५ राज्यांच्या विधानसभा निवडणुकीची मतमोजणी व निकाल

हे आप'वाले 'खाईन तर तुपाशी'वाले आहेत आणि झटपट'च्या आजच्या काळात त्यांचे समर्थक आणि विरोधक पण तसच वागतात. एखाद्या नवख्या पक्षाला पंजाब मध्ये लोकसभेत ४ जागा आणि आता काही का असेना क्रमांक २ च्या जागा / विरोधी पक्ष नेतेपद हे तसे काही कमी यश नाही पण पहिल्या झटक्यात पंजाब /गोव्यात ८५-९०% जागा मिळवू वगैरे वल्गना बिनबुडाच्या असतात. पंजाबमध्ये जे मिळवले त्यावर आता सक्षम विरोधी पक्षच काम करायला हवे पण हे लोक निवडणूक एक वर्ष असताना जागे होऊन फक्त आरडा ओरडा करतात. पंजाबमध्ये आपचे ४ खासदार निवडून आले त्यातले किती बाहेर गेले / हाकलले आणि कोण पक्षात आहे हे त्यांच्या कार्यकर्त्यांना पण माहीत नसेल.

भाजपने गोवा आणि पंजाबात सत्ता गमावली आहे. त्यापैकी पंजाबात भाजप तसाही युतीतीलछोटा भाऊ आहे (२०१२ मध्ये सत्तेत असताना सुद्धा भाजपचे १२ आमदार होते. त्यांनी २३ मतदारसंघात निवडणूक लढवली होती. २०१७ मध्ये १२ चे ३ झाले) मुळातच भाजप पंजाबात छोटा पक्ष आहे. गेली १० वर्षे सातत्याने सत्तेत असल्यामुळे मतदारांची नाराजी त्यांना भोवली, आणि नाराजी ओढवून घेण्यात अकाली दलाने (मोठा पक्ष म्हणून) मोठाच हातभार लावला. भाजपने अकाली दलाच्या छायेतून बाहेर पडावे हेच उत्तम. गोवा: गोव्यात भाजपने ८ जागा गमावल्या (आधी २१ आमदार होते आता १३, विधानसभेच्या एकूण जागा ४०) . लक्ष्मीकांत पार्सेकर काही लोकप्रिय नव्हते. शिवाय अंतर्गत लाथाळ्यांचा, मगोप ने साथ सोडल्याचा त्यांना फटका बसला. उ. प्र आणि उत्तराखंड मध्ये तर भाजपने एकहाती सत्ता मिळवली आहे. मणिपूर मध्ये त्यांची गेल्या निवडणुकीत एक पण जागा नव्हती, आता २१ जागा मिळवून तो दुसऱ्या क्रमांकाचा पक्ष ठरलाय. आणि इतर काही पक्षांच्या मदतीने भाजपने तिथे बहुमताचा दावा केलाय. भाजपला गोव्यात पण इतर पक्षांनी साथ दिली आहे. तर निवडणूक झालेल्या ५ पैकी ४ राज्यात भाजप सत्ता स्थापन करणार आहे. ईशान्येकडील राज्यांमध्ये भाजपचा आधी काही जोर नव्हता. (तसाच तो दक्षिण आणि पूर्वेकडील राज्यांमध्ये पण नाहीय). पण आता अरुणाचल प्रदेश , आसाम , नागालँड , सिक्कीम, आणि आता मणिपूर या ५ राज्यांमध्ये एकतर भाजपचा मुख्यमंत्री आहे किंवा भाजप सत्तेत भागीदार आहे.

श्रीगुरुजी, कशावरनं ही यंत्रं बाधित (कॉम्प्रमाईझ्ड) नाहीत? आ.न., -गा.पै.