हेल्मेटसक्ती

प
प्रकाश घाटपांडे
🗣 360 प्रतिसाद
अव्यवहार्य तसेच कालबाह्य कायदे ही भ्रष्टाचाराची कुरणे निर्माण करतात. पुण्यात चालू झालेली हेल्मेट सक्ती चा नियम हे त्याचे एक उदाहरण आहे काही सेलिब्रिटी हेल्मेट जागृती साठी प्रयत्न करताना दिसतात. त्यामुळे होणार्‍या सुरक्षिततेबाबत प्रबोधन करणे अयोग्य नाही. पण विरोध आहे तो सक्तीला आहे हेल्मेटला नाही हे लक्षात घेतले पाहिजे. हेल्मेट घातले नाही तर त्या व्यक्तिची सुरक्षितता धोक्यात येउ शकते पण वाहतुकीचे बाकी नियम पाळले नाही तर अन्य लोकांची सुरक्षितता धोक्यात येते. वाहतुक सुरक्षाव्यवस्था सांभाळताना वाहतूक नियमांच्या अंमलबजावणीचे प्राधान्यक्रम ठरवले पाहिजेत. ही हेल्मेट सक्ती खरोखरच वाहनचालकांच्या सुरक्षिततेच्या कळवळ्यापोटी आहे काय? कि यात हेल्मेट उत्पादकांचे हितसंबंध गुंतलेले आहेत? रस्त्यावर होणारे अपघात हे हेल्मेट न घातल्यामुळे होतात काय? असे अनेक प्रश्न उपस्थित होतात. एखाद्या शहरात दरोडेखोरांचा धुमाकूळ असताना त्याकडे लक्ष न देता जर पोलिसांनी उचल्यांविरुद्ध मोहीम राबवली तर त्यांच्या हेतु विषयी शंका निर्माण होणे स्वाभाविक आहे. कुठलाही कायदा करताना त्याला काही वैधता असली पाहिजे. गरजे नुसार त्याचे नूतनीकरण झाले पाहिजे वा रद्द झाला पाहिजे. हेल्मेटची शिफारस करा पण सक्ती नको.
136542 वाचन
💬 प्रतिसाद (360)
अ
अद्द्या Sun, 02/07/2016 - 16:20 नवीन
इथेही (बेळगाव कर्नाटक) हेल्मेट सक्ती १ फेब्रुवारी पासून लागू केली मनपा ने . पिलन राइडर ला सुद्धा कोणीच कुठेच आरडा ओरडा केला नाही , का कुठे फुकाचे वाद नाहीत . कि कोणी हे म्हणालं नाही कि हेल्मेट कंपनीच्या फायद्या साठी हा नियम काढलाय . कि रस्ते खराब आहेत म्हणून आम्ही हेल्मेट घेणार नाही म्हणाले नाहीत . ज्यांना जमतं त्यांनी चांगले हेल्मेट घेतले . नाही त्यांनी रस्त्यावरचे २००-३०० रुपयाचे घेतले. पण हेल्मेट घेतले . पण असो . पुणे तिथे फालतू वादाला काय उणे
स
सुबोध खरे Sun, 02/07/2016 - 17:24 नवीन
हेल्मेट सक्तीला विरोध करणारे रस्ते, फेरीवाले, सिग्नल यंत्रणा यावर उलट सवाल करणाऱ्या लोकांना एकच सल्ला. विमानात सीट बेल्ट बांधायला सांगितला की विमानतळ नीट का नाही किंवा विमान दोन तास उशीरा का सुटलं ही कारणे विचारत बसाल का...??? अपघात अनेकदा दुसऱ्याच्या चुकीमुळे होतात आणि चांगल्या रस्त्यावरही नक्की होतात. .. बदली डोकं मिळायला आपण काही गणपती बाप्पा नाही...
क
कॅप्टन जॅक स्पॅरो Mon, 02/08/2016 - 02:35 नवीन
अपघात अनेकदा दुसऱ्याच्या चुकीमुळे होतात आणि चांगल्या रस्त्यावरही नक्की होतात.
+५७८७४५४६५४७९८६५४६५४६५४६५६ हल्ली १/२ किलो ते १ किलो वजनाची केव्हलार हेल्मेट्स आहेत ती घेउन वापरा. सवय झाली २-३ दिवसात की अजिबात रास होत नाही.
↩ प्रतिसाद: सुबोध खरे
स
सुबोध खरे Sun, 02/07/2016 - 17:27 नवीन
जालावरुन साभार
म
मोदक Sun, 02/07/2016 - 17:35 नवीन
शहरात कमी वेगाने गाडी चालवली जाते, असा किती वेग असतो.. वगैरे कारणे देणार्‍यांनी एक उपाय नक्की करावा. आपल्या स्मार्टफोनवर सायकल ट्रॅकर, जीपीएस ट्रॅकर असल्र एखादे अ‍ॅप डाऊनलोड करा आणि घर ते ऑफिस, घर ते मंडई असल्या प्रवासात आपण किती वेगाने कसा कसा प्रवास करतो, टॉप स्पीड, अ‍ॅव्हरेज स्पीड वगैरेची नोंद मिळेल.
अ
अन्नू Sun, 02/07/2016 - 17:56 नवीन
"हम हैलमैट वालों की बाजु घेते हय!" तुंम्हाला रस्ता, खड्डे, नाले, प्रशासन, या समस्या असतील तर सरळ टॅक्सवर बहिष्कार घाला आणि झोपलेल्या अधिकार्‍यांना जागे करा, उगीच हैलमेटला नकार दिऊन सवताच्याच आयुष्याशी का खेळावं म्हणतोय मी?
ए
एस Sun, 02/07/2016 - 19:27 नवीन
एक पुणेकर असूनदेखील मी शिरस्त्राणसक्तीचा ठाम समर्थक आहे. अगदी कोथिंबिर वगैरे आणायलासुद्धा हेमेट घालूनच (दुचाकीवर. पायी नव्हे! ;-) ) जातो. तेव्हा हेल्मेट आवर्जून वापरा. हेल्मेंटाळा करू नका.
क
कॅप्टन जॅक स्पॅरो Mon, 02/08/2016 - 02:37 नवीन
हेहेहेहेहेहेहेहे. हेल्मेट घालायचं कारण चाफेकळीसारखं नाजुक आहे असं उगीचं वाटलं =))
↩ प्रतिसाद: एस
ए
एस Mon, 02/08/2016 - 04:05 नवीन
;-) दरवेळी कोथिंबिर -> चाफेकळी असे नाही हो! वरती कुणीतरी कोथिंबिर आणायला जातानाही हेल्मेट घालायचे का असे विचारलेय म्हणून लिहिले. :-)
↩ प्रतिसाद: कॅप्टन जॅक स्पॅरो
च
चौकटराजा Mon, 02/08/2016 - 02:04 नवीन
एकूणच जीवनाचा विचार केला तर जीवन हां एक जुगार आहे.मी स्वत: तेल वाळु पाणी असे सरफेस वर असताना पडलो आहे तरीही मला कधीही हेड इंजुरी झाली नाही याचे कारण या सर्व वेळी माझा वेग हां फार तर 20 किमी असेल.वळणा वर वेग कमी झालाच पाहिजे हे तत्त्व कायद्याने वद वलेले नव्हे तर अनुभवाने मुरलेले फिजिक्स आहे. पावसाळ्यात संयमाने वहान हाकले पाहिजे हां खरा धडा आहे हेल्म्टेट ची सक्ती हे त्याचे उत्तर नाही .अपघात हां अपघातच असतो मग तो प्रेमात पडण्याचा असो की मरणात .कायद्याने प्रस्थापित पद्धतीने रोज एक आर टी ओ इन्स्पेक्टर 350 वहाने तपासून पाहून नोंदणी करू शकेल काय ? तिथे पैसे फेकले की दोनमिनिटात सही होते हे सत्य आहे.पी यु सी ची काय स्थिती आहे ते किती गंभीरपणे दिले जाते हे सर्वाना चांगलेच ठाउक आहे.दंड ही एक अर्थव्यवस्था झाली आहे. वहातुक अधिकारी आवाड याना एकाने विचारले की हेलमेट सक्तीचा दुरुपयोग आतं कवादी करतील तर असे कितीसे ? असा प्रश्न त्यानी विचारला .मग त्यांचेच तर्कट वापरून त्याना असे वि चारता येते की 25 लाखात 239 मृत्यु असे कितीसे ? एखाद्याची बायको व्यभिचारी निघाली म्हणून भयाने सर्वच महिलाना आता चेष्टिटि बेल्ट सक्तीचा करा असा कायदा हवा का ? अपवादाने कधी नियम बदलायचा नसतो .हेलमेट घालणे हे जरूर आहे.ते कधी घालायचे हे वापरणार्याला ठरवू दया त्याला आपला "सेफ पिरियड " बरोबर ठाउक असतो.
क
कॅप्टन जॅक स्पॅरो Mon, 02/08/2016 - 02:47 नवीन
एकूणच जीवनाचा विचार केला तर जीवन हां एक जुगार आहे.मी स्वत: तेल वाळु पाणी असे सरफेस वर असताना पडलो आहे तरीही मला कधीही हेड इंजुरी झाली नाही याचे कारण या सर्व वेळी माझा वेग हां फार तर 20 किमी असेल
नशिबवान आहात. तुम्ही २० किमी ला होतात. कोलिजन अ‍ॅक्सिडेंट्स मधे समोरचा फक्तं २० किमी नी येउन आपटेल ह्याची खात्री काय? After all accidents are unpredictable. They just happen. All we can do is minimize the damage. रस्त्याची अवस्था, वातावरण ह्या सगळ्या औट ऑफ कंट्रोल गोष्टी आहेत तुमच्या मान्य. पण किमान हेल्मेट घालुन सुरक्षितता वाढवणं हे तर आपल्याचं हातात आहे ना? २५ लाखात २३९ मृत्यु स्टॅटिस्टिकली कमी असतील पण जेव्हा त्या २३९ मधला एखादा आपला असतो किंवा देव नं करो स्वतः असलो तर तेव्हाही हाचं फॉर्म्युला ग्राह्य धरता येईल का? बरं हेल्मेट काही फार महागडी गोष्ट नाही. आय.एस.आय. मार्क वालं उच्चं दर्जाचं हेल्मेट २०००-२५०० रुपयामधे येतं. ज्या व्यक्तीला ऑन अ‍ॅव्हरेज ५०००० रुपयाची गाडी परवडु शकते त्या व्यक्तीसाठी दोन अडीच हजार जास्तं नाहीत. ऐकु येत नाही, व्हिजिबिलिटीचा प्रॉब्लेम वगैरे सगळे बहाणे आहेत म्हणणार नाही, पण त्याची फार फार तर दोन दिवसात सवय होते. नंतर तुम्ही हेल्मेट नाही घातलं तर चुकल्याचुकल्यासारखं वाटतं. माझ्या माहिती प्रमाणे तुम्ही स्वत:ही हेल्मेट वापरता. सक्ती चुकीचीचं आहे. पण वाईट नक्की नाही. शेवटी आपली सुरक्षा आपल्या हातात असते.
↩ प्रतिसाद: चौकटराजा
च
चौकटराजा Mon, 02/08/2016 - 05:27 नवीन
कोणत्याही अपघातात जसे मेंदूला इजा हा मुद्दा महत्वाचा तसा इतर मार्गाने झालेला रक्त स्त्राव shock as a result of multiple injuries हे ही महत्वाचे .हेलमेट घातलेल्या च्या पोटावरून चाक गेले तर हेल्मेट काय करील? ज्या वेळी एखादा दुचाकीचा अपघात रस्त्यावर मी पहातो त्याच्या मदतीला जातो.त्याला मर्यादित दुखापत झाली असेल तर त्याला एक वाक्य म्हणतो " गुड जास्त काही नाही घाबरून गाड़ी चालवणे बंद करू नका . हां अपघात समजा .अपघात हां अपघात असतो तो सारखा सारखा होत नसतो"
↩ प्रतिसाद: कॅप्टन जॅक स्पॅरो
स
संदीप डांगे Mon, 02/08/2016 - 05:34 नवीन
घरो घरी आर ओ फिल्टर लावुन पाणी पिणार्‍यांबद्दलही अशीच जनजागृती करावी असे वाटते. अर्थात ते काही सक्तीचे नाही पण एकुण वातावरण बघता ती ही एक अघोषित सक्तीच आहे. तेव्हा सरकारला कोणी आम्हाला स्वच्छ शुद्ध पाणी पुरवण्याचे तुमचे कर्तव्य आहे, पाइपलाईन्स खराब आहेत, गळती होत असते, पाणी गढूळ येतं इत्यादी कारणे सांगुन आम्ही आर ओ वापरणारच नाही असे म्हणत नाही. भले त्यात सरकार आणि फिल्टरवाल्या कंपन्यांचा हेल्मेटपेक्षा कैक पटीने फायदा असु दे. अशा अनेक गोष्टी आहेत, ज्यांच्यासाठी आपण आगावु काळजी घेतो तिथे तुम्ही दिलेलं हे "अपघात हां अपघात असतो तो सारखा सारखा होत नसतो" लॉजिक पाळत नाही.
↩ प्रतिसाद: चौकटराजा
म
मदनबाण Mon, 02/08/2016 - 03:16 नवीन
एकूणच जीवनाचा विचार केला तर जीवन हां एक जुगार आहे. वा.वा.वा... काय ते तत्वज्ञान ! मी स्वत: तेल वाळु पाणी असे सरफेस वर असताना पडलो आहे तरीही मला कधीही हेड इंजुरी झाली नाही याचे कारण या सर्व वेळी माझा वेग हां फार तर 20 किमी असेल.वळणा वर वेग कमी झालाच पाहिजे हे तत्त्व कायद्याने वद वलेले नव्हे तर अनुभवाने मुरलेले फिजिक्स आहे. पावसाळ्यात संयमाने वहान हाकले पाहिजे हां खरा धडा आहे हेल्म्टेट ची सक्ती हे त्याचे उत्तर नाही हेल्मेट मेंदुला जबर धक्का / आघात होउ नये यासाठी वापरले जाते ! त्याचा वरील कुठल्याही गोष्टीशी संबंध नाही ! अपघात हां अपघातच असतो मग तो प्रेमात पडण्याचा असो की मरणात . वरती म्हणता जीवन एक जुगार आहे, मग जुगार खेळताना अपघाताचा विचार कशाला ? कायद्याने प्रस्थापित पद्धतीने रोज एक आर टी ओ इन्स्पेक्टर 350 वहाने तपासून पाहून नोंदणी करू शकेल काय ? तिथे पैसे फेकले की दोनमिनिटात सही होते हे सत्य आहे.पी यु सी ची काय स्थिती आहे ते किती गंभीरपणे दिले जाते हे सर्वाना चांगलेच ठाउक आहे.दंड ही एक अर्थव्यवस्था झाली आहे. परत एकदा रिपीट मारतो :- हेल्मेट मेंदुला जबर धक्का / आघात होउ नये यासाठी वापरले जाते ! त्याचा वरील कुठल्याही गोष्टीशी संबंध नाही ! वहातुक अधिकारी आवाड याना एकाने विचारले की हेलमेट सक्तीचा दुरुपयोग आतं कवादी करतील तर असे कितीसे ? असा प्रश्न त्यानी विचारला .मग त्यांचेच तर्कट वापरून त्याना असे वि चारता येते की 25 लाखात 239 मृत्यु असे कितीसे ? एखाद्याची बायको व्यभिचारी निघाली म्हणून भयाने सर्वच महिलाना आता चेष्टिटि बेल्ट सक्तीचा करा असा कायदा हवा का ? मिसळीच्या तर्रीला पुण्यात सँपल का म्हंटल जातं ? ते आज खर्‍या अर्थाने कळलं ! पांचटपणा आणि अंमळ वायझेडपणा अजुन काही नाही. अपवादाने कधी नियम बदलायचा नसतो .हेलमेट घालणे हे जरूर आहे.ते कधी घालायचे हे वापरणार्याला ठरवू दया त्याला आपला "सेफ पिरियड " बरोबर ठाउक असतो. शेवटी दोष पुणेकरांचा नसुन "पाण्याचाच" आहे नाही का ? ;) हेल्मेट न घातल्याने पुण्यात दुचाकीस्वाराचा दुर्दैवी मृत्यू

मदनबाण.....

आजची स्वाक्षरी :- Mounting concerns over return to Cold War-style troop build up in Europe S-500 Missile System Offers ‘World-Beating’ Features to Guard Russia Skies
↩ प्रतिसाद: चौकटराजा
च
चौकटराजा Mon, 02/08/2016 - 05:06 नवीन
आपण मथळा नीट वाचा .तो हेल्मेट च्या विषयीच नाही त्यापेक्षा व्यापक आहे. आपण म्हणता आर टी ओ नोंदणीचा या विषयाशी सम्बध काय ?ज़रा आर टी ओ ला जाउन प्रोसेस समजावून घ्या . मी 22 वर्षात किमान 100 वेळा तरी त्या ड्यूटी वर गेलोय ! तिथे किती कायदा पाळतात ते मला तपशीलवार माहीत आहे. बाकी शक्यते च्या प्रमाणाचा अंदाज घेऊनच म्हणजे एक प्रकारचा जुगार खेळतच जीवन जगले जाते नाहीतर प्रत्येक क्षणाच्या सुरक्षित पणासाठी विमा उतरवावा लागेल. कैलासनाथा च्या यात्रेसाठी लाइफ़ जाकेट सक्ती चे करावे लागेल व् गुलमर्ग च्या गंडोला त प्याराशूट सक्ती चे करावे लागेल .
↩ प्रतिसाद: मदनबाण
म
मदनबाण Mon, 02/08/2016 - 05:49 नवीन
आपण मथळा नीट वाचा .तो हेल्मेट च्या विषयीच नाही त्यापेक्षा व्यापक आहे. हेल्मेटची चर्चा ही अशी व्यापक होते ? काहीही... हा चौरा ! आपण म्हणता आर टी ओ नोंदणीचा या विषयाशी सम्बध काय ?ज़रा आर टी ओ ला जाउन प्रोसेस समजावून घ्या . मी 22 वर्षात किमान 100 वेळा तरी त्या ड्यूटी वर गेलोय ! तिथे किती कायदा पाळतात ते मला तपशीलवार माहीत आहे. बाकी शक्यते च्या प्रमाणाचा अंदाज घेऊनच म्हणजे एक प्रकारचा जुगार खेळतच जीवन जगले जाते नाहीतर प्रत्येक क्षणाच्या सुरक्षित पणासाठी विमा उतरवावा लागेल. कैलासनाथा च्या यात्रेसाठी लाइफ़ जाकेट सक्ती चे करावे लागेल व् गुलमर्ग च्या गंडोला त प्याराशूट सक्ती चे करावे लागेल . उध्या म्हणाल हेल्मेट आणि मूळव्याध यांचा अगदी जवळचा संबंध आहे !

मदनबाण.....

आजची स्वाक्षरी :- Mounting concerns over return to Cold War-style troop build up in Europe
S-500 Missile System Offers ‘World-Beating’ Features to Guard Russia Skies

↩ प्रतिसाद: चौकटराजा
च
चौकटराजा Mon, 02/08/2016 - 09:15 नवीन
आर टी ओ नोंदणी ही नुसती नंबर देण्या ची प्रक्रिया नाही .वहातुक पोलिस यांच्या सारखेच काही अधिकार आर टी ओ ला असतात.ते पोलिस नव्हेत पण वहान व वहातुक हां दोन्हीताला दुवा आहे. बस जास्त लिहित नाही.
↩ प्रतिसाद: मदनबाण
श
श्रीगुरुजी Mon, 02/08/2016 - 09:25 नवीन
.हेलमेट घालणे हे जरूर आहे.ते कधी घालायचे हे वापरणार्याला ठरवू दया त्याला आपला "सेफ पिरियड " बरोबर ठाउक असतो.
सहमत
↩ प्रतिसाद: चौकटराजा
प
प्रदीप साळुंखे Mon, 02/08/2016 - 05:51 नवीन
ज्याच्या त्याच्या कर्माने लोक मरतील,ज्याला स्वतःच्या जीवाची काळजी आहे ते लोक हेल्मेट वापरतील.सरकारने अशा दुय्यम गोष्टींना प्राधान्य देवू नये असे वाटते,बाकिच्या बर्याच समस्या आहेत महाराष्ट्रात तिकडे लक्ष द्यावे. उगाच बॅन,सक्ती वगैरे कशाला? (तेवढीच लोकसंख्या कमी होण्यास मदत होईल)
S
shawshanky Mon, 02/08/2016 - 06:06 नवीन
बाईकवाल्यांमुळे बाकिच्यांना चिलखत घालण्याची सक्ती करणे हे अधिक गरजेचे आहे.
प
पिलीयन रायडर Mon, 02/08/2016 - 07:43 नवीन
मी हेल्मेट वापरते आणि ते आवश्यकच आहे. रस्ते, भ्रष्टाचार, हेल्मेट कंपन्यांचा फायदा इ कारणं भिकार आहेत. मानेचा त्रास होणार्‍यांना लाईट वेट हेल्मेट वापरता येतीलच की. सरावाने हेल्मेट वापरुनही आजुबाजुचे नीट बघता येते. ऐकुही येते. काही अडचण होत नाही. आता हेल्मेट नाही घातलं तर विचित्र वाटतं. परवा चेपुवर "जीव गेला तरी चालेल पण हेल्मेट घालणार नाही" असा फोटो पाहिला. हात जोडले. जीव इतका स्वस्त असतो?? की हेल्मेट घालणं एखादा राजद्रोह वगैरे आहे?? मला माझ्या ३.५ वर्षाच्या मुलासाठी हेल्मेट हवे आहे. तो अ‍ॅक्सेसवर समोर उभा रहातो. माझ्या पायात मी त्याला अडकवुन ठेवते. अंतर ३-४ किमी आहे. साधारण १० मिन लागतात. आणि वेग ४० च्या वर जात नाही. तरीही त्याला हेल्मेट घालायचे आहे. सायकलवर घालतात तसे हेल्मेट घ्यावे का?
ट
टवाळ कार्टा Mon, 02/08/2016 - 08:03 नवीन
http://www.amazon.com/Best-Sellers-Sports-Outdoors-Kids-Bike-Helmets/zgbs/sporting-goods/3404641 यातले घ्या :)
↩ प्रतिसाद: पिलीयन रायडर
म
मोदक Mon, 02/08/2016 - 08:10 नवीन
स्केटिंग किंवा सायकलींगवाले हेल्मेट घे, डेकॅथलॉनमध्ये मिळेल.
↩ प्रतिसाद: पिलीयन रायडर
प
पिलीयन रायडर Mon, 02/08/2016 - 08:13 नवीन
कुठे जाउन काही घेणे अवघडच आहे सध्या. घरपोच मागवायची सोय आहे का? नाही तर मग वीकांतापर्यंत थांबावे लागेल आणि जवळपास मिळेल ते घ्यावे लागेल. तडजोड करायची नाहिये म्हणुन घरी मागवता येणार असेल तर बरे पडेल. टक्याने वर अ‍ॅमेझॉनची लिंक दिलीये. पण ते मला शोपीसच वाटत आहेत. दणकट वाटत नाहीत :(
↩ प्रतिसाद: मोदक
म
मोदक Mon, 02/08/2016 - 08:28 नवीन
काटाकिर्र च्या शेजारी एक मेरीडा शोरूम आहे, तेथे मिळाले तर बघ. (पण तेथे उत्तम क्वालिटीचे असल्याने थोडे महाग वाटू शकेल.)
↩ प्रतिसाद: पिलीयन रायडर
अ
अविनाशकुलकर्णी Mon, 02/08/2016 - 08:19 नवीन
Image removed. हेलमेट सक्ति....पुणेरी हेलमेट.. "परंपरेशी तडजोड नाहि"
स
सुधीर१३७ Mon, 02/08/2016 - 12:41 नवीन
बंड्या : गुरुजी, गुरुजी हेल मेट का घालायचे असते ? गुरुजी : अरे बिनडोका, हेल मेट असा उच्चार नाहीये त्याचा. हेल्मेट असा आहे. बंड्या : पण ते का घालायचे असते ? गुरुजी : सक्ती आहे म्हणून. बंड्या : सक्ती कोणी केली ? गुरुजी : सरकारने. बंड्या : का केली : गुरुजी : आपण जिवंत राहावं म्हणून. बंड्या : गुरुजी, दारुमुळे आपण जिवंत राहतो की मरतो ? गुरुजी : हळू हळू मरतो. बंड्या : मग त्यावर का नाही बंदी आणत सरकार ? गुरुजी : उद्या सांगीन. बंड्या : सिगरेट मुळे आपण जिवंत राहतो की मरतो ? गुरुजी : फार च हळू हळू मरतो. बंड्या : मग त्यावर का नाही बंदी आणत सरकार ? गुरुजी : उद्या सांगीन. बंड्या : म्हणजे आपण जगावं असं सरकारला वाटतं ? गुरुजी : हो रे बाळा. बंड्या : मग महागाई कमी कमी का नाही करत सरकार ? गुरुजी : उद्या सांगीन. बंड्या : सगळं उद्या सांगणार , तर आज काय सांगणार ? गुरुजी : तेही उद्याच सांगीन !! बंड्या : खेळताना चेंडू लागून , किंवा डोके कशावर तरी आपटून आपण मरू शकतो ना ? गुरुजी : हो. बंड्या : मग तिथे का नाही हेल्मेटसक्ती ? गुरुजी : फालतू शंका आहे. बंड्या : रस्त्यावरून चालत जाताना डोक्यात काही पडले तर आपण मरू शकतो ना ? गुरुजी : हो. बंड्या : मग चालताना का नाही हेल्मेटसक्ती ? गुरुजी : उद्या सांगीन. बंड्या : घरात सुद्धा आपल्या डोक्यात काही पडू शकतं ना ? किंवा आपण डोक्यावर पडू शकतो ना ? मग तिथे का नाही हेल्मेटसक्ती ? गुरूजी : उद्या सांगीन......................... तेव्हापासून बंड्या उद्या कधी उजाडतोय याची वाट बघत बसलाय....आणि गुरुजी उद्या कधीही उगवू नये, अशी प्रार्थना करत बसले आहेत !!!
क
कपिलमुनी Mon, 02/08/2016 - 13:24 नवीन
बंड्या : गुरुजी, गुरुजी हेल मेट का घालायचे असते ? गुरुजी : अरे बिनडोका, हेल मेट असा उच्चार नाहीये त्याचा. हेल्मेट असा आहे. बंड्या : पण ते का घालायचे असते ? गुरुजी : सक्ती आहे म्हणून. बंड्या : सक्ती कोणी केली ? गुरुजी : सरकारने. बंड्या : का केली : गुरुजी : आपण जिवंत राहावं म्हणून. बंड्या : गुरुजी, दारुमुळे आपण जिवंत राहतो की मरतो ? गुरुजी : हळू हळू मरतो. बंड्या : मग त्यावर का नाही बंदी आणत सरकार ? गुरुजी : दारू पिणे न पिणे हा चॉईस आहे , अपघात हा चॉईस नाही बंड्या : सिगरेट मुळे आपण जिवंत राहतो की मरतो ? गुरुजी : फार च हळू हळू मरतो. बंड्या : मग त्यावर का नाही बंदी आणत सरकार ? गुरुजी : सिगारेट पिणे न पिणे हा चॉईस आहे , अपघात हा चॉईस नाही बंड्या : म्हणजे आपण जगावं असं सरकारला वाटतं ? गुरुजी : हो रे बाळा. बंड्या : मग महागाई कमी कमी का नाही करत सरकार ? गुरुजी : महागाईने लोका मरत असतील तरी प्रयत्न करयला पुरेसा अवधी असतो , अपघाती मृत्यूला तेवढा अवधी मिळत नाही. बंड्या : सगळं उद्या सांगणार , तर आज काय सांगणार ? गुरुजी : जी सेफटी हातात आहे तेवढ पाळा बंड्या : खेळताना चेंडू लागून , किंवा डोके कशावर तरी आपटून आपण मरू शकतो ना ? गुरुजी : हो. बंड्या : मग तिथे का नाही हेल्मेटसक्ती ? गुरुजी : लेदर बॉल खेळताना हेल्मेट घालतात. आणि तुला पोहायला येत नसेल तर तु पाण्यात उडी मारतोस का ? बंड्या : रस्त्यावरून चालत जाताना डोक्यात काही पडले तर आपण मरू शकतो ना ? गुरुजी : हो. बंड्या : मग चालताना का नाही हेल्मेटसक्ती ? गुरुजी : चालताना डोक्यात पडून होणार्‍या अपघाताची आकडेवारी आण आणी दुचाकीवरून होणार्‍या अपघाताची आणून चेक कर . बंड्या : घरात सुद्धा आपल्या डोक्यात काही पडू शकतं ना ? किंवा आपण डोक्यावर पडू शकतो ना ? मग तिथे का नाही हेल्मेटसक्ती ? गुरूजी : घरात तुझा चालण्याचा स्पीड, आदळणार्‍या वस्तूचा स्पीड, वजन आणी शक्यता यांचे गणित करून पुन्हा हा प्रश्न विचार बाकी डोक असलेल्यांनी डोक नसलेल्यांच्या हेल्मेट ची चिंता सोडावी हे उत्तम (एखाद्याला आपल्या कर्माने मरायचा असेल तर तुम्ही काही करू शकत नाही) तरीही प्रतिसाद लिहिला कारण स्वतःला हेल्मेट घालायचा नसेल तर घालू नका पण हेल्मेट ना घालण्याचा प्रचार करू नका
↩ प्रतिसाद: सुधीर१३७
प
पिलीयन रायडर Mon, 02/08/2016 - 13:38 नवीन
तरीही प्रतिसाद लिहिला कारण स्वतःला हेल्मेट घालायचा नसेल तर घालू नका पण हेल्मेट ना घालण्याचा प्रचार करू नका
अगदी अगदी..
↩ प्रतिसाद: कपिलमुनी
स
सुधीर१३७ Mon, 02/08/2016 - 13:45 नवीन
विनोद म्हणून वाचा, प्रचार म्ह्णून नाही. .......... आपल्या व्यतिरिक्त इतरांना डोके आहे किंवा नाही याची चिन्ता आपण करु नये हे उत्तम ....
↩ प्रतिसाद: कपिलमुनी
अ
अनिरुद्ध.वैद्य Mon, 02/08/2016 - 15:09 नवीन
डोक असलेल्यांनी डोक नसलेल्यांच्या हेल्मेट ची चिंता सोडावी हे उत्तम >> सहमत!
↩ प्रतिसाद: कपिलमुनी
ब
बबन ताम्बे Mon, 02/08/2016 - 14:29 नवीन
एकदा शास्त्रीनगर,येरवडा येथील सिग्नलला लाल सिग्नल लागला म्हणून स्कूटर थांबवली. हेल्मेट घातले नव्ह्ते. अचानक कानाशेजारून सुंईई असा आवाज करत एक डंपर गेला. लोड बॉडीची रुंदी ही डंपरच्या ड्रायव्हरच्या केबिनच्या रुंदी पेक्षा थोडी जास्त असते. लोड बॉडी दोन्ही बाजूकडून बाहेर आलेली असते. कधी कधी ड्रायव्हरला शेजारच्या गाडयांचा त्यामुळे अंदाज येत नाही. माझ्या कानाशेजारून ती लोड बॉडी सुंईई आवाज करत गेली. माझे डोके आणि डंपरची लोड बॉडी यात चार इंचाचे किंवा कमीच अंतर असेल. दुस-या दिवसापासून निमूटपणे हेल्मेट घालायला लागलो.
म
मी-सौरभ Mon, 02/08/2016 - 15:01 नवीन
मी काय म्हणतो, सरकार म्हणते की दुचाकी स्वारांन्नी हेल्मेट घातले पाहिजे. हेल्मेटशिवाय गाडी चालवताना पकडले तर दंड भरावा लागेल.हेल्मेट की दंड हा ज्याचा त्याचा वैयक्तिक निर्णय आहे. आपण ईथे चर्चा केल्याने सरकार त्यांचा निर्णय बदलणार आहे का?
स
संदीप डांगे Mon, 02/08/2016 - 18:03 नवीन
हेल्मेटचे महत्त्व पटवून देण्याचा प्रयत्न केल्याबद्दल हेल्मेट उत्पादक कंपन्यांकडून व खाबुगीरी करणार्‍या पोलिसांकडुन मला आताच हे पार्सल आले. Image removed. त्यामुळे हेल्मेटसक्तीच्या मागे प्रचंड उलाढाल व भ्रष्टाचार होत असल्याची माझी खात्रीच पटली, त्यामुळे स्वतःच्या सदसद्विवेक बुद्धीला जागून ह्या भ्रष्टाचारात अजिबात सामिल व्हायचे नाही असे ठरवून मी ह्या धाग्यावरुन रजा घेतो. (नाही, पार्सल कुठेही परत पाठवणार नाही. माझ्या देशभक्तीची पावती आहे ती... अर्र..अर्र.. काय चुकतंय का..? माझं नै हो, नोटा मोजणार्‍यांचं म्हणतोय मी...)
अ
अन्नू Mon, 02/08/2016 - 18:36 नवीन
एकंदरीतच- भारतासारख्या पापभिरु देशात हेलमेटची सक्ती करण्याचे सत्र अगदी अनादी काळापासून चालू आहे असे समजते. आत्ताच हाती लागलेल्या ठळक बातमीनुसार- याबाबत यमही ढसाढसा रडल्याचे वृत्त समोर आले आहे. पण हेलमेट काही त्याला चुकला नव्हता. रेडा चालवत असून देखील त्याला, स्पेशल शिंग डाझाईन्ड- ५ किलो ३०० ग्रॅ.चा हेलमेट शिव महाराजांनी कंपल्सरी केला होता. असा- 'महाशिव' पुराणाच्या 'अधांतरी ट्रॅफिक' नियामवलीच्या- कायद्यांतर्गत उल्लेख आढळतो!
श
श्रीगुरुजी Tue, 02/16/2016 - 16:44 नवीन
३-४ दिवस हेल्मेटसक्तीचे नाटक झाल्यावर पुण्यातील हेल्मेटसक्ती बारगळलेली दिसतेय. पोलिस कोणी हेल्मेट घातले का नाही याच्याकडे लक्षही देत नाहीत. कोणत्याही चौकात सिग्नलला थांबलेल्या दुचाकी वाहनचालकांपैकी जेमतेम २०-२५% वाहनचालकांनीच हेल्मेट घातलेले दिसते. मागे बसलेल्याच्या एकाही व्यक्तीच्या डोक्यावर हेल्मेट दिसत नाही. पुणेकरांच्या एकजुटीचा पुन्हा एकदा विजय झाला आहे!
म
मोदक Tue, 02/16/2016 - 18:41 नवीन
असूदे हो.. ज्यांना स्वतःला डोके असण्याची खात्री आहे आणि ते सुरक्षित ठेवण्याची आवश्यकता आहे ते लोक्स हेल्मेट वापरतील असे समजा.
↩ प्रतिसाद: श्रीगुरुजी
क
कपिलमुनी Tue, 02/16/2016 - 18:48 नवीन
हेल्मेटविरोधाचा , पुणेकरांच्या एकजुटीचा , न्याय लढ्याचा विजय पचनी पडलेला दिसत नाही. -- हेल्मेटधारी पिंचिकर
↩ प्रतिसाद: मोदक
म
मोदक Tue, 02/16/2016 - 19:14 नवीन
नाही पडला. काय कम्प्लेन हाय?
↩ प्रतिसाद: कपिलमुनी
म
मी-सौरभ Tue, 02/16/2016 - 19:16 नवीन
कंप्लेन नाय कट्टा करा असा आग्रेव हाय
↩ प्रतिसाद: मोदक
क
कपिलमुनी Tue, 02/16/2016 - 18:46 नवीन
वरती परदेशामधले रेफर्न्स दिले होते ना ? पुण्यात असाल तर या कट्ट्याला :)
↩ प्रतिसाद: श्रीगुरुजी
म
मोदक Sat, 08/27/2016 - 22:25 नवीन
http://cycling-today.com/saved-by-the-helmet-billionaire-richard-branson-almost-killed-in-horror-bike-crash/
प
प्रकाश घाटपांडे Fri, 12/21/2018 - 07:56 नवीन
आता १ जानेवारी २०१९ पासून पुण्यात हेल्मेट सक्ती होणार आहे. आमचा विरोध हेल्मेटला नसून सक्तीला आहे व वाहतुकीचे अन्य गंभीर बाबींकडे लक्ष देण्याऐवजी हेल्मेटसक्तीवर का लक्ष देता आहात? असा सूर सध्या पुण्यात आहे.
च
चौथा कोनाडा Fri, 12/21/2018 - 10:04 नवीन
मला वाटतं हेल्मेटसक्ति या वेळीही बारगळेल असले हस्तिदंती मनोर्‍यावाले निर्णय जे लोक घेतात ते एसी स्कोडा स्कॉरपियो गाडीतून फिरणारे असतात. सामान्य दुचाकीस्वारांच्या दु:खाची आणि दैनंदिन हलाखीची कल्पना त्यांना नसते. या वेळीही सक्तिला मोठा विरोध सुरु झालेलाच आहे. खुद्द आरटीओ मधील सामान्य पोलिस शिपायांना देखील ही सक्ति जाचक आहे, हे त्यांच्याशी बोलताना जाणवते.
↩ प्रतिसाद: प्रकाश घाटपांडे
प
पंतश्री Fri, 12/21/2018 - 11:35 नवीन
२०km च्या स्पीडने असिसिडेन्ट झाल्यास किती नुकसान होऊ शकते? पुण्यातील बहुतेक रस्त्यावरील गाड्यांचा वेग २०-४०किमी आहे. ठराविक मोठे रस्ते, शहरात असलेले हायवे अशी असे काही अपवाद वगळता वाहनाचा वेग वाढवणे शक्य होत नाही. हे वक्तव्य सामान्य नागरिकांसाठी आहे. काही विशेष व्यक्ती भर गर्दीत पण ६०किमी चा वेग गाठू शकतात. पण सामान्यतः वेग जास्त नाही. मुख्य शहरात तर २०किमीचा वेग पण शक्य होत नाही. ह्यात परत बंद सिग्नल आणि खड्डे ह्यांची भर पडते. हेल्मेट असताना मानेला जे खड्ड्या मुले हादरे बसतात ते अवर्णीय आहेत. ह्या झटक्यांनीच आधी हाडे खिळखिळी होत आहेत त्यात हि हेल्मेट ची भर. भेटलेत आव्यश्यक आहे मान्यच, पण सक्ती केली कि त्यात पैसे खाणाऱ्यांचे फळते .
प
प्रसाद_१९८२ Fri, 12/21/2018 - 12:06 नवीन
२०km च्या स्पीडने असिसिडेन्ट झाल्यास किती नुकसान होऊ शकते? -- फार काही नाही, मात्र रस्त्यावर एकाद्या २०km च्या स्पीडने चालणार्‍या वाहनाचा तुम्हाला धक्का लागला किंवा एकाद्या खड्यामुळे तुम्ही दुचाकीसहीत रस्त्यावर पडलात व त्याचवेळी मागून २०km च्या स्पीडने एकादा ट्रक येत असेल तर तो ट्रक तुमच्या डोक्यावरुन जाऊन तुमचा जीव जाऊ शकतो इतकेच नुकसान होऊ शकते. --
↩ प्रतिसाद: पंतश्री
प
प्रसाद_१९८२ Fri, 12/21/2018 - 12:24 नवीन
सामान्य दुचाकीस्वारांच्या दु:खाची आणि दैनंदिन हलाखीची कल्पना त्यांना नसते. -- दुचाकी चालवताना लोकांना स्वत:च्या सुरक्षेपेक्षा, होणार्‍या दु:खाची आणि दैनंदिन हलाची चिंता अधिक आहे, हे पाहून आश्चर्य वाटले.
व
विशुमित Fri, 12/21/2018 - 12:44 नवीन
हेल्मेटमधील घामाचा कुबट सोडला तर, त्याबद्दल आपली काही बी तक्रार नाही. .... हेल्मेट मुळे डोक्यावरचे केस खुप झपाट्याने गळतात. हे खरे आहे का?
व
विशुमित Fri, 12/21/2018 - 12:45 नवीन
"कुबट वास " असे वाचावे.
↩ प्रतिसाद: विशुमित
स
सुबोध खरे Fri, 12/21/2018 - 15:17 नवीन
हेल्मेट च्या आतील आवरण स्वच्छ साबणाने धुवावे आणि उन्हात वाळवावे. यामुळे त्यातील घाम आणि त्याला चिकटलेली तेलकट/ धुराची घाण स्वच्छ होते. यानंतर त्यावर बॉडी डीओ चा स्प्रे मारावा आणि एक दिवस उताणे ठेवावे.यामुळे त्यात असलेले जिवाणू नष्ट होतात आणि नुसता घाम आला तरी त्याला वास येत नाही. या सर्व गोष्टी ला रविवारचा एक दिवस पुरतो. त्यातून अतिरिक्त घाम येणाऱ्यांनी हेल्मेटच्या आत मऊ टिशू पेपर ठेवावा आणि तो रोज बदलावा.
↩ प्रतिसाद: विशुमित