ताज्या घडामोडी - सप्टेंबर २०२२ (भाग २)

भाजपला महाराष्ट्रात किमान पुढील २ विधानसभा निवडणुकीत अजिबात संधी नाही. स्वबळावर १२२ जागा जिंकणाऱ्या भाजपला आता १ आमदार असलेल्याचे अनाहूत सल्ले ऐकावे लागत आहेत यापेक्षा दुर्दैव ते काय. अनेक नेत्यांनी अनेक वर्षे परीश्रम करून स्वबळावर बहुमताच्या जवळ आणलेला पक्ष फक्त एका व्यक्तीच्या सत्तेच्या वखवखीमुळे घसरणीला लागला आहे आणि अत्यंत भ्रष्ट, जातीयवादी, गुन्हेगार असलेल्यांना जवळ करून डोक्यावर घेत आहे, हे माझ्यासाठी अतिशय दु:खदायक आहे.

अंधेरी पोटनिवडणुकीत भाजपने माघार घेऊन स्वत:ची छी थू करून घेऊन नाक कापून घेतले, ते सहज टाळता येण्यासारखे होते. एकतर निवडणुकीत उमेदवार द्यायलाच नको होता. दिला तर शेवटपर्यंत लढायचे होते. पण उमेदवार दिला, पक्षकार्यालय उघडले, जोरदार प्रचार सुरू केला, अर्ज भरताना दणक्यात मोठी मिरवणूक काढली आणि कोणीतरी पत्र लिहिले म्हणून अचानक माघार घेऊन पळ काढला. त्या उमेदवाराला, कार्यकर्त्यांना, समर्थकांना तोंडावर आपटवून संस्कृती वगैरे गप्पा ठोकायला हे मोकळे आणि हा जोरदार मास्टर स्ट्रोक म्हणून माघारीचे समर्थन करायला फडणवीस भक्त व समर्थक पत्रकारही मोकळे.

जोपर्यंत फडणवीस सारखे नेते राज्यात आहेत तोपर्यंत भाजपचा विनाशच व्हावा असेच वाटते. कोरोना काळात केलेले गलिच्छ राजकारण, सुशांतसींग प्रकरणात मुंबई पोलिसांची केलेली बदनामी, साधू हत्याकांडावरून घातलेला तमाशा, वेंदाता प्रकल्प गुजरातला हलवणे हे पाहीलं की भाजपचा कट्टर समर्थक असनारे आमच्यासारखे लोक भाजपचा सत्यानाश व्हावा ह्या मतापर्यंत आलोय.