आप की बदमाशियोंके....

अहो त्यांनी केजारीवालांची तुलना नाझींशी केली म्हणून थोडी गम्मत गेली. तसेही मोदी पंतप्रधान झाले म्हणून दंगली घडवतील असे नाही.शिवसेना सत्तेत आल्यावर महाराष्ट्रात कुठे दंगली झाल्या?

न्यायालयात काय सिध्द झाले ते सोडून द्या... तुम्हाला खरेच असे वाटते कि ह्या दंगली भाजप पक्षाच्या पाठीम्ब्याशिवाय झाल्या? मी ९३ च्या दंगली जवळून पाहिल्या आहेत. काही ओळखीच्या अहमदाबादवासियांच्याशी देखील बोललो आहे.गुजरातने मुंबैवाल्यांकडून टिप्स घेतल्या असाव्यात असे वाटले. ३ दिवस चालणाऱ्या दंगली उत्सुर्फ नसतात. पोलिसांपासून बऱ्याच गोष्टींची काळजी घ्यावी लागते.

नरेंद्र मोदी चांगले पंतप्रधान होतील हे मान्य.
कोंग्रेस पासून सर्वांचेच हात रक्ताने माखलेले आहेत हेही खरं.
पण गुजरात दंगलीत भाजपचा (आणि पर्यायाने मोदींचा)सहभाग नव्हता असे मानणे हा खरच भोंगळपणा आहे. त्यावेळी अहमदाबादमध्ये राहणाऱ्या निम्न वर्गीय भाजप समर्थाकाशी थोड्या गप्पा मारा.खूप गोष्टी कळतील.

असेंब्लित अविश्वासाचा ठराव मांडण्यापूर्वी (२८ डिसेंबर), अरविंद केवळ काही दिवस हंगामी मंत्रीपदावर होता. त्या दिवशी, आयुष्यात पहिल्यांदा तो असेंब्लित उभा आहे. त्याची राजकीय कारकिर्द आणि पूर्वानुभव शून्य आहे. बिजेपी सदस्यांची तर काही ऐकून घ्यायची तयारी नाही कारण पक्षानं व्हिप काढलायं! (याला म्हणतात राजकारण). आणि कॉंग्रेसनं (ज्यांना भ्रष्टाचारविरोधी मोहिम सुरु होण्याचा धोकायं) सपोर्ट करु म्हटलंय. इतक्या बेसहारा परिस्थितीत हा माणूस स्वतःच्या पक्षासाठी बोलायला उभा राहातो आणि इतकं कमालीचं संयत तरीही प्रभावी भाषण करतो.

कुणाविरुद्ध काही तक्रार नाही, कुठलंही राजकीय भाष्य नाही, कसलाही आवेश नाही, जस्ट द मॅनिफेस्टो! याचं एकच कारण - तो प्रामाणिक आहे! त्याला सत्तेपेक्षा तत्वं महत्त्वाचं आहे.

माझ्या पहिल्या प्रतिसादाच्या लिंकमधे फक्त सुरुवातीचा भाग आलायं म्हणून संपूर्ण भाषणाची लिंक देतो. जस्ट लिसन!

आणि याउलट, मोदी गेली कित्येक वर्ष सत्तेत आहेत. बिजेपीसारखा बलाढ्य पक्ष त्यांच्या मागे आहे. ते स्वतः पंतप्रधानपदाचे उमेदवार घोषित झालेत. राजकारणात कमालीचे मुरलेले आहेत. त्यांना केजरीवालची भीती वाटावी? ही डिफेम्स सच अ नोव्हाईस? ज्याला स्वतःच्या कार्याचा आणि कर्तृत्वाचा अभिमान आहे त्याला खरं तर बोलायचीही गरज नाही कारण त्याचं कार्यच साक्ष आहे. तो फक्त इथून पुढे काय करणार आहे ते जनतेला सांगेल. ही विल जस्ट एक्स्प्लेन हिज मॅनिफेस्टो.

आता मोदींची वर दिलेली लिंक पाहा, जस्ट अ शेम! देशाचा भावी पंतप्रधान या लेवलला येऊ शकतो? इतकी फालतू राजकीय मानसिकता आणि सत्तालोलुपता दाखवू शकतो? अरविंदची दखल घेण्याचं आणि इतकं खोटं आणि नाटकी बोलण्याचं एकच कारण आहे - अरविंदकडे इमानदारी आहे आणि मोदी दांभिक आहेत. त्यांना जनहितापेक्षा पंतप्रधान कधी होतो याची घाई झालीये. अँड दॅट इज द स्प्लिट! `मी देशासाठी काय करु इच्छितो यापेक्षा मला पंतप्रधान करा' या मनाच्या (खर्‍या) पैलूनं उचल खाल्लीये.

मोदी उत्तम विकास कार्य करु शकतात हे गुजराथवरनं सिद्ध झालंय. देशासाठी सुद्धा तसंच कार्य करायची त्यांची आंतरिक सचोटी असती तर पंतप्रधानपद त्यांच्याकडे झक्कत येईल. जी जनता अरविंदसारख्या सामान्य माणसाला रातोरात मुख्यमंत्री बनवते तीच त्यांना एकजुटीनं पंतप्रधानपदी विराजमान करायला किती वेळ लागणारे?

पण जो दांभिक आहे तो आपसूक नाटकी होतो आणि त्या नाटकीपणामुळे सामान्यातला सामान्य माणूस त्याचा मानसिक दुभंग ओळखू शकतो. मला मोदींच्या दांभिकपणाचं दु:खं नाही, या देशाच्या दुर्भाग्याचं वाईट वाटतं.

>>> केजरीवाल स्वतः काय म्हणतात ते राजदीप सरदेसाईंच्या मुलाखतीत ऐका, तुमचे सगळे गैरसमज दूर होतील.

ते काय म्हणतात याला काहीच महत्त्व नाही. त्यांची कृती काय आहे यालाच महत्त्व आहे. उक्तीवरून मी एखाद्या व्यक्तीविषयी भारावून जाऊन मत बनवत नाही. त्याला कृतीची जोड लागते. केजरीवाल ९ डिसेंबरपासून पराकोटीचा नाटकीपणा करत आहेत. तुमच्या म्हणण्यानुसार दांभिकतेतूनच नाटकीपणा जन्माला येतो. केजरीवालांचा दांभिकपणा स्पष्ट दिसत आहे.

>>> कॉंग्रेसनं बिजेपी नको म्हणून आपणहून आआपाला पाठिंबा दिलायं आणि तो त्यांनी दिल्लीचं जनमत घेऊन स्विकारलाय.

या दिल्लीच्या जनमताचा खरेखोटेपणा कोणी तपासलाय का? दूरदर्शन वाहिन्यांवर असेच एसेमेस मागवून विजेता ठरवितात. यांच्या एसेमेस मोहिमेत खरे किती, खोटे किती, दिल्लीतून आलेले किती, बाहेरून आलेले किती, एका माणसाने एकच एसेमेस पाठविला का अधिक याची तपासणी झालेली नाही. आपल्याला भाजप पाठिंबा देणार नाही व काँग्रेसने पाठिंबा दिल्यास आपल्याला सत्ता मिळू शकते हे लक्षात आल्यावर त्यांनी एसेमेसचे नाटक करून सत्ता मिळविली. काँग्रेसच्या भ्रष्टाचाराविरूद्ध आधी रान उठविताना त्याच पक्षाचा पाठिंबा घेताना यांना काहीही खंत वाटली नाही. काँग्रेसबरोबर पडद्यामागे काय तडजोड झाली असणार ते उघड आहे कारण सत्तेवर आल्यावर काँग्रेसच्या भ्रष्टाचाराचे पुरावे मागायला त्यांनी सुरूवात केली.

>>> केजरीवाल म्हणतात : `काँग्रेस जर उद्या पाठिंबा काढणार असेल तर आजच काढायला सांगा. आम्हाला काही फरक पडत नाही'.

पाठिंब्याची जेव्हा खात्री असते तेव्हाच असे लुटुपुटीचे आव्हान दिले जाते. भाजपला दूर ठेवण्यासाठी काँग्रेसला आपचे सरकार सत्तेवर ठेवणे गरजेचे आहे हे केजरीवालांना माहित आहे. म्हणूनच राणा भीमदेवी थाटात अशी लुटुपुटीची आव्हाने दिली जात आहे.

>>>>>> केजरीवालांनी २-३ दिवसांपूर्वी रस्त्यावर उपोषणाचा जो फार्स केला तो नाटकी नव्हता का?

>>> तुम्ही चर्चेत उशीरा सामिल झालात. त्यांच्या आंदोलनात काहीही फार्स नव्हता.

त्यांचे हे आंदोलन हा पूर्णपणे फार्स होता. काँग्रेस व आपने एकमेकांसाठी हा फार्स केला. तू मारल्यासारखे कर, मी रडल्यासारखे करतो अशा स्वरूपाचे हे आंदोलन होते.

>>>>>> मला केजरीवालांच्या दांभिकपणाचे दु:ख आहे आणि त्याचबरोबर दिल्लीकरांच्या दुर्भाग्याचं वाईट वाटत आहे.

>>> तुम्ही आतापर्यंत झालेली चर्चा, केजरीवालांचं म्हणणं आणि प्रतिसाद वाचलेले नाहीत हे उघड आहे. ऑल ऑफ अ सडन तुम्ही स्वतःचं मत मांडलंय इतकंच. तुमच्या या विधानाला काहीही आधार नाही.

हा तुमचा गैरसमज आहे. मी सर्व चर्चा वाचलेली आहे. याच धाग्यावर आधी प्रतिसादही दिलेले आहेत. विश्वास बसत नसेल तर पान क्र. १ पासून वाचून बघा. मी नोव्हेंबरमध्ये विधानसभा निवडणुकीसाठी धागा उघडला होता. त्यात हे लिहिले होते की ४ राज्यात काँग्रेसचा पराभव व्हावा ही माझी इच्छा आहे. त्यापैकी छत्तीसगड, राजस्थान व म्.प्र. मध्ये भाजप विजयी व्हावा, पण दिल्लीत आपचे सरकार यावे असे मला वाटते. परंतु ८ डिसेंबर पासून केजरीवालांची नाटके बघितल्यावर माझा भ्रमनिरास झाला.

केजरीवाल आणि १९८९ मधील वि.प्र.सिंग यांच्यात कमालीचे साम्य मला आढळते. दोघेही स्वच्छ राजकारणाचा नारा देत होते. दोघांनाही बहुमत न मिळाल्याने इतरांचा पाठिंबा घ्यावा लागला. दोघांनीही सत्तेवर आल्यावर नाटकीपणा करून लोकांचा भ्रमनिरास केला. जे वि.प्र. सिंगांचे झाले, केजरीवाल त्याच मार्गाने निघाले आहेत.

तुमच्या या लेखामुळे मला ती संधी उपलब्ध करुन दिलीत याबद्दल मी तुमचा मनःपूर्वक आभारी आहे.

यु वेलकम. :)

पण फक्त पुचाट लिंक्स आणि फालतू गोष्टी घेऊन उगीच केजरीवालांविरुद्ध रान उठवणं यापलिकडे तुम्हाला काहीही करता आलं नाही.

सहमत. पुचाट आणि फालतूच आहेत. पण प्रॉब्लेम असा आहे की त्याच गोष्टींचा वापर करत केजरीवालांची नौटंकी चालू आहे. खरे म्हणजे सुरवातीस त्यांनी पाणी आणि बिजलीवरून मतदारांना दिलेली आश्वासने पूर्ण केल्याचे जाहीर केल्यानंतर या असल्याच पुचाट गोष्टींवरून ते आक्रस्ताळेपणा करत आहेत आणि जनतेचे लक्ष स्वत:च्या चुकांवरून दुसरीकडे हलवत आहेत.

मी मोदींची विडिओ लिंक दिलीये त्यावर तुमच्या पॉइंट-बाय-पॉइंट प्रतिवादाची अपेक्षा होती.
मी ती बघितलीच नव्हती. एकदा का कुठलीही चर्चा दोन पानांच्या पुढे गेली की ट्रॅक करणे अवघड जाते. त्या व्यतिरीक्त हा लेख आणि चर्चा केजरीवाल यांच्यावर होती आणि त्या संदर्भातच माझ्या कडूनराहील. तुम्ही स्वतः अथवा येथील केजरीवालसमर्थक/मोदी विरोधक नवीन चर्चा सुरू करू शकता. तेथे उत्तरे नक्की देईन (अर्थात परत परत दंगलीसंदर्भातील चावून चावून चोथा झालेली चर्चाच परत करत बसलात तर निव्वळ आधीच्या चर्चेचे दुवे देईन). शिवाय आत्ताच वाचल्याप्रमाणे, तुम्ही एका पुढच्या प्रतिसादात, "अ‍ॅक्टींग शिकवायला लागत नाही, दांभिक माणूस ती आपसूक करतो" म्हणले आहात. ते आम्हाला चहा मिळाला, नाही, शौचालय नव्हते, मी कसा साध्या घरात रहाणार असले दांभिक केजरीवाल अ‍ॅक्टींग करून कसे सांगत आहेत ते तुम्हाला कुठेतरी पटले आहे असेच वाटते. असो.

तुमची मतं बदलावीत आशी माझी अपेक्षा नाही आणि माझं मत तुम्ही बदलू शकत नाही.

झोपलेल्याला जागे करता येते, त्यामुळे मी कुणाची मते बदलण्याच्या भानगडीत पडत नाही. पण हा माणूस देशाला घातक आहे असे माझे स्पष्ट मत झालेले आहे. जर उद्या ते चुकीचे ठरले तर मी ते मान्य करेन. पण जो पर्यंत हा काश्मीर, नक्षलवाद, आदी संदर्भातली देशविघातक मते आणि त्याहूनही महत्वाचे म्हणजे अराजकता ज्याला योग्य वाटतात त्या व्यक्तीकडून दुर्दैवाने जास्त अपेक्षा करता येणार नाही.

तुम्ही म्हणता की केजरीवालांचे साधे रहाणे, गट्स तुम्हाला आवडतात, बाकी राजकारणाचा आणि तुमचा संबंध नाही. साधे रहाणे मला वाटत नाही कारण ते दांभिक आहेत. त्या संदर्भात जरी मी त्यांच्यावर टिका केली असली तरी त्यांचे गट्स मला देखील कौतुकास्पद वाटतात. मात्र हे सगळे आपण चर्चा करतो आहोत कारण ते राजकारणात आहेत म्हणून आणि त्यांच्याकडून एक राजकीय नेतृत्व म्हणून अपेक्षा उंचावल्या होत्या म्हणून. त्यांना जनतेने निवडून दिले आहे ते वरकरणी जरी आधीची सरंजामशाही आणि भ्रष्टाचार दूर करण्यासाठी असले तरी प्रामुख्याने एक चांगला डिसिजनमेकर / शासक मिळेल या आशेन, लाल दिव्याची गाडी नसलेला. साध्या घरात रहाणारा, मफलर गुंडाळून पाताळ धुंडाळणार म्हणून नाही... असो.

>>> मनमोहनसिंगांची इतर विधानं निराधार >म्हणून त्यांचं मोदींविषयीचं ते विधान निराधार> आणि म्हणून माझा निष्कर्ष चूक!

मनमोहन सिंगांची सर्वच विधाने निराधार असतात. त्यामुळे मोदींविषयीचे त्यांचे खोडसाळ विधान अपवाद असण्याची शक्यता शून्य आहे.

>>>> इट इज द अदर वे, मोदी सत्ताभिलाषी आहेत आणि ती मिळवण्यासाठी आणि टिकवण्यासाठी ते काहीही करु शकतात हा त्यांच्या भाषणाचा अर्थ आहे. (मागच्या पानावर विडिओ लिंक दिलीये).

सत्ताभिलाषी असणे यात काहीही चूक, बेकायदेशीर किंवा घटनाविरोधी नाही. केजरीवालसुद्धा सत्ताभिलाषी आहेत आणि म्हणूनच काँग्रेसचा पाठिंबा घेताना त्यांना जराही खंत वाटली नाही. पण सत्ता मिळविण्यासाठी व टिकविण्यासाठी मोदी काहीही करू शकतात म्हणजे काय करू शकतात? ते गेली १२ वर्षे घटनात्म्क व कायदेशीर मार्गाने मुख्यमंत्री आहेत. इतर राज्यांच्या तुलनेत गुजरातमध्ये चांगला विकास होत आहे. सत्ता मिळविण्यासाठी व टिकविण्यासाठी मोदी केजरीवालांसारखी एसेमेस मागविण्याची व आपल्या विरोधी पक्षाकडून पाठिंबा मिळवून त्या बदल्यात त्या पक्षाच्या भ्रष्टाचाराला संरक्षण देण्याची अनैतिक व नाटकी कृत्ये करत नाही.

>>>> आणि मनमोहनसिंग त्यांच्या राजकीय कारकिर्दीच्या शेवटाला तेच म्हणतायंत. इट इज जस्ट अ कन्फर्मेशन ऑफ माय कन्क्लूजन. यू वेंट द राँग वे.

अ‍ॅक्च्युअली यू वेंट द राँग वे. मनमोहन सिंगांच्या बरळण्याला तुम्ही विनाकारण महत्त्व दिलेत.

>>> तुम्ही फक्त एक प्रूव्ह करा, मोदी जर इतके थोर आहेत तर फक्त महिनाभर सुद्धा झाला नाही अश्या मुख्यमंत्र्यावर त्यांना इतके खालच्या पातळीवर जाऊन आरोप का करावे लागतात? (विडिओ पाहा)

ते खालच्या पातळीवर गेलेले नाहीत. तुमचा तसा गैरसमज झालेला आहे. तुम्ही आंधळेपणाने केजरीवालभक्तीचा चष्मा डोळ्यांवर चढविल्याने तुम्हाला तसे वाटत आहे. ज्याला पदावर येऊन एक महिनासुद्धा झाला नाही अशा माणसाने पहिल्या दिवसापासून नौटंकी सुरू करून अप्रामाणिकपणा केल्यावर त्याच्यावर टीका होणारच. त्याचे कौतुक होण्याची अपेक्षाच ठेवू नका. सुशीलकुमार शिंदे तर केजरीवालांना "वेडा" म्हणाले. सोमनाथ भारती अत्यंत बहकल्यासारखे वागत आहेत आणि केजरीवाल त्यांना पाठीशी घालत आहेत. अशा माणसावर, केवळ तो नवीन आहे म्हणून टीका न करता त्याचे कौतुक करायचे का?

अवांतर - वास्तविक पाहता मोदींवर अत्यंत खालच्या पातळीवर जाऊन आरोप सुरू आहेत. गेली १२ वर्षे मोदींविरूद्ध अत्यंत खालच्या पातळीवरून हीन प्रचार सुरू आहे हे तुम्हाला मान्य व्हावे.