' ठोकळे ' ठोकळे, ठोकळ्यांचा समूह, मग आख्खा एक ठोकळा किंवा आख्खा ठोकळा, ठोकळ्यांचा समूह आणि किरकोळ ठोकळे : एकूण एकच. लाल ठोकळ्यातून उतरलास की काळापिवळा थांबव शंभरची पत्ती दाखव दिली नाहीस तर तो भाव खाणार रिंकाम्या खिशाने बोंबलत पुढे जाणार एरवी दहावीसचा धंदा ; पण आता नाही, तर कधी कमावणार ? उजवीकडे मोठे भुयार मग भुयारात भुयार ! आणि मग तिथे ठोकळेच ठोकळे, ठोकळ्यात ठोकळे काळे ठोकळे , पांढरे ठोकळे , खाकी ठोकळे , मळकट,कळकट, ठिसूळ आणि बळकट लहान, मोठे, उंच आणि बुटके ; गब्बर आणि फाटके ठोकळे एकदाचे तुझे भुयार शोध सापडले ?

काचेच्या भांड्यातल्या गोल्डफिशसारखा विहरतो तो स्वच्छंद लिमिटेड अवकाशात अन् तापलेल्या सूर्याच्या तोंडावर मिटून कवाडं प्रतिबिंब पाहतो काचेत अ‍ॅनिमिक प्रकाशात बांधलेल्या आखीव मॅग्नेटिक रस्त्यांवर गुळगुळीत मॅगलेव्हने जाताना भर वेगात ऑटोपायलटवर टाकलेल्या आयुष्याला रस्ता सोडून जायचं येतच नाही मनात क्षणात रंग बदलणार्‍या बत्तीस बिटी भिंती अन् आकार बदलत्या नॅनो फर्निचरच्या गराड्यात कंटाळा भरून राहिलेला असतो मख्खपणे त्याच्या वेल इंजिनिअर्ड पिळदार शरीरात चौघांचं चौकोनी चतुरस्र कायदेशीर कुटुंब पसरलेलं जगभर ताणून एकेका कोपर्‍यात स्वतंत्र, स्वतःचा असतो तो संपूर्णपणे यंत्रांच्या आधाराने या एकविसाव्या श

१) लहरी वारा पानांची सळसळ सशाचा छळ २) ढगांची हूल पावसाची चाहूल भुई निष्प्राण ३) वाऱ्याची गती निसर्गाची संगती मन बेभान ४ ) पाऊस गाणी धरतीची कहाणी ऐकते बीज ५) कावळा पाही चिमणीचं सदन खुनशी मन .