हरिश्चंद्रगड. महाराष्ट्रातलं एक स्वर्गवत ठिकाण. अक्षरशः वेड लावणारं. हरिश्चंद्रगड केला नाही असा 'ट्रेकर' सापडणे अशक्य. एकदा गेलो की तिथे पुन्हा पुन्हा जावंसं वाटतंच. हल्ली तिथे गर्दी वाढली आहे असं कारण मनाशी धरून गेली साधारण तीन साडेतीन वर्षं मी काही हरिश्चंद्रगडावर गेलेलो नव्हतो, पण यावेळी मात्र कारण मिळालं होतं, ते म्हणजे 'नळीची वाट'. ते ही एकदा नाही तर चक्क दोनदा. मागे कधीतरी एकदा संध्याकाळच्या वेळी कोकण कड्यावर बसलो होतो, तेव्हा खांद्यावर लांबलचक दोराची गुंडाळी घेतलेला एक ट्रेकर दिसला. त्याच्या बाकी पेहरावावरून आणि चालण्या- बोलण्यावरून तो एक 'व्यवस्थित' ट्रेकर वाटत होता.

नमस्कार, उसगावातील एक लोकप्रिय राज्य म्हणजे कॅलिफोर्निया. बरेच लोकांना (यात पर्यटक देखील आले) कॅली म्हणजे फक्त सॅन फ्रान्सीस्को ,एल ए ही शहरं आणी योसेमीटी नॅशनल पार्क, नापा व्हॅली ह्याच ठळक जागा माहीत असतात. पण या शिवाय तिथे अनेक अतिशय सुरेख बघण्या सारखी स्थळं आहेत. मला नैसर्गिक सौंदर्य शहरांपेक्षा जास्त आवडते. अशीच काही मला आवडलेली स्थळं मी खाली देते आहे. टीप:- सर्व फोटो जालावरुन साभार. १. लेक टाहो (lake Tahoe) - आम्ही उन्हाळ्यात येथे प्रथम आलो आणी याच्या प्रेमात पडलो. कॅली आणी नेवाडाच्या सीमांना लागून असलेला अती प्रचंड तलाव. चारी बाजूंना डोंगर आणी मध्ये हा अती खोल तलाव.