वधू आणि वरांच्या अपेक्षा वाढल्या आहेत का?

म

मुक्त विहारि

Wed, 01/14/2015 - 22:54

मला बरेच जण विचारतात की बाबारे कशाला आखातात नौकरी करतो? कालच एक लेख वाचला. (http://www.misalpav.com/node/30015) आणि मनांत थोडे विचारांचे काहूर उठले म्हणून हा काथ्या कुटत आहे. माझी सौ.आई गेली ५-६ वर्षे वधू-वर सुचक मंडळांत काम करते.तिच्या मतानुसार, आजकाल मुलांच्या आणि विशेषतः मुलींच्या अपेक्षा फार वाढल्या आहेत. भरपूर शिक्षण, भरगच्च पगार, स्वतःचा फ्लॅट आणि चार-चाकी असल्याशिवाय मुलांनी लग्नाच्या बाजारात उतरू नये असे सौ.आईचे मत पडले. शिक्षण आणि नौकरी , हे जरी मुलांच्या हातात असले तरी वयाच्या २६-२८ वर्षी स्वतःचा फ्लॅट असणारी तरूण मंडळी किती असतील? एकतर मुलांना शिक्षण द्या.नौकरी मिळवून द्यायला प्रयत्न करा.फ्लॅट घेवून द्या. मुलींचे एक बरे असते.जबादारीने शिकतात.नौकरी मिळवतात.फ्लॅट घेवून द्यायची आवश्यकता नसते. ह्यापेक्षा मुलगी असती तर अजिबात गल्फ मध्ये आलो नसतो. माझे लग्न झाले (१९९२ साली) त्यावेळी माझ्याकडे काहीच न्हवते. शिक्षण : जेमतेम डिप्लोमा पगार : २२००/- नौकरी : खाजगी. जागा : भाड्याची त्यात परत उंदीर आणि साप हे बिनभाड्याचे पोट-भाडेकरू. इंधन : रॉकेल (हे मात्र भरपूर असायचे.शेजारीच सरकारमान्य धान्य-दुकान होते.) वाहन : समोरच्या शेजार्‍याने दिलेली सायकल. आता सांगा त्या काळात पण मला कुणी मुलगी दिली असती का?पण सुदैवाने बायको भेटली ती पण मनापासून प्रेम करणारी. लग्नानंतर स्वपैशावर आणि स्वबळावर (त्यात पण बायकोने खूप मदत केली.) शिक्षण पुर्ण केले. शिक्षण वाढले, तशी जबाबदारी पण वाढली आणि पगार पण वाढला. अद्याप स्वतःची जागा नसली तरी, बायकोच्या नावाने फ्लॅट आहे. दोन मोटरसायकली आहेत.उगाच हौस न्हणून एक चार-चाकी २/३ कि.मी. साठी वापरून पण झाली. थोडक्यात काय? तर लग्नाच्या वेळी ज्या-ज्या गोष्टी न्हवत्या त्या सगळ्या गोष्टी २२-२३ वर्षात आल्याच की.आज-उद्याकडे माझी पण मुले वधू संशोधन करतील.त्यांना पण हाच प्रश्र्न भेडसावेल का?हल्लीच्या मुली तडजोड करायला तयार असतात का? संसारात तडजोडीला पर्याय नाही, हेच माझ्या मते सत्य. डिस्केमर : मी मुलांचा बाप म्हणून माझे विचार व्यक्त करत आहे.मुलींच्या पालकांचे मत जाणून घ्यायला नक्कीच आवडेल..

364375 वाचन

💬 प्रतिसाद (1423)

स

स्पंदना Wed, 01/14/2015 - 23:32 नवीन

आता मला एक मुलगा अन एक मुलगी आहे. मग मी काय करावं? मुवि माझं लग्न सुद्धा ९२चच!! लग्नात नवर्‍याचा पगार २१००. त्यात ८०० घरभाडे (हो हो तुमच्या मध्यवर्ती डोंबोवलीतच). सगळे नातेवाईक नावं ठेवायचे २००० पगारात काय होणार म्हणुन. त्याच प्रेशर खाली मग १ रुम किचन घेतलं, तर त्याचे हप्ते भरताना अक्षरशः रक्त ओकायची पाळी आली. त्यातही हळु हळु पगार वाढतच होता. ते घर पण अश्याठिकाणी की तेथे एक बस कशीबशी रडत खडत यायची. मग एक सायकल घेतली. बसंती नावं तीचं. तोपर्यंत आम्ही अतिशय गरीब असल्याने आमच्याकडे पहाताना नजरेत कळवळा दिसायचा नातेवाई़कांच्या. दोन्ही घरुन काहीही आधार नव्हता. (ठरवुन केलेलं लग्न) मग एक बाईक आली, मग एक कार आली. मग आणखी मोठठ घर आलं. मग परदेश आला. अस सगळ जवळ जवळ १५ वर्षात आलं म्हणा. आता माझ्या आधी ज्या माझ्याच घरातल्या आणखी एका मुलीच्या पालकांनी याला नकार दिला होता ते आता,"आम्ही नाही नव्हतो म्हणालो, गैर्समज झाला" वगैरे वगैरे बोलत असतात. " आमच्याच मुलीच्या नशिबात होतं ते," वगैरेपण मी कान झाकून ऐकत असते. पण एक आहे, जे काही कमावलं आहे ते आमच आहे. बापजाद्याच नाही.

क

कॅप्टन जॅक स्पॅरो गुरुवार, 01/15/2015 - 04:53 नवीन

पण एक आहे, जे काही कमावलं आहे ते आमच आहे. बापजाद्याच नाही.

हे वाक्य प्रचंड आवडलयं. अश्या कष्टानी मिळवलेल्या गोष्टींचा आनंद काही औरचं असतो हे नक्की. मी ह्या आजच्या पिढीचा असुनही सांगतो, हल्ली इन्स्टंटच्या जमान्यात फ्लॅट गाडी आणि सेटल पार्टनर अश्या अपेक्षा वाढत चालल्या आहेत. पण सगाळ्यांनाच वयाच्या २५ शी मधे एवढी प्रगती करता येत नाही हे कोणी गृहीत धरतचं नाही. एखाद्याच्या घरची आधीची पिढी संपन्न असेल तर ठिक की काहीतरी सुरुवात असते. ह्या वर्षाअखेर माझ्यासाठीही कार्यक्रम सुरु होणार आहेत त्यावेळी मुलींच्या अपेक्षा काय असतील ह्या विचारानी मला आत्तापासुन टेन्शन आलय. त्याआधी मी कोणाच्या प्रेमात पडलो आणि नशिबानी ती मुलगी पण प्रेमात पडली तर ठिक =))...नैतर अवघड आहे.

↩ प्रतिसाद: स्पंदना

ब

बोका-ए-आझम गुरुवार, 01/15/2015 - 07:43 नवीन

प्रेम आणि पैसा या दोन्ही गोष्टी एकाच अक्षराने सुरु होतात.

↩ प्रतिसाद: कॅप्टन जॅक स्पॅरो

क

कॅप्टन जॅक स्पॅरो गुरुवार, 01/15/2015 - 09:15 नवीन

पर्स्पेक्टिव्ह पण :) सगळ्याचं मुली अश्या विचार करत नसतील असा आशावाद बाळगायला काय हरकत आहे? आज नाही म्हणजे कधीचं नाही असं थोडचं आहे. उलट आज असावं अश्या त्यांच्या अपेक्षेपेक्षा किती तरी पटीनी जास्त देउ शकीन तेही २ ते ४ वर्षात...बस्सं माझ्या मनगटावर आणि डोकयावर विश्वास ठेवणारी आणि साथ देणारी मुलगी मिळायला पाहिजे :)

↩ प्रतिसाद: बोका-ए-आझम

च

चौकटराजा गुरुवार, 01/15/2015 - 00:49 नवीन

आमचे मिपावरचे स्थानिक टोळके चेष्टामस्करी करंण्यात तरबेज असले तरी " लग्न" या अत्यावश्यक विषयावर मी हिरवट चाबरट म्हातारा असलो तरी गंभीरपणे चर्चा करत असतो. माझा एक नातेवाईक आहे तो आता ३५ वर्षाचा असून दीड लाख रूपये पगार, पुण्यात २ बहक फ्लॅट असूनही लग्न जमत नाहीय. त्याला कारण मुवि व त्यांच्या पत्नी यानी दाखविलेला सुज्ञपणा आजच्या मुलींमधे नाही. आईवडीलच त्यांचे कपडे, वाढदिवस, सणवार ई नी त्यांना लाडावून ठेवतात मग " पैसा" हेच सर्वस्व बनते. माझी कथा तर मुवि पेक्षा भारी आहे. मी ४९ चा झाल्यापासून नोकरीच सोडलेली आहे. पण आज माझे दोन फ्लॅट्स आहेत तेही महापालिका क्षेत्रात.गाठी पुरेसा पैसा आहे. तरीही माझी रहाणी साधीच ठेवलीय. माझ्या मुलीना सहजी कोणतीही गोष्ट मी मिळवून देत नाही. शिवाय आयुष्य हे सम्यकपणे भोगायचे असते. पैसा ,सन्मान उपभीग हे त्याचे काही भाग आहेत इतकेच. हे त्याना सारखे पटवून देत असतो. आपल्या पाल्याशी योग्य असा संवाद आजचे पालक ठेवतच नाहीत. हेच मोठे दुखणे आहे.

च

चौकटराजा गुरुवार, 01/15/2015 - 00:59 नवीन

त्याला कारण मुवि व त्यांच्या पत्नी यानी या वाक्यातील त्यांच्या हा शब्द सन्मान पूरक असून मुवि यांच्या अनेक पत्नी आखातात असल्याचे पुरावे आमच्याकडे आहेत असे समजू नये. हो उगीच मिपाकरानी मुविवर जळू नये म्हणून हा खुलासा. नाहीतर वाचकांची नस्ती पत्रापत्री व्हायची.

↩ प्रतिसाद: चौकटराजा

द

देशपांडे विनायक गुरुवार, 01/15/2015 - 01:51 नवीन

अस कस अस कस ? आम्हाला काय मुविंची भानगड चघळताना मजा वाटणार नाही ? तुम्ही आपले सगळे सांगून मोकळे व्हा . खुलाशात गंमत नाही हो . आणी INTEREST पण नसतो कुणाला

↩ प्रतिसाद: चौकटराजा

प

पिवळा डांबिस गुरुवार, 01/15/2015 - 06:25 नवीन

मुवींच्या आखाती पत्नींचे पुरावे नसतील तुमच्याकडे, पण संशय तर आहे की नाही? (उगीच काय तसे शब्द लिहिले जातात काय तुमच्यासारख्या जाणत्यांकडून?) :) आणि मग जळायचं नाही म्हणजे हा अन्याय झाला!!! ते काही नाही. आम्ही ह्या संशोधनाचं कॉन्ट्रॅक्ट डायरेक्ट सीआयए ला देत आहोत. ते काढतील शोधून मुविंच्या नकाबी हुस्नपर्‍या!!!! होऊ देत खर्च!!!!!! :)

↩ प्रतिसाद: चौकटराजा

ड

डॉ सुहास म्हात्रे गुरुवार, 01/15/2015 - 07:51 नवीन

आता हा ढिस्क्लेम्र देऊन इतक्या मनःपूर्वक चवीने वाचलेल्या स्वतःच्याच प्रतिसादातली हवा काढून घ्याची जर्रूर व्हती का, म्हंतो मी ??? (तीन प्रश्नचिन्हे लक्षपूर्वक पाहावी आसे विणंती आहे) +D

↩ प्रतिसाद: चौकटराजा

ह

हाडक्या गुरुवार, 01/15/2015 - 17:24 नवीन

"तीन" का !! मुवि ह्म्म्म्म..

↩ प्रतिसाद: डॉ सुहास म्हात्रे

क

कंजूस गुरुवार, 01/15/2015 - 03:09 नवीन

माझ्या लग्नाला उशीर होऊ लागला तेव्हा मला मिळालेले काही एकोळी सल्ले इथे देत आहे: १)आंब्याला सुरकत्या पडत नाहीत तोपर्यँतच गिऱ्हाइक भाव करायला येतं. २)घरचे प्रश्न घरातच सुटतात चौकात नाही. ३)आर्मित पस्तीशीला म्हातारा म्हणतात{जवानी संपते मानसिक आणि शारिरिक. शॉर्ट कमिशन पस्तिशीला देतात}. ४)पोपट होण्याअगोदर मैनेला पिंजऱ्यात घ्या. ५)"गरिबीचं कारण असेल तर भारतात ९८टक्के लोक अविवाहित राहतील "-गांधिजी. ६)माघारी कोणीतरी हवंच. {तुम्ही मेल्यावर तुमच्या मागे(=माघारी) रडणार कोण? ७)कोणालातरी आपलं म्हणा अन सुखी व्हा.

प

पिवळा डांबिस गुरुवार, 01/15/2015 - 06:41 नवीन

बाहेरचे लोक असे सल्ले देत असतील तर ठीक आहे, त्यांना (लोकांना) फाट्यावर मारता येतं... पण घरातलेच लोक असं बोलत असतील तर कठीण आहे हो!!!

↩ प्रतिसाद: कंजूस

क

कंजूस गुरुवार, 01/15/2015 - 10:02 नवीन

नोकरीच्या ठिकाणी मिळालेले वात्रट ,सोज्वळ सहकाऱ्यांचे सल्ले आहेत.

↩ प्रतिसाद: पिवळा डांबिस

प

पियुशा गुरुवार, 01/15/2015 - 07:19 नवीन

चाफुन चाफुन चिन्ग्ळ्या ....हा डायलॉग राहीला का ? असो मुलीच्या अपेक्षा वाड्ल्यात हे जितक खर तित्केच मुल ही कमी नाहीत (लोकाचे टो म ने ऐकुण हैराण झालेली पियु )

↩ प्रतिसाद: कंजूस

ब

बॅटमॅन गुरुवार, 01/15/2015 - 07:23 नवीन

क्र. ४ कहर अश्लील आहे =)) तदुपरि असले सल्ले देणार्‍यांच्या **** **! असो.

↩ प्रतिसाद: कंजूस

प

पिवळा डांबिस गुरुवार, 01/15/2015 - 07:28 नवीन

सगळ्या १ ते ७ सल्ल्यांवरून दादा कोंडकेंच्या एकेका सिनेमाचं टायटल बनण्यासारखं आहे!!!! खरं तर माझ्या मनात बनून तयारही आहे पण संपादकांचा ओव्हरटाईम वाचावा म्हणून गप्प आहे!!! पियुशाच्या म्हणीवरून मात्र फारतर एखादा मल्याळम सिनेमा निघू शकेल!!!! :)

↩ प्रतिसाद: बॅटमॅन

ब

बॅटमॅन गुरुवार, 01/15/2015 - 07:34 नवीन

अगदी अगदी =)) =)) =))

↩ प्रतिसाद: पिवळा डांबिस

ड

डॉ सुहास म्हात्रे गुरुवार, 01/15/2015 - 07:56 नवीन

संपादकांचा ओव्हरटाईम वाचावा म्हणून गप्प आहे!!!

इतका हृदयद्रावक प्रतिसाद वाचून ह्रुदयाचे पाणी पाणी होऊन ते डोळ्यात उतरल्याने ड्वाले पानाव्ले ! :) ;) लिवा हो तुमी. मिपा हाय घर्चं, होऊद्या खर्चं +D

पियुशाच्या म्हणीवरून मात्र फारतर एखादा मल्याळम सिनेमा निघू शकेल!!!!

मला तर त्या नावाचा एक चिनी सिनेमा असल्याचं एका तैवानी दोस्ताने सांगितलं ;)

↩ प्रतिसाद: पिवळा डांबिस

ब

बॅटमॅन गुरुवार, 01/15/2015 - 08:02 नवीन

ह्रुदयाचे पाणी पाणी होऊन ते डोळ्यात उतरल्याने ड्वाले पानाव्ले !

पन ह्रुदय डोळ्यांच्या खाली असतंय ना? मग त्याचं पाणी झालं तर ते डोळ्यात उतरणार कसं (अनलेस यू डू शीर्षासन) =))

↩ प्रतिसाद: डॉ सुहास म्हात्रे

ड

डॉ सुहास म्हात्रे गुरुवार, 01/15/2015 - 09:41 नवीन

त्ये हृदयाचं पानी भौतिक नियम पाळत नाय, हे भौतेक तुमाला म्हाय्त हाय, नाय्का !? ;) :)

↩ प्रतिसाद: बॅटमॅन

ब

बॅटमॅन गुरुवार, 01/15/2015 - 11:47 नवीन

आता मात्र....डॉळॅ पाणावले खरंच. :( ;)

↩ प्रतिसाद: डॉ सुहास म्हात्रे

ड

डॉ सुहास म्हात्रे गुरुवार, 01/15/2015 - 12:25 नवीन

आयशप्पत, हृदय पिळवटलं की त्यातलं पाणी पटकन वर ड्वाल्यात जातं :)

↩ प्रतिसाद: बॅटमॅन

न

नगरीनिरंजन गुरुवार, 01/15/2015 - 09:42 नवीन

भौतेक पाणी होऊन नंतर वाफ झाली असंल.

↩ प्रतिसाद: बॅटमॅन

ब

बॅटमॅन गुरुवार, 01/15/2015 - 11:45 नवीन

शक्यता नाकारता येत नाही.

↩ प्रतिसाद: नगरीनिरंजन

प

पुष्कर जोशी Sat, 06/11/2016 - 21:47 नवीन

हहपुवा

↩ प्रतिसाद: बॅटमॅन

ट

टवाळ कार्टा गुरुवार, 01/15/2015 - 04:51 नवीन

भा.पो. - १ इच्छूक :(

ब

बोका-ए-आझम गुरुवार, 01/15/2015 - 05:04 नवीन

आपल्या समाजात दुर्दैवाने ' लग्नाचा बाजार ' हाच शब्दप्रयोग वपरला जातो आणि एकदा बाजार म्हणलं की घासाघीस ही आलीच. माझं ठरलेलं लग्न त्या मुलीने मोडलं होतं कारण त्या वेळी अचानक माझी नोकरी गेली. कंपनीच बंद झाली. ही साधारण २००१ ची गोष्ट आहे. त्यानंतर तब्बल ७ वर्षांनी मी लग्न केलं. प्रेमाने पोट भरत नाही आणि कोणीही तुम्हाला गरज असते तेव्हा विचारायला येत नाही हे अत्यंत मोलाचे धडे यातून शिकलो. अजून एक. नातेवाईक फक्त लग्नात जेवायला - फुकटात मिळतं म्हणून येतात. तुम्ही कोणाशी का लग्न करा, त्यांचा उद्देश हा फक्त फुकट जेवण मिळणार आहे हा असतो. त्यामुळे त्यांना काय वाटेल असले विचार करणं हा मूर्खपणा आहे.

क

कॅप्टन जॅक स्पॅरो गुरुवार, 01/15/2015 - 05:10 नवीन

नातेवाईक फक्त लग्नात जेवायला - फुकटात मिळतं म्हणून येतात. तुम्ही कोणाशी का लग्न करा, त्यांचा उद्देश हा फक्त फुकट जेवण मिळणार आहे हा असतो.

अतिअसहमत. दुसर्‍याच्या लग्नात मिरवणं. एकमेकांच्या उखाळ्यापा़खाळ्या काढणं, गॉसिप करणं ई.ई. गोष्टी करणं हे ही सेकंडरी उद्देशही असतातचं की. बाकी ऐकुन वाईट वाटलं.

↩ प्रतिसाद: बोका-ए-आझम

ड

डॉ सुहास म्हात्रे गुरुवार, 01/15/2015 - 08:03 नवीन

नातेवाईक फक्त लग्नात जेवायला - फुकटात मिळतं म्हणून येतात. तुम्ही कोणाशी का लग्न करा, त्यांचा उद्देश हा फक्त फुकट जेवण मिळणार आहे हा असतो.

हे तर पूर्वपूरींनी प्राचीन काळातच लिहून ठेवलं आहे... बा बॅटमना, पोतडीतून काढून ते काव्य टाकू शकणार का इथे ?

↩ प्रतिसाद: बोका-ए-आझम

ड

डॉ सुहास म्हात्रे गुरुवार, 01/15/2015 - 08:04 नवीन

अरेच्च्या, खालीच डॉ खरेंनी ते दिलं आहे !!

↩ प्रतिसाद: डॉ सुहास म्हात्रे

प

पुष्कर जोशी Sat, 06/11/2016 - 21:50 नवीन

"नातेवाईक फक्त लग्नात जेवायला - फुकटात मिळतं म्हणून येतात. " ह्या मुद्याशी १००% असहमत !

↩ प्रतिसाद: बोका-ए-आझम

स

सुबोध खरे गुरुवार, 01/15/2015 - 05:10 नवीन

कन्या वरेयते रूपं माता वित्तं पिता गुणं बांधवः कुलं इच्छन्ति मिष्टान्ने इतरेजनः लग्नाच्या बाजारात कोण काय पाहतो ? मुलगी मुलाचे रूप पाहते आई पैसा किती मिळवतो ते वडील मुलाचे "गुण" बांधव मुलाचे कुळ ( आजकी तारीख मे खानदान ( खानदान कि इज्जत वालं) आणि बाकी सर्व जण मिष्टान्न यावरून काय तो बोध घ्यावा (लोकांना फाट्यावर मारावे)

न

नाखु गुरुवार, 01/15/2015 - 05:18 नवीन

बाहरचे.. दोन्ही बाजू आहेत पण माझ्या तुटपुंजी अनुभव्-शिदोरी येनप्रकारे: वडीलांचे छत्र वयाच्या ९ व्या वर्षीच हरपले त्यामुळे मीच माझा पालक.

माझे स्वतःचे लग्नसमयी वधूसंशोधनात मी निर्व्यसनी आणि वयाच्या पंचवीशीत स्वतःचा फ्लॅट (चिंचवडमध्ये) असणे याची भावी वधू पित्यांचे लेखी काडीमात्र किंमत नाही हेही समजले (उलट लहान बहिणीची व भावाची अर्थात आईचीही जबाबदारी आहे याकडेच ज्यास्त लक्ष होते)त्यामुळे शेवटी बहिणीचे लग्नानंतर ५ वर्षांनी वयाच्या ३३ व्या वर्षी लग्न झाले.
लहान बहिणीचे लग्नाकरीता खटपट करावी लागली दुर्दैवाने ज्या हातांनी कन्यादान केले त्याच हातावर तिचे कलेवर ( तिच्या सासरच्या छळामुळे)घेऊन अंतीम विधी करण्याचे दु:ख सहन केले.
लहान भावाचे लग्नसमयी वधूसंशोधनात वधू पित्यांचे अपेक्षांचे इमले पाहून हसू येण्यापलिकडे पोहोचलो होतोच.
त्याचेही लग्न त्यामुळे ३० नंतरच झाले.
परिस्थीतीने शिकवलेले शहाणपण आणि स्वावलंबन यामुळे चिंचवडमध्ये २ बी एच के फ्लॅट आणि स्वतंत्र ६ खोल्यांचा बंगला बनवू शकलो. हे करताना शिक्षणासाठी शाळेतील शिक्षकांची* अज्ञात हातांची,नातेवाइकांपेक्षा फक्त मित्रांची भावनीक मदत आणि सदिच्छा-प्रोत्साहन मिळाल्यामुळेच हे शक्य झाले.
नाहीतर सन १९७८ ला पुण्यात शिक्षणासाठी अनवानी दाखल होण्यार्या मुलाला काय भविष्य होते??