग्रेव्ही (बिना चिकनची) देण्यास नकार दिला. त्यामुळे आमच्या ग्रुपचं आर्थिक गणित बिघडलंच, पण "नाही" ऐकावं लागलं. इराणी हाटेलात.. मग पुण्याची इतर हॉटेल आणि इराण्यात फरक काय राहिला? म्हणून गुडलकला शिफ्ट केला अड्डा.. तसा लकीमधेही "जास्त वेळ बसू नये" वगैरे बोर्ड होता, पण त्याला अजिबात काही अर्थ नव्हता हेही खरंच. गुडलकमधे श्रूजबेरी ठेवायचे..(मूळ कयानीतून आणलेली) आताचे माहीत नाही. खिमा पाव आणि अन्य काही चिजा जबरदस्त पोटभरीच्या होत्या असं आठवतं. नुकत्याच केलेल्या दौर्‍यात तिथे शाकाहारी (बहुधा महाराष्ट्रीय) थाळी मिळेल असं लिहीलं होतं. पुन्हा पुन्हा खात्री केली. ते गुडलकच होतं. महाराष्ट्रीय थाळीही प्रियच आहे पण गुडलकमधे? खरंच तसं झालं आहे का? तीच पाटी अलकासमोरच्या इराणी कॅफेवरही (नाव आठवेना) पाहिली.. सात्विक शाकाहारी थाळी.. कालाय तस्मै नमः.

camp मधलं का हो हे जॉर्ज ? हे इराणी आहे ?

अनेक वर्ष आरटीओ पासून किंवा थेट नारायण पेठेतून नाझपर्यंत त्या सामोशासाठी गेलो आहे. बरिस्ताने गिळंकृत केल्यावर महानाझवर भागवलं होतं नंतर काही वेळा. ते अजून चालू असेल तर त्याचा नेमका पत्ता मिळाला तर जबरा मजा येईल....

अहो, कढून झालं की, पण सामोसे मात्र एक नं.