रॉयल राइड... रॉयल एन्फ़िल्ड.... प्रश्नोत्तरी धागा

धन्यवाद , उपयुक्त माहिती दिलीत

ट्युबलेस टायर आणि एबीएस ही एकमेव गोष्ट आहे जी मला हिमालयनपासून दूर ठेवते आहे. नाहीतर एव्हाना घेतली असती.

थंडरबर्ड घेऊन ६ महिने झाले नुकतेच. सुरवातीला दिवसात पहिल्यांदा गाडी चालू करताना बराच वेळ किक मारावी लागायची. तेव्हा विचार केला थंडीचे दिवस आणि इंजिन नवीन असल्या कारणानी होत असावं. कधी कधी स्पीड कमी करताना / एक गियर डाउन जाताना गाडी बंद पडायची त्यामुळे नंतर घरीच RPM सेटिंग केलं (इंजिन ऑन केल्यावर 1k RPM ). आता गाडी बंद पडायचा प्रॉब्लेम सुटला आहे आणि २-३ किक मध्ये स्टार्ट पण होते पण हे सेटिंग केल्यानंतर गियर चेंज करताना खूपच आवाज येतोय. अगदी की शेजारच्या गाडीवाल्याला पण कळावं हा बाबू गियर बदलतोय.

नवीन थंडरबर्डसाठी अभिनंदन

खरे तर RPM सेटिंग आणि गिअर चेंज यांचा तसा संबंध नाही
एकाच शक्यता वाटते ... High RPM सेटिंग मुळे इंजिनचे तापमान वाढते. त्यामुळे गिअर ऑइल ची व्हिस्कॉसिटी बदलू शकते .... पण ह्याची शक्यता फारच कमी आहे

गिअर बदलताना आवाज येण्याचे अजुन एक कारण क्लच लागुन राहणे / पुर्ण डिसेंगेज ना होणे ... ते एकदा चेक करा ...

जावा येतेय

overdrive.in/news/2017-jawa-350-ohc-and-660-vintage-launched-in-czech-republic/

क्लासिक ३५० चेस्टनट बुक करण्यासाठी गेलो होतो परंतु, std ३५० बुलेटकड़े प्रयत्न करुन्सुद्धा कानाडोळा करू शकलो नाही.
शेवटी न राहवून std ३५० बुलेटच बुक केली. त्या गाडीचा रेट्रो लुक फार आवडला.

पण काही सुविधा कमी आहेत त्यात. विक्रेत्याशी बोललो तर त्याने काही सल्ले दिलेत.

मागचा टायर ३.२५ -१९ आहे. ( क्लासिक्चा १८ इंच टायर आहे )
१९ इंच जरी टायर असला तरी त्या भरभक्कम बुलेट्ला फारच किडमिडा वाटतो.
३.२५ -१९ ऐवजी ३.५०-१९ टायर लावता येतो रिम बदलण्याची गरज नाही.

सेल्फ स्टार्ट नाही.
ही गोष्ट मला शहरात चालवताना गरजेची वाटते.
५ ते ६ हजार जास्तीचे घेउन शोरुम्वाले लावून देतील म्हणाले.
वारंटी शाबूत राहिल.

डिस्क ब्रेक नाही
१० हजार जास्त घेउन शोरुम्वाले लावून देतील म्हणाले.
वारंटीवर फरक नाही पडणारं

जाणकार लोकांच्या सल्ल्याच्या प्रतिक्षेत.

सतीशजी ...
नव्या बुलेट बद्दल अभिनंदन ...
आपल्या प्रश्नांची उत्तरे देण्याचा प्रयत्न करतो ..

सेल्फ स्टार्ट
माझ्या माहितीप्रमाणे स्टॅंडर्ड ३५० ची बॅटरी ५AH ची असते. त्यामुळे त्यावर सेल्फ स्टार्ट चालणे अवघड वाटते. (क्लासिक व इतर मॉडेल्स मध्ये १४AH असते)
तेंव्हा हे चेक करावे ... तसेच जर बॅटरी बदलणार असाल तर आल्टरनेटर बद्दल माहिती घ्यावी जेणेकरून १४ हं ची बॅटरी चार्ज होण्यात अडचण होणार नाही )

मागचा टायर
मागचा टायर जाड टाकायला फारसा प्रॉब्लेम नाही . रोडग्रिप सुधारेल पण गाडी थोडी जड वाटेल व ऍव्हरेज थोडे कमी होईल .. अर्थात बुलेटला दोन गोष्टी नवीन नाहीत
डिस्क ब्रेक
डिस्क ब्रेक हा फक्त पुढच्या चाकाला बसवणार हे गृहीत धरतो .. काही प्रॉब्लेम नाही

ऑल द बेस्ट

एक अजून महत्त्वाची गोष्ट म्हणजे std चा हेडलाईट 35 W / 35 W, HALOGEN चा आहे आणि classic चा 60 W / 55 W, Halogen आहे म्हणजे रात्री क्लासिक मध्ये तुम्हाला हेडलाईटचा प्रकाश जास्त स्वच्छ आणि भरून मिळेल हा एक सुरक्षिततेसाठी महत्त्वाचा मुद्दा आहे.

सतीशजी ..
बुलेट हा "दिलसे " मामला असल्यामुळे आधी लिहिले नव्हते .. पण डॉक्टरसाहेब म्हणतात त्याचा जरूर विचार करावा ...

अजुन एक "दिलसे" बात ...
बुलेट ही लोणच्यासारखी असते .. लोणचे कसे छान मुरल्यावर त्याला खरी चव येते ... बुलेटचेही तसेच..
नविन बुलेट काहीनाकाही प्रॉब्लेम देत रहाते .. छोटे छोटे annoying प्रॉब्लेम ...
एकदा दोन सेर्विसिन्ग झाली .. चांगल्या मेकॅनिकचा हात दोन - तीन वेळा फिरला कि मामला सेट होतो ... मग खरी "सफर" सुरु होते ...
लगे राहो ...

कपिलमुनी, अमरविश्वास, डॉक्टर खरेसाहेब धन्यवाद.
मुळ ढाच्यात बदल करू नये हे पटले.
३५० क्लासिक नक्की.

१ मे ला भाच्याने त्याच्या बॉसची आणलेली थंडरबर्ड चालवली. काय ताकद त्या गाडीची. थोडंसं अक्सिलेटर पिरगळल तरी गाडी पळत होती. भाच्याला बोललो होतो की इथूनच ५ मिनिटात राउंड मारून येतो, पण आलो डायरेक्ट अर्ध्या तासाने. इंजिनाची धडधड आणि हृदयाचे ठोके यांची त्या अर्ध्या तासात जुगलबंदी चालू होती. एकदम स्वर्गीय अनुभव, सॉलिड मजा आली. आधी नुसता पाहून आणि गाडीचा आवाज ऐकून तिच्या प्रेमात होतो आणि आता चालवल्यावर तर तिच्या आकंठ प्रेमात बुडलोय

खरा तर थोडा आवांतर प्रश्न आहे पण मदत करा.

माझ्या रॉयल एन्फ़िल्ड. डेसर्ट स्टॉर्म चा न्यू इंडिया चा इन्शुरन्स ५ मे ला संपला. चुकून रिन्यू करायचा राहून गेला.
न्यू इंडिया च्या कस्टमर केअर ला फोन केला तर ते म्हणतात गाडीचे चेकअप करावे लागेल, ऑफिस ला गाडी घेऊन या.
एका मित्रांनी सांगितलं कि पेट्रोल पंप वर icici लोंबार्ड वाले गाडी चेक करून फोटो कडून पाच मिनटात इन्शुरन्स देतात.
तोपर्यंत आज icici लोंबार्ड मधून फोन आला त्यांनी ऑनलाईन इन्शुरन्स बद्दल सांगितलं त्यांच्या मते ऑनलाईन इन्शुरन्स साठी गाडी चेकिंग ची गरज नाही.

शेवटचा पर्याय कसा आहे, खरचं ऑनलाईन इन्शुरन्स साठी गाडी चेकिंग ची गरज नाही का? इन्शुरन्स क्लेम करताना हे नंतर काही प्रश्न उपस्तित करून क्लेम रिजेक्ट करणार का?

माझी २०१६ सालाची गाडी सुस्तिथित आहे आणि मला फक्त पोलिसाना दाखवण्यासाठी इन्शुरन्स नको आहे. कृपया मदत करा ऑनलाईन इन्शुरन्स घेणं योग्य का...

जवळपास ३ महिन्यांच्या वेटींगनंतर काल थंडरबर्ड ३५० एक्स घरी आली.

ट्युबलेस टायर्स, अलॉय व्हिल्स, फ्लॅट हॅन्डलबार ही प्रमुख वैशिष्ट्ये. गाडी चालवायला एकदम मख्खन आहे.

पिंची मध्ये चिन्मय डांगरे नावाचा अवलिया मॅकेनिक आहे. बुलेटपासून ते हार्ले सगळी काम मस्त करतो. तिकडे ए बी स टाकू शकता

महिंद्रा अँड महिंद्रा जावा बाईक्स चे पुनरुज्जीवन करणार हो! मध्यप्रदेश इथल्या पिथमपूर प्रकल्पात होणार निर्मिती.

स्टॅंडर्ड बुलेट ३५०x

खूप खूप अभिनंदन, आता बघायचं आमचा योग कधी लागतो ते.

धन्यवाद