कविता

मंडळीनो, हा माझा मिपावर टंकण्याचा पहीलाच प्रयत्न आहे..... गोड मानून घ्या एवढीच विनंती.... हा रस्ता दूर जातसे, परत न येण्यासाठी...... सोबतीला कोणी नसे, साथ देण्यासाठी...... पण, मला चालावेच लागणार, काहीतरी शोधण्यासाठी...... मनात आहेत दुर्दम्य आकांक्षा, माझ्यातल्या मी साठी...... कोणी साथ द्या, अगर नका देउ...... मला चालावेच लागणार, काहीतरी शोधण्यासाठी...... माझ्यातल्या मी साठी......

मृत्यु हा अंतिम नाही ,नंतरही करता येते बरेच काही, करोनी डोळे दान अंधांची वाढवावी शान, कुणा द्यावे चाम ,जळलेल्या चे होईल काम, किडनी द्यावी कुणा,आयुष्य जगेल दुणा, दान करोनी वेगवेगळे भाग,वाचवावे जिवलग, करोनी शरीर दान मेल्यावरही व्हावे महान , करा मनाचा कायाकल्प ,धरा मनी देह दाना चा संकल्प.

आमच्या आगामी " नायक क्रमांक एक" या चित्रपटातले शिर्षक गीत खास आमच्या चाहत्यांसाठी. या चित्रपटाची पटकथा, संवाद आणि गीते आम्ही स्वतः लिहिली आहेत याची वाचकांनी कॄपया नोंद घ्यावी. (कंसातल्या सुचना दिग्दर्शकासाठी असुन, नायक नायिकेने कंसाबाहेरच्या शब्दांचे गायन करत नॄत्य करायचे आहे. चित्रीकरण सुरु करण्या आधी कॅमेरामॅनच्या कॅमेर्‍याची बॅटरी चार्ज आहे कि नाही ते तपासावे) (ज्याच्या कडे बर्‍यापैकी कपडे असतील त्यालाच नायक म्हणुन घेण्यात यावे. नायिका आम्ही आधिच निवडली आहे.

एक एक श्वासात ध्यास मज बिलगुन आहे राधा नसून भासे सोबतीस ठायी ठायी ही बाधा .............. स्वरे कोकिळा गाई वसंत ................अनाम सार्‍या विविधा ................मदन गंध पवनासंगे ................एकांती कुंठित मेधा खोल निळाई अथांगासवे क्षितिज बांधते वाडा जन्म सांडतो संमोहातच धाव धावतो वेडा .................वलये वलये लाटा लटा .................मनभर तिरपिट त्रेधा .................काय कशास्तव हे भिजलेपण .................सय-श्रावण सण साधा ......................अज्ञात

सकाळी सकाळी निवांत, बसलो होतो सोफ्यावर । अचानक नजर गेली , चिमणीच्या खोप्यावर॥ तिची ती दोन पिल्ले , चिवचिवाट करत होती । चिमणी ही मोठ्या प्रेमाने, त्यांना दाणे चारत होती ॥ तितक्यात घरत लक्ष गेले..... माझी ही दोन मुले, रडुन रडून सांगत होती। खाण्यासाठी आईकडे, कहीतरी मागत होती ॥ घरात होते सर्व पण, झोळी तिची खाली होती। कामावर जाण्याची, घाई तिला झाली होती॥ करिअर व पैशापुढे, आईचे ते प्रेम विरले। माणसाच्या प्रेमापुढे, "पक्षिणीचे प्रेम" श्रेष्ठ ठरले॥

गोधूळ लेऊन देह मनावर अक्षरांची तरली आण. आकाशाने उचलून घेता तरारले मग अवघे रान. पंचम पंचम मध्यावरती सुरेल, हळवी नाजूक तान. जपले आहे मुठीत इवल्या अव्यक्ताचे अफाट भान.

मन गाय प्रेम तिचे वासरू, मन गाय दुख: तिचे वासरू, मन गाय वासना तिचे वासरू, मन गाय दंभ तिचे वासरू, मन गाय क्षमा तिचे वासरू, मन शांत तुम्ही फुलपाखरू.

नजरेत कुणा भक्ती ,नजरेत कुणा विरक्ती , नजरेत कुणा धोका,नजरेत कुणा मोका, नजरेत कुणा वासना,नजरेत कुणा कामना, नजरेत कुणा युक्ती,नजरेत कुणा सक्ती. नजरेत कुणा संस्कार,नजरेत कुणा दुत्कार, नजरेत कुणा जरब,नजर कुणाची खराब, नजरेत कुणा लगट ,नजरेत प्रेम प्रगट , नजरेत कुणा व्यथा,नजरेत कुणा कथा, नजरेत प्रगटे ज्ञान ,नजर मनाची शान.

तू असताना चंद्रचांदणे तू नसताना खिन्न स्फुंदणे तू असताना श्वास हवेसे तू नसताना फक्त उसासे तू असताना मधुर कहाणी तू नसताना फक्त विराणी तू असताना मंगल प्रभात तू नसताना काजळ रात तू असताना सुरेल सनई तू नसताना फक्त जांभई तू असताना जग हे हसते तू नसताना सगळे फसते ! .

।। सदा सर्वदा वनी विचरावे ।। ।। वना जोपासण्या सदा सिद्ध व्हावे ।। ।। वना राखण्या संकल्प जीवी ।।।। ।।वना तोडण्या संकल्प सोडूनी द्यावा ।। ।।वनी वृक्ष वल्ली सदा वाढू द्याव्या ।। ।।मनी वृक्ष वल्ली सदा पुज्य व्हाव्या ।। ।।वनी वनचरे सदा वाढू द्यावी ।। ।।मनी वनचरे सदा आदरावी ।। ।।तना जाळण्या वृक्ष तोडू नकोरे ।। ।।तना जाणण्या देह दान करारे ।। ।।वना सारखा मित्र कोणीही नाही ।। ।। वना वाचुनी दुखः ठाई ठ