तुमच्या अ‍ॅन्ड्रॉईडसाठी...

स
सुहास झेले
🗣 716 प्रतिसाद
१९७३ मध्ये मार्टीन कूपरने मोबाईलचा शोध लावला. तेव्हा त्याने कल्पनादेखील केली नसेल की, हे तंत्रज्ञान इतकं झटपट प्रगत होऊ शकेल. सुरुवातीला मोठ्या लोकांची वापरायची गोष्ट म्हणून मोबाईल ओळखले जायचे. कोणाला फोन करायचा तर १५-१६ रुपये मिनिटाला द्यावे लागायचे. आज निव्वळ भारताचा विचार केला तर, लोकसंखेच्या जवळजवळ ६५ ते ७० टक्के लोकांकडे मोबाईल आहेत. ही आकडेवारी अजून मोठ्या प्रमाणात वाढली असेलच, कारण ही २०१० च्या वार्षिक अहवालानुसार केलेली पाहणी होती. असो मोबाईलच्या इतिहासावर जास्त बोलायचे नाही. आज आपण मोबाईलचा आत्मा...ऑपरेटिंग सिस्टीमबद्दल थोडे जाणून घेणार आहोत. घाबरू नका... काही लेक्चर वगैरे देत नाही. फक्त हल्ली रोजच्या वापरातली अ‍ॅन्ड्रॉईड प्रणालीसाठी, काही उपयुक्त गोष्टी जाणून घेणार आहोत. जसजसे नवीन तंत्रज्ञान आले, तसे मोबाईल प्रगत होत गेले. मोबाईल्स आता स्मार्ट फोन्स किंवा टॅब्लेट पीसी झाले. लोकांच्या गरजा बघून त्यात रोज काही ना काही बदल घडत गेले आणि त्यासाठी अनेक डेव्हलपर्स दिवसरात्र मेहनत घेत आहेत. सुरुवातीच्या काळात करवंदाची (Blackberry) ओढ असायची लोकांना, ती आजही आहे म्हणा....पण त्यांच्या डेटा सर्व्हर्सवरून झालेला वाद बघता, काही कंपन्यांनी सुरक्षेच्यादृष्टीने करवंद हद्दपार करत, स्मार्टफोन्स दिले. आता थोडी माहिती ह्या स्मार्टफोन्सला स्मार्ट बनवणाऱ्या प्रणालीची. अ‍ॅन्ड्रॉईड (Android)- इंटरनेट जगतात एकहाती वर्चस्व असणाऱ्या गुगलचा सध्याचा हुकुमाचा एक्का. गुगल सर्च, जीमेल, यु ट्यूब, ऑर्कुट, बझ्झ, अश्या एकसोएक सोयी (व्यसनं) देणाऱ्या गुगलने, २००५ साली अ‍ॅन्ड्रॉईड ही कंपनी विकत घेतली. संपूर्णतः लिनक्सवर आधारीत ही प्रणाली, खूप कमी वेळात प्रसिद्ध झाली. सध्या अ‍ॅन्ड्रॉईडची प्रणाली जेली बिन (Jelly Bean) व्हर्जन ४.१ ग्राहकांसाठी उपलब्ध आहे आणि पुढील व्हर्जनसाठी काजू कतली हे नाव देण्यासाठी कँपेन जोरदार सुरु आहे. अ‍ॅन्ड्रॉईड प्रणाली वापरायला अतिशय सोप्पी आणि ह्या प्रणालीसोबत वापरण्यास लाखो ऍप्लिकेशन्स गुगल स्टोरवर ग्राहकांसाठी उपलब्ध आहेत
अ‍ॅन्ड्रॉईडच्या आधी सिंम्बिअन (Symbian) ही प्रणाली अनेक फोन्समध्ये वापरली जायची आणि अजूनही वापरली जाते म्हणा. पण नोकीयाने सिंम्बिअनसोबत असलेला आपला करार गेल्यावर्षी मोडीत काढला आणि त्यांनी मायक्रोसॉफ्ट प्रणाली देण्यास सुरुवात केली. तरी काही नवीन फोन्समध्ये नोकीया सिंम्बिअन देत आहेच. कारण ही प्रणाली हाताळायला सोपी आणि विविध प्रकारचे ऍप्लिकेशन्स फार कमी वेळात सिंम्बिअनसाठी उपलब्ध झाले होते. नोकीया अजून तरी एक वर्ष ही प्रणाली ग्राहकांना देणार आहे आणि त्यानंतर ते पूर्णतः विंडोज बेस्ड फोन देणार आहेत. ह्याला कारण म्हणजे अ‍ॅन्ड्रॉईड आणि सफरचंदाचे (Apple) झपाट्याने वाढणारे मार्केट. विशेषतः अ‍ॅन्ड्रॉईड, कारण ऍपल उपकरणांची किंमत तुलनेने भारतात खूप आहे, त्यामुळे खिश्याच्या दृष्टीने अ‍ॅन्ड्रॉईड परवडेबल आहे. अगदी ८--९ हजारापासून ४० हजारापर्यंत अ‍ॅन्ड्रॉईड स्मार्टफोन्स मिळतात. फार कमी वेळात गुगलने ह्या क्षेत्रात मुसंडी मारली आणि त्यामुळे सिंम्बिअनची लोकप्रियता घटू लागली. त्यामुळेच नोकियाने दुश्मन का दुश्मन दोस्त, ह्या तत्वावर सिंम्बिअन बरोबर आपला करार मोडीत काढून मायक्रोसॉफ्टशी हात मिळवणी केली. (बातमी) सध्या मायक्रोसॉफ्ट विंडोज ८.० आणि मायक्रोसॉफ्ट ऑनलाईन ऍप्लिकेशन स्टोर वर तुफान काम करत आहेत. तज्ञांचे मत जाणून घ्याल तर, पुढील एका वर्षात गुगलच्या तोडीसतोड ऍप्लिकेशन स्टोर बनवण्याचा त्यांनी चंग बांधलाय. ऍपलचे मार्केट स्टोर सुद्धा खूप मोठे आहे, पण तुलनेने त्यांची ग्राहकसंख्या भारतात कमी आहे. तरीसुद्धा अनेक क्रियेटीव्ह ऍप्लिकेशन्समुळे, त्यांनी त्यांचा वेगळेपणा स्मार्टफोन्स जगतात ठसवला आहे. (अवांतर - मी तर पंखा आहे स्टीव्ह जॉब्सचा आणि त्याच्या कंपनीच्या विविध प्रोडक्ट्सचा, पण खिश्याने दगा दिला.... असो !!) आता पुढे जे होईल ते होईल, पण तूर्तास आपण काही प्रसिद्ध अ‍ॅन्ड्रॉईड मार्केट ऍप्लिकेशन्सची माहिती करून घेऊ. मी Samsung Galaxy S II हा फोन वापरतोय. तुम्ही वापरलेल्या ऍप्लिकेशन्सची माहिती लेखाच्या प्रतिसादात द्या, आणि कुठले फीचर्स तुम्हाला आवडले वगैरे सांगितले तर उत्तम. १. WhatsApp Messenger - सुरुवातीला गरीबांचा बीबीएम (BBM - BlackBerry Messanger) म्हणून अनेकांनी ह्या ऍप्लिकेशनची थट्टा उडवली, पण आज सर्वात जास्त वापरले जाणारे ऍप्लिकेशन म्हणून ह्याची नोंद आहे. हे ऍप तुम्ही सिंम्बिअन, ब्लॅकबेरी, ऍपल आणि अ‍ॅन्ड्रॉईड अश्या सर्व प्रणालीवर वापरता येते. इंटरनेटच्या सहाय्याने तुमचा मोबाईल नंबर वापरून तुम्ही जगात कोणाशीही संवाद साधू शकता आणि तेही फुकट. २. M-Indicator - मुंबईकरांसाठी हे सर्वात महत्त्वाचे ऍप. लोकल ट्रेन्सचं टाईमटेबल, मेगा ब्लॉकचे डायरेक्ट अपडेट्स, बेस्ट बसेसची माहिती, रिक्षा आणि काळ्या-पिवळ्या टॅक्सीचे दर पत्रक, मराठी नाटक आणि सिनेमांची माहिती, हिंदी सिनेमांची माहिती, भारतीय रेल्वेच्या PNR स्टेटस जाणून घेण्याची सुविधा अश्या अनेक लोकोपयोगी सुविधांमुळे हे ऍप प्रसिद्ध आहे आणि सर्वप्रकारच्या प्रणालीवर वापरता येते. ३. NewsHunt - अपडेटेड बातम्या तुम्हाला ह्या ऍपमुळे मिळू शकतील. मराठीतील सकाळ, लोकसत्ता, सामना, लोकमत आणि पुढारी ही वृत्तपत्रे तुम्ही वाचू शकता. इतर अनेक भाषांतील वृत्तपत्रेसुद्धा उपलब्ध आहेत. ४. Smart App Protector - तुम्ही वापरत असलेल्या कुठल्याही ऍप्लिकेशन्स परवलीचा शब्द लावून सुरक्षित करू शकता. ५. Wattpad - Free Books & Stories - भरपूर ई-बुक्स आणि कथा संग्रहाचा खजिना. तुम्ही पुस्तके डाऊनलोडसुद्धा करू शकता आणि ऑफलाईन वाचू शकता. ६. मराठीत टाईप करण्यासाठी - अ) GO Keyboard आणि देवनागरी प्लगईन ब) PaniniKeypad Marathi IME क) AnySoftKeyBoard - Devanagari ड) Lipikaar Hindi Keyboard Free मी चारही प्रकारच्या IME मी वापरून बघितल्या आहेत. त्यातल्यात्यात लिपिकार आणि गो कीबोर्ड आवडले. ७. Hide It Pro - तुमची प्रायव्हसी जपण्यासाठी हा एक प्रकारचा सिक्युरिटी व्हॉल्ट आहे. जिथे तुम्ही तुमच्या महत्त्वाच्या फाईल्स ठेवू शकता. ह्यालाही पासवर्ड असतो. ८. Truecaller - Global directory - नावाप्रमाणे ही एक डिरेक्टरी आहे, पण हे ऍप ऑनलाईन रजिस्टर केलेले फोन नंबर्सचा डेटा वापरते. जसे तुम्ही तुमचा नंबर सोशल साईटवर देता, हे असा डेटा जमा करतात. तसेच इंटरनेटवर स्पॅम केलेले नंबर्स दाखवून, तुम्ही त्यांना परस्पर ब्लॉक करू शकता. ९. Scan - आजवर उपलब्ध असलेला सर्वात जलद क्यूआर कोड (QR Code) स्कॅनर. १०. Justdial - ही पण एक प्रकारची लोक डिरेक्टरी, ज्यात तुम्ही आपल्या जवळपास असलेली हॉटेल्स, मॉल्स, डॉक्टर, हॉस्पिटल्स वगैरे माहिती पत्त्यासकट शोधू शकता. ११. Instagram - फोटो शेअरिंगसाठी अतिशय उपयुक्त. १२. Autodesk SketchBook Mobile - ह्या ऍपची माहिती अनलिमिटेड भटकंती करणाऱ्या पंकजने दिली. उत्तम ट्रेकर आणि फोटोग्राफर असणाऱ्या पंकजला ह्या ऍपमुळे डूडल्स रेखाटनाचासुद्धा छंद लागला. बाळासाहेब ठाकरे जेव्हा गेले, तेव्हा १० मिनिटात ह्याने श्रद्धांजली म्हणून एक डूडल काढले, जे खूप प्रसिद्ध झाले. काही डूडल्स इथे बघू शकता. १३. Misalpav - आपल्या लाडक्या मिपाचेही ऍप उपलब्ध आहे बरं :) १४. TED - Ideas worth spreading :) :) बाकी जीमेल, गुगल मॅप्स, फेसबुक, स्काईप ही नेहमीची ऍप्लिकेशन्स आहेतच, पण तुम्हाला माहित असलेली आणि तुम्ही स्वत: वापरलेली ऍप्लिकेशन्स जाणून घ्यायला आवडतील. तुमचे अनुभव नक्की शेअर करा. - सुझे !!
447147 वाचन
💬 प्रतिसाद (716)
म
मदनबाण Sun, 07/02/2017 - 14:43 नवीन
आजचे अ‍ॅप्स :- १] System Repair for Android 2017 तुमच्या अ‍ॅन्ड्रॉईड मध्ये काही दोष निर्माण झाला असेल तर तो घालवण्यासाठी उपयोगी अ‍ॅप. २] Touchscreen Repair तुमच्या टच स्क्रीनला रिकॅलिब्रेट करण्यासाठीचे उपयोगी अ‍ॅप. ३] Gaana गाणी ऐकण्यासाठी सुंदर अ‍ॅप. ४] Tanpura Droid तानपुर्‍याचे स्वर ऐकण्यासाठी,अगदी मेडिटेशन करण्यासाठी सुद्धा याचा वापर करु शकता. :)

मदनबाण.....

आजची स्वाक्षरी :- राकासी राकासी... ;) :- Rabhasa
प
प्रा.डॉ.दिलीप बिरुटे Tue, 06/02/2020 - 10:21 नवीन
असेल तर लिंका टाकाव्यात ही नम्र विनंती. -दिलीप बिरुटे
क
कंजूस Tue, 06/02/2020 - 10:41 नवीन
सध्या एवढी देतो. 1) Jionews ( https://play.google.com/store/apps/details?id=com.jio.media.jioxpressnews ) यात भरपूर मासिके आहेत . जिओ'चे सिम नसले तरी एकदा ओटिपी कुणा जिओवाल्याकडून घेऊन चालू केल्यास वाइफाइ किंवा वोडाफोन/एरटेल डेटावर सुरू राहते. --------------------------------- २) JioTv ( https://play.google.com/store/apps/details?id=com.jio.jioplay.tv ) वरीलप्रमाणेच एकदा स्टार्ट मारावा. बक्कळ टिवी चानेल्स आहेत. --------------------------------- ३) Best Camera ( https://play.google.com/store/apps/details?id=best.camera ) Timer लावून video सुरू /बंद करण्यासाठी. --------------------------------- ४) FotoPlay. ( https://play.google.com/store/apps/details?id=videoeditor.videomaker.slideshow.fotoplay ) फोटो स्लाइड शो करणे + म्युझिक टाकणे + टेक्स्ट ---------------------------------
त
तुषार काळभोर Tue, 06/02/2020 - 12:00 नवीन
https://play.google.com/store/apps/details?id=com.headfone.www.headfone यात काही कार्यक्रम आहेत रेडिओ वरचे, जातील मला हवा महल, डर हे आवडतात. या दोन्ही मधील कथा / नाटिका चांगल्या आहेत. संगीत पर्यायात काही चांगले स्टेशन आहेत. (लाइव्ह आहेत की कसे ते माहिती नाही. पण चांगले आहेत. उदा mirchi-९०, पुरानी जीन्स)
म
मदनबाण Tue, 06/02/2020 - 14:50 नवीन
वरती Tanpura Droid दिले होते, ते बदलुन त्याच्या जागेवर आता खालील अ‍ॅप वापरत आहे :- १]Dhwani Tanpura :- तानपुर्‍याचे स्वर ऐकण्यासाठी,मेडिटेशनसाठी. खालील दोन अ‍ॅप्स ही फाईल एक्स्प्लोरर आहेत. २] Amaze File Manager :- सोपे आणि सुटसुटीत. ३] FX File Explorer :- चायनीच अ‍ॅप्सच्या वापरा बद्धल काही वर्षांपुर्वी भारतीय लष्कराकडुन सुचना आल्याचे स्मरते. त्यावेळीच सगळे चायनीज अ‍ॅप्स अनइस्टॉल केले आणि वरील अ‍ॅप चीनी फाईल अ‍ॅप्सला पर्याय म्हणुन वापरण्यास सुरुवात केली. [ ही दोन्ही अ‍ॅप्स चायनीज आहेत का ? ते पुन्हा तपासायला हवे. ] ४] BatteryGuru :- मी अत्ता पर्यंत वापरलेले बेस्ट बॅटरी सेव्हींग अ‍ॅप. ५] V3 Mobile Security :- अँटीव्हायरस + अ‍ॅप लॉक

मदनबाण.....

आजची स्वाक्षरी :- Malhar Magic : Hindustani Raga with Fusion Arrangement || IndianRaga Fellows
क
कंजूस गुरुवार, 06/04/2020 - 07:47 नवीन
क्रमांक (५) अँटीव्हायरस + अ‍ॅप लॉक ● आपण apps ना क्याम्रा, स्टोरेज, माइक्रोफोन वापरण्याच्या परमिशन्स देतो त्यानंतर अँटीव्हायरस सॉफ्टवेर तिकडे ओथराइज्ड सॉफ्टवेर म्हणून बघते आणि काहीच उपयोग होत नाही अँटीव्हायरस ठेवण्याचा. शिवाय डेटा कुणाच्या सर्वरला जातो तेही कळत नाही. त्यासाठी साइबरवाले तपासणी करतात. आता आपले सर्वांचे आवडते फेसबुक आणि वाटसपही ढिगाने माहिती गोळा करून विकते हे ओपन आहेच. अँटीव्हायरस बनवणाऱ्या कंपन्यांनीच जाहीर केले आहे की हे मोबाइलसाठी काही कामाचे नाही. शिवाय त्याही डेटा गोळा करू शकतात. फोन कुणाला विकला किंवा वापरायला दिला तर अ‍ॅप लॉक अडचण ठरू शकते. ते app चालू राहायला हवे. अन्यथा apps उघडता येत नाहीत. त्याचा सिक्युरटी पिन नंबर बदलण्याची किल्ली इमेल अकाउंटला पाठवतात. तो इमेलही चालू असून वापरता आला पाहिजे. App upgrade करणेही खटाटोप असतो. थोडक्यात यात गोची आहे.
↩ प्रतिसाद: मदनबाण
क
कंजूस गुरुवार, 06/04/2020 - 07:54 नवीन
क्रमांक (४) बेस्ट बॅटरी सेव्हींग अ‍ॅप. ब्याटरी पूर्ण चार्ज झाल्यावर करंट कटॉफ करण्याची व्यवस्था प्रत्येक डिवाइसमध्ये असते तरीही सोपा उपाय म्हणजे रात्री मोबाईलला चार्जर जोडून ठेवायचा पण चालू करायचे नाही. पहाटे उठण्याअगोदर चार्जिंग बटण ओन करायचे. जरा वेळाने जागे झाल्यावर कामाला निघेपर्यंत चार्जिंग झालेले असते आणि आपण फोन काढतोच. ओवरचार्जिंग होत नाही.
↩ प्रतिसाद: मदनबाण
अ
अभ्या.. गुरुवार, 06/04/2020 - 09:29 नवीन
पहाटे उठण्याअगोदर चार्जिंग बटण ओन करायचे Kase?
↩ प्रतिसाद: कंजूस
क
कंजूस गुरुवार, 06/04/2020 - 10:36 नवीन
हाहाहा
↩ प्रतिसाद: अभ्या..
क
कंजूस Tue, 06/02/2020 - 16:18 नवीन
मदनबाण, apps चाईनीज आहेत का कसं कळणार? त्यांचा डिवेलपरचा पत्ता कार्लटन आणि हरयाना दिला आहे. मला अजून ब्याटरी app आणि अँटीव्हायरस + ची गरज भासली नाही. मी File Manager ( https://play.google.com/store/apps/details?id=com.alphainventor.filemanager ) हे वापरतो तीन वर्षे. ओटीजीसुद्धा म्यानेज करतो यातून. पावरबाज ओलराउंडर आहे. --------------- वाईफाई फाईल ट्रानस्फरसाठी Dukto वापरत होतो. ते स्टोरमधून उडाले आहे. गूगलचे Files app फाइल ट्रान्सफरशिवाय नको त्या जादा गोष्टी करते, काढलेले विडिओ चुकून यातून डिलिट होतात आणि सतत नोटिफिकेशन्स पाठवून हैराण करते. त्यापेक्षा वाईफाई फाईल ट्रान्स्फरसाठी 'आपले' JioSwitch ( https://play.google.com/store/apps/details?id=com.reliance.jio.jioswitch ) उत्तम आहे. Jio sim cardच पाहिजे असे नाही. ---------------------- लेख वाचण्यासाठी/ ऐकण्यासाठी app T2S ( https://play.google.com/store/apps/details?id=hesoft.T2S ) मिपातला सध्याचा मोठा लेख शाम भागवतांचा स्तोत्राचा. तो कॉपी करून app च्या चौकटीत चिकटवला. ( १०३०० + शब्द आहेत. ) तो ऐकता येतो. नेविगेशनमध्ये export as mp3 file आहे. त्यासाठी त्यांनी एक extension app डाउनलोड करायला सांगितले. तेही केले. मग लेखाची १०० एमबीची एमपी3 फाईल सेव झाली. मोठी असली तरी तांत्रीकदृष्ट्या यशस्वी. Android ची कमाल. मराठी आणि इंग्रजी एकाच वेळी वाचलं (ऐकवलं ) जातं.
श
शाम भागवत Tue, 06/02/2020 - 18:18 नवीन
कंकाका, तुम्ही काय काय शोधून काढाल काही सांगता येत नाही. दंडवत घ्या. _/\_
↩ प्रतिसाद: कंजूस
क
कंजूस Wed, 06/03/2020 - 03:13 नवीन
मराठी वाचून ऐकवणारी apps दोन वर्षांपूर्वी एकेक पान वाचायची. मग दुसरे पान कॉपी पेस्ट करावे लागायचे. पण आता दणक्यात एवढा मोठा लेख एमपी३ मध्ये!!
↩ प्रतिसाद: शाम भागवत
न
निनाद Fri, 06/05/2020 - 01:14 नवीन
https://play.google.com/store/apps/details?id=org.hear2read.Marathi हा पर्याय अ-व्यावसायिक स्वरूपाचा आहे.
↩ प्रतिसाद: कंजूस
म
मदनबाण Wed, 06/03/2020 - 07:20 नवीन
मदनबाण, apps चाईनीज आहेत का कसं कळणार? त्यांचा डिवेलपरचा पत्ता कार्लटन आणि हरयाना दिला आहे. ओक्के. मला अजून ब्याटरी app आणि अँटीव्हायरस + ची गरज भासली नाही. बॅटरी अ‍ॅप खरेच सुंदर आहे, तुम्हाला हव्या असलेल्या टक्केवारी पर्यंत बॅटरी चार्ज झाल्यावर नोटिफिकेशन टोन वाजवण्याची सुविधा यात आहे, यामुळे फोनचे ओव्हर चार्जिंग वाचवता येउ शकते. अ‍ॅंटीव्हायर नेहमी सुरक्षा प्रदान करतो, त्यामुळे तो वापरावा या मताचा मी आहे. File Manager मी इस्टॉल केले, फक्त याचे बँकग्रांउड डार्क करता येत नाहे, म्हणजे डार्क थिम नाही हीच काय ती उणीव मला जाणवली. बाकी कामास उपयोगी आहे. वाईफाई फाईल ट्रानस्फरसाठी मी सध्या Send Anywhere वापरतोय.

मदनबाण.....

आजची स्वाक्षरी :- मंत्रभूमीची बदलणारी ओळख
↩ प्रतिसाद: कंजूस
श
शाम भागवत Wed, 06/03/2020 - 10:28 नवीन
फोनचं ओव्हरचार्जिंग म्हणजे? १००% चार्जिंग झाल्यावर स्विच बंद केला नाहीतरी, चार्जिंग होतंच राहाते? ओव्हरचार्जिंगमुळे बॅटरीतून पाणि येणे असे काही लक्षण आहे का?
↩ प्रतिसाद: मदनबाण
म
मदनबाण Wed, 06/03/2020 - 16:53 नवीन
फोनचं ओव्हरचार्जिंग म्हणजे? फोन चालु ठेवला तरी चार्जिंग सुरु ठेवणे, बर्‍याचश्या स्मार्ट फोन आणि त्यांच्या बॅटरीजला असलेल्या सर्किट मध्ये १००% चार्ज झाले की अ‍ॅटोमॅटिक चार्जिंग बंद केले जाते, पण तसे करण्यापेक्षा फोन चार्ज झाल्यावर तो बंद करणे हे केव्हाही उत्तम ! How to Charge Your Phone Battery the Right Way BU-409: Charging Lithium-ion In fact, it is better not to fully charge because a high voltage stresses the battery. ओव्हरचार्जिंगमुळे बॅटरीतून पाणि येणे असे काही लक्षण आहे का? असे माझ्या पाहण्यात किंवा वाचनात अजुन तरी आलेले नाही. साधरण ३०% खाली बॅटरी चार्ज जाउ देउ नये आणि ८०% वर चार्ज करु नये, असे केल्याने बॅटरीचे आयुष्य वाढण्यास मदत होते.

मदनबाण.....

आजची स्वाक्षरी :- मंत्रभूमीची बदलणारी ओळख
↩ प्रतिसाद: शाम भागवत
म
मदनबाण Wed, 06/03/2020 - 16:55 नवीन
फोन चालु ठेवला तरी चार्जिंग सुरु ठेवणे हे फोन १००% चार्ज झाला तरी चार्जिंग सुरु ठेवणे असे वाचावे.

मदनबाण.....

आजची स्वाक्षरी :- मंत्रभूमीची बदलणारी ओळख
↩ प्रतिसाद: मदनबाण
श
शाम भागवत गुरुवार, 06/04/2020 - 04:07 नवीन
धन्यवाद. _/\_
↩ प्रतिसाद: मदनबाण
ब
बांवरे गुरुवार, 06/04/2020 - 07:38 नवीन
आणि महिन्यातून एकदा पुर्णपणे बॅटरी १/२ % पर्यंत नेउन मगच ९५%+ एवढी परत एकदा चार्ज करणे. याने बॅटरीमध्ये हिस्टेरिसीस होत नाही. [ 'आत्ता तर ५०% दाखवत होता, काही मिनीटापूर्वी आता एकदम १०% कसा काय आला !' असे होत असेल तर ते बॅटरीच्या हिस्टेरिसिसमुळे होते ]
↩ प्रतिसाद: मदनबाण
P
Prajakta२१ Fri, 06/05/2020 - 21:12 नवीन
नवीन माहितीबद्दल धन्यवाद असे पूर्वी व्हायचे बरेचदा
↩ प्रतिसाद: बांवरे
स
संजय क्षीरसागर Wed, 06/03/2020 - 07:47 नवीन
भारीच. धन्यवाद !
↩ प्रतिसाद: कंजूस
प
प्रसाद_१९८२ गुरुवार, 06/04/2020 - 06:54 नवीन
मोबाईल मधील चाईनज अ‍ॅप ओळखण्यासाठी व काढून टाकण्यासाठी भारतीय बनावटीचे "Remove China Apps" हे अ‍ॅप्लिकेशन गुगल प्ले स्टोअरवर काहि दिवसापूर्वी उपलब्ध होते, मात्र गुगलने आता हे अ‍ॅप, प्ले स्टोअर वरुन काढून टाकले आहे. -- Remove China Apps.apk
↩ प्रतिसाद: कंजूस
क
कंजूस गुरुवार, 06/04/2020 - 07:32 नवीन
Apps चाईनाचे आहेत का नाहीत यापेक्षा ती वापरताना १) फोन हँग होतो का, २) कार्ड ,नेट बँकिंग डेटा चोरतात का? हे अधिक महत्त्वाचे.
↩ प्रतिसाद: प्रसाद_१९८२
म
मदनबाण गुरुवार, 06/04/2020 - 11:36 नवीन
अनेक चीनी अ‍ॅप्स ही सुरक्षित नाहीत आणि डेटा देखील चोरतात ! आपल्या संरक्षण मंत्रालय आणि सरकारने वेळेवेळी या अ‍ॅप्स बद्धल सावधान केलेले आहे आणि अश्या अ‍ॅप्सची यादी देखील जाहीर केलेली आहे. चीनी अ‍ॅप्सला जर चांगला पर्याय असेल तर तो वापरावा या मताचा मी आहे. [ जसे आधी शेअर इट वापरायचो आता सेंड एनीव्हेअर वापरतो. ]तसेही इतर कोणतेही अ‍ॅप वापरताना वेळोवेळी माहिती घेतली पाहिजे, तसेच अ‍ॅप्स परमिशन्स मध्ये जाउन कोणत्याही अ‍ॅप्सला जर अनावश्यक परमिशन्स असतील तर त्या काढुन टाकाव्यात. संदर्भ :- Defence Ministry to Indian armed forces: Uninstall these Chinese apps immediately Government reportedly lists 42 Chinese apps as dangerous, including TrueCaller, UC Browser, Mi Store: Check if your phone has any of them

मदनबाण.....

आजची स्वाक्षरी :- Scientific Study on Chanting Gayatri Mantra - Benefits of Gayatri Mantra
↩ प्रतिसाद: कंजूस
म
मराठी कथालेखक Tue, 06/02/2020 - 19:09 नवीन
Countthings (https://play.google.com/store/apps/details?id=com.dyve.countthings) हे अ‍ॅप चांगले आहे
र
रागो Wed, 06/03/2020 - 05:59 नवीन
धन्यवाद
प
प्रा.डॉ.दिलीप बिरुटे Wed, 06/03/2020 - 08:04 नवीन
चक्रीवादळ, पाऊस याच्यासाठी रेडरडार हे अ‍ॅप्लीकेशन चांगले वाटले. पावसाचा अंदाजासाठी AccuWeather, Weather forecast, हेही टाकून ठेवलेले आहे. त्यातल्या त्यात उत्तम जे असेल त्यातलं अनुभवांनी युक्त असेले सुचवा. -दिलीप बिरुटे
त
तुषार काळभोर Wed, 06/03/2020 - 08:46 नवीन
आज https://www.windy.com/ ही एक साईट पाहिली. लाईव्ह नकाशा दिसतो वादळाचा अन वार्‍यांचा. पुढे काय कसं होणार ते पण दिसतं (अर्थात, कॅल्क्युलेटेड अंदाज)
↩ प्रतिसाद: प्रा.डॉ.दिलीप बिरुटे
प
प्रा.डॉ.दिलीप बिरुटे गुरुवार, 06/04/2020 - 09:45 नवीन
App पण आहे. चांगलं वाटलं. चक्रीवादळ पुढे कुठे सरकत आहे त्याची माहिती मिळत होती. पण ज्या एप्लीकेशनला लोकेशन लागतं तेव्हा ब्याट्री ड्रेन व्हायला लागते हे नुकसान दिसले. -दिलीप बिरुटे
↩ प्रतिसाद: तुषार काळभोर
क
कंजूस Fri, 06/05/2020 - 02:55 नवीन
बिरुटे सर,
ज्या एप्लीकेशनला लोकेशन लागतं तेव्हा ब्याट्री ड्रेन व्हायला लागते हे नुकसान दिसले.
इथे एक उपाय असतो. Location ( GPS ) सेटिंग्ज >> location and security. >> Location >> इथे दोन/ तीन पर्याय असतात १) high accuracy - AGPS - हा डिफॉल्ट असतो व ब्याटरी संपवतो, फास्ट लॉकींग असते. २) low accuracy सटेलाईट , on device only. ब्याटरी संपत नाही. डोंगरात भटकंतीसाठी उत्तम कारण तिथे रेंज नसते. दहा बारा तास रूट ट्रेसिंग अधिक फोटो काढता येतात. पर्याय २ वापरा. App वापरताना खात्री करा.
↩ प्रतिसाद: प्रा.डॉ.दिलीप बिरुटे
प
प्रा.डॉ.दिलीप बिरुटे Fri, 06/05/2020 - 16:38 नवीन
इमर्जन्सी लोकेशन सर्वीस. गुगल लोकेशन अ‍ॅक्युरसी आणि गुगल लोकेशन शेअरींग हे पर्याय आहेत. यातलं कोणतं ट्राय करु. सध्या तरी मी बंद ठेवतो. बॅकप वाढलेला आहे अर्थात सॉट. -दिलीप बिरुटे
↩ प्रतिसाद: कंजूस
क
कंजूस Sat, 06/06/2020 - 02:05 नवीन
१) Location >> २) mode / app permissions / scanning >> ३) mode >>> ४) High accuracy / battery saving / device only. क्रमांक (२) मध्ये 'mode' पर्याय सिलेक्ट केल्यावर क्र (४) मधले तीन पर्याय उघडतात. जर 'mode' नसेल तर फोनामध्ये फक्त AGPS आहे. 'AGPS + GPS' दिलेले नाही. तुमच्या फोनचा मॉडेल नंबर पाहून gsmarena.com साईटवर specifications मध्ये AGPS + GPS दिलेले आहे का नाही ते बघता येईल.
↩ प्रतिसाद: प्रा.डॉ.दिलीप बिरुटे
क
कंजूस गुरुवार, 06/04/2020 - 10:41 नवीन
मला इथेच मिपावर http://satellite.imd.gov.in/img/animation3d/3Dasiasec_ir1_3d.htm ही साइट Animation of INSAT Images मिळाली होती. बुकमार्क करून अधूनमधून पाहात होतो. चांगली साइट होती. पण परवा उघडली तर लॉगिन मागत आहेत. आता आठवत नाही, आणि इमैललाही पासवर्ड सापडत नाही.
P
Prajakta२१ गुरुवार, 06/04/2020 - 18:54 नवीन
storage space running out ऑफ space हा message सारखा येतो cached डेटा ,app डेटा सारखा delete करते तरीपण हा msg सारखा येतो ह्यावर काही करतया येईल का? धन्यवाद
म
मदनबाण गुरुवार, 06/04/2020 - 20:08 नवीन
१]तुम्ही तुमच्या मोबाइल कॅमेराने फोटो काढले असतील, व्हिडीयो बनवले असतील तर ते इंटर्नल मेमरी मध्येच स्टोअर होतात, तेव्हा जर मोबल्यात एसडी कार्ड असेल तर त्यात हे फोटो आणि व्हिडीयो मुव्ह केल्यास बरीच जागा मोकळी होइल. २] तुम्ही व्हॉट्सअप वापरत असाल आणि चॅट हिस्ट्रीचा सोस नसेल तर व्हॉट्सअ‍ॅप च्या फोल्डर मध्ये डेटाबेस फोल्डर मध्ये असलेल्या फाईल्स डिलीट मारा, फक्त लेटेस्ट डेटची फाईल तशीच राहुध्या. याच प्रमाणे मिडिया फोल्डर मधील व्हिडियो, ऑडियो, इमेजेस,डॉक्युमेंट,व्हॉइस नोट्स्,स्टीकर्स, जीफ इ यांच्या हव्या असलेल्या गोष्टी कॉपी करुन नको असलेल्या सरळ डिलीट मारल्यास बरीच जागा रिकामी होइल. ३] वरील दोन्ही शक्य नसल्यास जास्त इंटर्ल स्टोअरेज चा नविन मोबल्या घ्या.

मदनबाण.....

आजची स्वाक्षरी :- Scientific Study on Chanting Gayatri Mantra - Benefits of Gayatri Mantra
↩ प्रतिसाद: Prajakta२१
क
कंजूस Fri, 06/05/2020 - 02:42 नवीन
फोनच्या सेटिंगमध्ये >> about phone - इथे फोनचे मॉडेल आणि ओ एस ( android ४ /५ /६ /७ /८ /९ ) वगैरे दिलेले असते. किंवा दुसऱ्याला दाखवून हे मिळवा. ते द्या. त्यातून फोनची मेमरी, मॉडेल कळेल. वगैरे कळेल. तुमचा फोन android / ५ असल्यास जरा खटपट आहे. फोनमध्ये USB OTG support असल्यास वरती मदनबाण याने दिलेले काम करणे फारच सोपे होईल. कोणी माहितगार आसपास असल्यास पटकन काम करून देईल. काही फोनांत काढलेले फोटो , विडिओज प्रथम फोनमेमरीमध्ये जातात. नंतर ते आपल्याला मेमरी एसडी कार्डावर पाठवून जागा मोकळी करावी लागते. 'स्टोअर मिडिआ टु एसडी कार्ड हा पर्याय नसतो किंवा चालत नाही.
↩ प्रतिसाद: Prajakta२१
म
मराठी_माणूस Fri, 06/05/2020 - 14:22 नवीन
एखाद्या अ‍ॅप्लिकेशनच्या सर्च फिल्ड मधे काहीतरी भरत असताना सजेशन येतात , ते कसे क्लीअर करावे ?
म
मदनबाण Sun, 06/07/2020 - 07:01 नवीन
एखाद्या अ‍ॅप्लिकेशनच्या सर्च फिल्ड मधे काहीतरी भरत असताना सजेशन येतात , ते कसे क्लीअर करावे ? Setting => Application=>तुम्हाला अपेक्षित असलेल अ‍ॅप्लिकेशन => storage and cache => Cleare Cache Cleare Cache वर क्लीक केल्यावर तुम्हाला ज्या सजेशन येतात त्या निघुन जातील.

मदनबाण.....

आजची स्वाक्षरी :- Pyar Mein Kabhi Kabhi... :- Chalte Chalte
↩ प्रतिसाद: मराठी_माणूस
क
कंजूस Fri, 06/05/2020 - 15:30 नवीन
@ मराठी_माणूस, उदाहरणार्थ? ---------- App घेण्याअगोदर खालचे रिव्यू पाहा. "Irritating ads " लिहिलं असेल तर डाउनलोड करायचं नाही. शेकड्याने apps असतात, प्रत्येक डाउनलोड करून तपासणे अवघड आहे. लिस्टीत वरती असणारीच बरी असं काही नसतं. किती डाउनलोड्स झालेत हे जुन्या apps ना जास्ती असतं. About app मध्ये "last update" कधी तेही पाहाणे. आताचे app त्रासदायक असल्यास दुसरे शोधणे. Apps मध्ये जाहिराती असता पण खाली एखादी ओळ येते ती त्रासदायक नसते. स्कोअर ४ किंवा अधिक असावा.
म
मराठी_माणूस Sun, 06/07/2020 - 07:05 नवीन
gutenberg ह्या पुस्तकाच्या साईट वर , "शोध" पर्यायात जुन्या शोधलेल्या पुस्तकांची/लेखकांची नावे येतात.
↩ प्रतिसाद: कंजूस
P
Prajakta२१ Fri, 06/05/2020 - 21:20 नवीन
मार्गदर्शनाबद्दल धन्यवाद फोन version ४.२.२ आहे (पुराणकाळातला) GT -S ७५८२ -२०१४ सालातला अजून टिकवायची इच्छा आहे पण सध्या बदलावा लागेल ह्या प्रॉब्लेम मुळे ३ दा नवीन बॅटरी घालून चालवलाय (२०१७,२०१८,२०१९ मध्ये एकेक ) सध्याच्या नवीन फोन्स मध्ये बॅटरी चांगली असणारे कुठलेच नाहीयेत सॅमसंगच घ्यायचाय सध्या ऑफीस संवाद व्हाट्सएप्प वर बराच चालत असल्याने कदाचित स्टोरेज फुल्ल होत असावे
क
कंजूस Sat, 06/06/2020 - 01:36 नवीन
@ Prajakta२१, Android ४ / ५ असणार वाटलंच होतं. यामध्ये गूगलने स्टोरेज प्राब्लेम करून ठेवलेला. लोक फोनला रूट करायच्या खटपटीत लागले. सँमसंगचाच घेणार आहात तर लो बजेटमध्ये M series बरी आहे. सतत नवीन मॉडेल्स आणत आहेत. सध्या सर्व ठप्प आहे. ----------- मागच्या मे महिन्यात मोटो इ५ प्लस ७८०० ला घेतला होता अमेझोनवर. ( नंतर दहा हजार केली किंमत.) ब्याटरी ५००० एमेएच आणि स्टॉक android. ८.० compass सोडल्यास सर्व काही आहे.
P
Prajakta२१ Sun, 06/07/2020 - 12:45 नवीन
मार्गदर्शनाबद्दल धन्यवाद
प
प्रा.डॉ.दिलीप बिरुटे Fri, 09/18/2020 - 12:29 नवीन
आणि प्रोव्हर्जन फु़कट मिळत असतील तर लिंका डकवून ठेवाव्यात. धन्यवाद. -दिलीप बिरुटे
म
मदनबाण Fri, 09/18/2020 - 15:59 नवीन
1.1.1.1: Faster & Safer Internet :- 1.1.1.1 w/ WARP makes your Internet more private and safer. No one should be able to snoop on what you do on the Internet. We’ve created 1.1.1.1 so that you can connect to the Internet securely anytime, anywhere. याचे डेस्कटॉप क्लायंट अजुन यायचे आहे, ज्याची मी बरीच वाट पाहतोय. बाकी १.१.१.१ चे ब्राउजर कॉनफिगरेशन मी इथे देउन ठेवले आहे :- https://www.misalpav.com/comment/1055522#comment-1055522 हॅपी एन्ड सेफ सर्फिग !

मदनबाण.....

आजची स्वाक्षरी :- बन जा तू मेरी रानी तेनु महल दवा दूंगा बन मेरी महबूबा मैं तेनु ताज पवा दूंगा... :- तुम्हारी सुलू
क
कंजूस Sat, 09/19/2020 - 08:09 नवीन
Faster? DNS साइट्स म्हणजे काय माहीत नाही पण ( ब्राउजरमध्ये उघडणाऱ्या ,मिपा, पेपर साइट्स बहुतेक) यांचा लोडींग स्पीड कमीच असतो. नेट स्पीड फास्ट असला तर युट्युब डाउनलोड फास्ट होते परंतू या साइट्स मात्र उघडायला थोडा वेळ लागतोच. हे रेल्वे स्टेशनच्या वाइफाईवरही अनुभवले आहे. 30 एमबीपीस असला तरी. हे app रिव्युत लिहिलं आहे. दुसरे म्हणजे safer? Private? app रिव्युत लिहिलं आहे एकाने की आइपी अड्रेस हाइड होत नाही. मग काय प्राइवेट होतं? आपल्याकडे दावा केलेल्या गोष्टी तपासणीची ग्याजेट्स नसतात. पण काही लोकांच्याकडे आहेत ते सांगतात. थोडक्यात त्या app चा ट्राफिक वाढवणे हाच उद्देश असेल.
↩ प्रतिसाद: मदनबाण
म
मदनबाण Sat, 09/19/2020 - 09:49 नवीन
app रिव्युत लिहिलं आहे एकाने की आइपी अड्रेस हाइड होत नाही. मग काय प्राइवेट होतं? तुमची सर्च क्वेरी जी डीएनएसच्या माध्यमातुन होते. अ‍ॅपमुळे डीएनएस कनेक्शन एनक्रिप्ट होते. अधिक माहितीसाठी :- https://www.youtube.com/watch?v=TiWs9n4fhys https://www.youtube.com/watch?v=mUEMCIVdvr8

मदनबाण.....

आजची स्वाक्षरी :- Tera Ghata | Gajendra Verma Ft. Karishma Sharma | Vikram Singh | Official Video
↩ प्रतिसाद: कंजूस
क
कंजूस Sat, 09/19/2020 - 15:49 नवीन
फास्टर म्हटले तर एवढीच अपेक्षा असते की विडिओ स्ट्रीमिंग बफरिंग न होता व्हावं, युट्युब विडिओ लगेच डाऊनलोड व्हावे. ते सध्याच्या एरटेल किंवा जिओच्या नेटवर सहज होतं. सेफर म्हटलं तर या महिन्यात फायरफॉक्सने सिक्युरटी वाढवली आहे. पण सामान्य माणसाला यातलं काही कळणार नाही. मोठ्या लोकांच्या इमेलवर, कॉल्सवर फिशिंगवाले लक्ष ठेवतात. आपल्या अकाउंटसना कोणी उघडत नसेल.
प
प्रा.डॉ.दिलीप बिरुटे Sun, 09/20/2020 - 17:34 नवीन
1.1.1.1: Faster & Safer Internet :- 1.1.1.1 फारसं उपयोगी आणि यूजर फ्रेंडली वाटलं नाही. अजून काही App येऊ द्या....! -दिलीप बिरुटे
↩ प्रतिसाद: कंजूस