कविता

मी न माझा……… गुंतलो इतुका ईश्कांत तुझिया राहिलो अता मी माझाच नाही. आभासत नाही ज्या गंधात तू, तो गंध मज मोहीत नाही. जी वाट जात नाही तुज घरां, वाटेवरून त्या मी जात नाही. ज्या फुलांत ना कोमलता तुजसम, ती फुले मी वेचीत नाही. हृदय वेदना ज्यां नं जाणवती तुला, वेदनाचे अशा मज दुखः नाही. भेटली आताच पाहिले डोळे भरुनी, विरहाचे आता मला दुखः नाही. सामावली श्वासांत, रंध्रा रंध्रात तू, अस्तित्व मजला तुजवीण नाही निरंजन वहाळेकर

अजपाचे संगती | एकारली वृत्ती | ठाके सीता-पती | सन्निधानी || स्व-स्थ राहोनी | राम नाम ध्यानी | लाभे पुण्य खाणी | आत्म वृत्ती || आत्मवृत्तीची कळा | प्रेमे पाही सकळा | दिसे सर्वत्र सावळा | चरा- चरी || नाम जप गोडी | जरी लाभे थोडी | साधने तोकडी | बाकी होती || याजन याजन | दान तीर्थाटन | सद्गुरुवाचोन | शून्य होय || सद्गुरू माउली | देई नाम साउली | तेणे लोभावली | जिव्हा माझी || सागर लहरी - ११.७.२०१०