वधू आणि वरांच्या अपेक्षा वाढल्या आहेत का?

म

मुक्त विहारि

Wed, 01/14/2015 - 22:54

मला बरेच जण विचारतात की बाबारे कशाला आखातात नौकरी करतो? कालच एक लेख वाचला. (http://www.misalpav.com/node/30015) आणि मनांत थोडे विचारांचे काहूर उठले म्हणून हा काथ्या कुटत आहे. माझी सौ.आई गेली ५-६ वर्षे वधू-वर सुचक मंडळांत काम करते.तिच्या मतानुसार, आजकाल मुलांच्या आणि विशेषतः मुलींच्या अपेक्षा फार वाढल्या आहेत. भरपूर शिक्षण, भरगच्च पगार, स्वतःचा फ्लॅट आणि चार-चाकी असल्याशिवाय मुलांनी लग्नाच्या बाजारात उतरू नये असे सौ.आईचे मत पडले. शिक्षण आणि नौकरी , हे जरी मुलांच्या हातात असले तरी वयाच्या २६-२८ वर्षी स्वतःचा फ्लॅट असणारी तरूण मंडळी किती असतील? एकतर मुलांना शिक्षण द्या.नौकरी मिळवून द्यायला प्रयत्न करा.फ्लॅट घेवून द्या. मुलींचे एक बरे असते.जबादारीने शिकतात.नौकरी मिळवतात.फ्लॅट घेवून द्यायची आवश्यकता नसते. ह्यापेक्षा मुलगी असती तर अजिबात गल्फ मध्ये आलो नसतो. माझे लग्न झाले (१९९२ साली) त्यावेळी माझ्याकडे काहीच न्हवते. शिक्षण : जेमतेम डिप्लोमा पगार : २२००/- नौकरी : खाजगी. जागा : भाड्याची त्यात परत उंदीर आणि साप हे बिनभाड्याचे पोट-भाडेकरू. इंधन : रॉकेल (हे मात्र भरपूर असायचे.शेजारीच सरकारमान्य धान्य-दुकान होते.) वाहन : समोरच्या शेजार्‍याने दिलेली सायकल. आता सांगा त्या काळात पण मला कुणी मुलगी दिली असती का?पण सुदैवाने बायको भेटली ती पण मनापासून प्रेम करणारी. लग्नानंतर स्वपैशावर आणि स्वबळावर (त्यात पण बायकोने खूप मदत केली.) शिक्षण पुर्ण केले. शिक्षण वाढले, तशी जबाबदारी पण वाढली आणि पगार पण वाढला. अद्याप स्वतःची जागा नसली तरी, बायकोच्या नावाने फ्लॅट आहे. दोन मोटरसायकली आहेत.उगाच हौस न्हणून एक चार-चाकी २/३ कि.मी. साठी वापरून पण झाली. थोडक्यात काय? तर लग्नाच्या वेळी ज्या-ज्या गोष्टी न्हवत्या त्या सगळ्या गोष्टी २२-२३ वर्षात आल्याच की.आज-उद्याकडे माझी पण मुले वधू संशोधन करतील.त्यांना पण हाच प्रश्र्न भेडसावेल का?हल्लीच्या मुली तडजोड करायला तयार असतात का? संसारात तडजोडीला पर्याय नाही, हेच माझ्या मते सत्य. डिस्केमर : मी मुलांचा बाप म्हणून माझे विचार व्यक्त करत आहे.मुलींच्या पालकांचे मत जाणून घ्यायला नक्कीच आवडेल..

364375 वाचन

💬 प्रतिसाद (1423)

व

विटेकर Wed, 01/21/2015 - 13:09 नवीन

बट्टमनाशी सहमत

↩ प्रतिसाद: बॅटमॅन

ह

हाडक्या Wed, 01/21/2015 - 13:11 नवीन

बॅटमॅन भौ, "का नाही होणार?" या प्रश्नाच्या उत्तरासाठी अनादि काळापासून काय होतय याचा संदर्भ देण्यापेक्षा, तुम्हाला काय "बरोबर्/योग्य/rational" वाटते त्या मुद्द्यांचा वापर केलात तर बोलता आले असते. बर्‍याच गोष्टी अनादि काळापासून होतात म्हणून योग्य ठरत नाहीत ना.

↩ प्रतिसाद: बॅटमॅन

ब

बॅटमॅन Wed, 01/21/2015 - 13:14 नवीन

मटेरिअलिस्टिक अपेक्षांमध्ये शरीरविषयक अपेक्षांचा समावेश होत नाही का? नसेल तर का? फ्लॅट इ. बद्दल काही बोलले की ते साधेसुधे मटेरिअलिस्टिक आणि रंग, फिगर, इ. बद्दल काही बोलले की पर्व्हर्ट असे काही क्लासिफिकेशन आहे का?

↩ प्रतिसाद: हाडक्या

ह

हाडक्या Wed, 01/21/2015 - 13:31 नवीन

मटेरिअलिस्टिक अपेक्षांमध्ये शरीरविषयक अपेक्षांचा समावेश होत नाही का?

होतोच की.. तेच तर टका पण म्हणतोय ना ब्याट्या. मी म्हणतोय की, फक्त सुंदर, सुडौल मुलगी असली म्हणजे भारी सेक्स असेल हा एक ठोकताळा म्हणून पण येडपट सिद्धांत आहे. समागम अनुरुपता एक महत्त्वाचा घटक आहे आणि त्याला सगळ्यात कमी महत्त्व दिले जाते. आता आपल्या बाबतीत ते कसे जाणून घ्यायचे, त्याचे रस्ते ज्याचे त्याने शोधावेत. ;)

↩ प्रतिसाद: बॅटमॅन

ब

बॅटमॅन Wed, 01/21/2015 - 13:34 नवीन

मी म्हणतोय की, फक्त सुंदर, सुडौल मुलगी असली म्हणजे भारी सेक्स असेल हा एक ठोकताळा म्हणून पण येडपट सिद्धांत आहे.

अगदी डिरेक्ट कॉजेशन नसलं तरी ष्ट्राँग कोरिलेशन नाहीच असं म्हणवतं का ओ तुम्हांला या केसमध्ये ;)

↩ प्रतिसाद: हाडक्या

ह

हाडक्या Wed, 01/21/2015 - 14:06 नवीन

डिरेक्ट कॉजेशन नसलं तरी ष्ट्राँग कोरिलेशन नाहीच

डिरेक्ट कॉजेशन नसलं तरी ष्ट्राँग कोरिलेशन नाहीच असे म्हणता येणार नाही हे मान्य. सुंदर पोरगी दिसली की आपण आकर्षित होतोच की. (अगदी घरी बायको पूर्ण समाधान देत असेल तरीही!) पण ते एक नर म्हणून बाय नेचर आहे. ती सुंदर मुलगी तुम्हाला "सुंदर अनुभव" देऊ शकेल याची त्यात कोणतीही शाश्वती नाही (पण इतर सगळे "फीट" असेल तर तुम्हाला पोरे-बाळे होतील, दॅट इज एक्स्पेक्टेड रिजल्ट बाय नेचर ;) ). म्हणून "ष्ट्राँग कोरिलेशन" असले तरीही ते समागम अनुरुपतेसाठी "कंक्लुजिव" नक्कीच नाही हे म्हणायचेय, जे प्रतिसादकर्त्याला म्हणावयाचे होते. आता तुम्हाला याबद्दल (समागम अनुरुपता) काय वाटतेय ते साध्या शब्दात व्यक्त करा बघू . :)

↩ प्रतिसाद: बॅटमॅन

प

प्रसाद१९७१ Wed, 01/21/2015 - 14:29 नवीन

आपण आकर्षित होतोच

बरोबर आहे सायबा, मी तेच तर म्हणतोय. आकर्षितच होउ शकलो नाही तर कसला नंतर सुंदर अनुभव वगैरे. सुरुवात तर आकर्षणातुनच होणार ना.

↩ प्रतिसाद: हाडक्या

ब

बॅटमॅन Wed, 01/21/2015 - 14:52 नवीन

डिरेक्ट कॉजेशन नाही हे अगोदरच कबूल केलेय की. :) त्यामुळे बाकी मुद्याशी सहमत आहे हेवेसांनल. :)

↩ प्रतिसाद: हाडक्या

प

प्रसाद१९७१ Wed, 01/21/2015 - 13:13 नवीन

नशिबानी स्त्री च्या सौंदर्याचे रुपांतर दुसर्‍या कशात झाले नाही ते बरे आहे.

↩ प्रतिसाद: बॅटमॅन

ब

बॅटमॅन Wed, 01/21/2015 - 13:15 नवीन

जर झाले असते तर इन्बिल्ट प्रतिक्रियाही त्या बदलानुरूपच असती. सो चिल!

↩ प्रतिसाद: प्रसाद१९७१

क

कवितानागेश Wed, 01/21/2015 - 18:02 नवीन

हुन्ड्यात होउ शकते रुपान्तर.

↩ प्रतिसाद: प्रसाद१९७१

ट

टवाळ कार्टा Wed, 01/21/2015 - 15:32 नवीन

हेच्च लिहायला आलो होतो

↩ प्रतिसाद: बॅटमॅन

प

प्रसाद१९७१ Wed, 01/21/2015 - 13:11 नवीन

फक्त पुरुषांसाठी हा "सर्वात महत्वाचा हेतू" असतो असे म्हणणेच अगदीच गैर आहे.

"फक्त" शब्द तुम्ही टाकलाय. वर मी ते मत माझे आहे असे लिहीले आहेच.

तुम्हाला हवा तसा प्रतिसाद देत असेल, तुम्हाला आनंद देत असेल तर "८०-९० किलोची मुलगी" अप्सरेस लाजवेल. तो समागम असेल.

पुन्हा माझा पुर्वीचाच मुद्दा. जी गोष्ट लग्ना आधी मोजुन बघता येणार नाही त्या गोष्टी पेक्षा जी मोजुन घेता येइल ती बघावी. उदा - ८०-९० किलोच्या मुली पेक्षा ५०-५५ ची ( ज्याच्या त्याच्या आवडी प्रमाणे आकडे बदलुन घ्या ) चालेल. पुढे काय होइल ती रीस्क दोन्ही केस मधे सारखीच आहे. मग at least जे समोर दिसतय ते तेरी बघुन घ्यावे.

↩ प्रतिसाद: हाडक्या

ह

हाडक्या Wed, 01/21/2015 - 13:22 नवीन

चला, "फक्त" या शब्दावरून तुम्हाला "benefit of the doubt" दिला. तसेही ते तुमचे मत आहे आणि मला मान्य नाही हे मांडून झालेले असल्याने त्याला सोडून देऊ. दुसर्‍या मुद्द्यासाठी मी आधीच म्हणालोय की म्हणून तर मला लिव-इनचा पर्याय ( ज्यात अर्थातच समागम अनुरुपता गृहित धरलीये) जास्त योग्य वाटतोय आणि मी त्याचे समर्थन करतोय.

पुढे काय होइल ती रीस्क दोन्ही केस मधे सारखीच आहे. मग at least जे समोर दिसतय ते तेरी बघुन घ्यावे

हे दोन्ही बाजूंनी लागू होतेय एवढे ( लग्नाच्या बाजारातला एक घटक म्हणून) मान्य. पण तुम्ही ज्या "शरीरसंबंध बाबतीतील कंपॅटीबिलीटी, आवडनिवड" या त्यापेक्षा जास्त व्यापक आणि महत्त्वाच्या मुद्द्यावर बोलत होता त्याला माझं उत्तर होते. नुसते वजन आणि दिसणे पाहून या गोष्टी नै जुळत हो (ते काय T मध्ये U बसवायचे काम नाही फक्त की मी ७० चा आणि ती ५५ ची म्हन्जे झाले ;) ). बाकी विषय मोठ्ठा आहे, जाणते/जाणत्या अजून अणुभवाचे बोल सांगतीलच.

↩ प्रतिसाद: प्रसाद१९७१

आ

आजानुकर्ण Wed, 01/21/2015 - 14:40 नवीन

अहो प्रसादराव, सेक्ससाठी लग्न केलेच पाहिजे वगैरे गैरसमज आजच्या पिढीच्या मनात नाहीत. आजच्या पिढीतले जे मनाने अजूनही मागच्या पिढीत आहेत ते संकेतस्थळीय पब्लिक सोडले तर सेक्स आणि लग्नाचा फारसा संबंध आहे असे आजकाल कोणी मानत नाही.

↩ प्रतिसाद: प्रसाद१९७१

प

प्रसाद१९७१ Wed, 01/21/2015 - 14:46 नवीन

सेक्ससाठी लग्न केलेच पाहिजे वगैरे गैरसमज आजच्या पिढीच्या मनात नाहीत

तुमचा पूर्ण मान राखुन पाहीजे तेंव्हा,पाहीजे तितके, हक्काच्या, भिती मुक्त , सेफ सेक्स साठी ( आणि बिन खर्चाच्या ) लग्न हाच एकमेव पर्याय आहे. लिव्ह इन पण आहे, पण तो भारतात रुजणे अवघड आहे. आणि लिव्ह इन आणि लग्न ह्यात फक्त तांत्रिक फरक आहे. आजच्या पिढीला वर लिहीलेल्या ३-४ गोष्टी पूर्ण करतील असे काय ऑप्शन आहेत हे माझ्यासारख्या मागास माणसाला सांगा तरी.

↩ प्रतिसाद: आजानुकर्ण

आ

आजानुकर्ण Wed, 01/21/2015 - 14:51 नवीन

भारतात लग्नाचे अॅवरेज वय आता तिशीपर्यंत आले आहे. १४-१५व्या वर्षी पौगंडावस्थेत आल्यापासून भिन्नलिंगी आकर्षणाच्या भावना सुरु होतात. आता लोक १५ वर्षं कळ काढतात असं म्हणायचंय का? जालावर भरपूर सर्वे उपलब्ध आहेत. तब्बल सत्तर-ऐँशी टक्के पब्लिकला लग्नापूर्वी सेक्सचा अनुभव असतो. एवढं कशाला ओळखीच्या कोणत्याही केमिस्ट-फार्मसिस्टला जाऊन विचारा. अमेरिकेच्या तुलनेत भारतातील कुमारीमातांचे नगण्य प्रमाण पाहता हा सर्व सेक्स सेफच असावा असा माझा अंदाज आहे. लग्नानंतरचा सेक्स बिनखर्चाचा असतो असं कुणी सांगितलंय. लग्नाचा वन टाईम प्रीमियम भरतातच की!

↩ प्रतिसाद: प्रसाद१९७१

प

प्रसाद१९७१ Wed, 01/21/2015 - 15:00 नवीन

मालक - सेक्स च्या अनुभवासाठी मी लोक लग्न करतात असे म्हणले नाही. मी तुम्हाला ४-५ गोष्टींची यादी दीली होती त्या फक्त लग्न ( किंवा लिव्ह इन ) मधेच मिळतात. हे ते बेनिफिट

पाहीजे तेंव्हा,पाहीजे तितके, हक्काच्या, भिती मुक्त , सेफ सेक्स साठी ( आणि बिन खर्चाच्या )

बिन खर्चाचा म्हणजे तुलनात्मक नगण्य. आणि बायको नोकरी करत असेल तर ...

↩ प्रतिसाद: आजानुकर्ण

आ

आजानुकर्ण Wed, 01/21/2015 - 15:13 नवीन

बायको नोकरी करत असेल तर ..

हो हे खरंय. 'तू तर फक्कड मासिक हुंडा' ही कविता आठवली.

↩ प्रतिसाद: प्रसाद१९७१

म

मृत्युन्जय गुरुवार, 01/22/2015 - 06:01 नवीन

अमेरिकेच्या तुलनेत भारतातील कुमारीमातांचे नगण्य प्रमाण पाहता हा सर्व सेक्स सेफच असावा असा माझा अंदाज आहे. पुराणकालीन भारतातही कुमारी मातांची प्रकरणे अपवादानेच होती. या अर्थी काँडमचा शोध भारतातच लागला हे सिद्ध करता येउ शकेल.

↩ प्रतिसाद: आजानुकर्ण

ट

टवाळ कार्टा गुरुवार, 01/22/2015 - 09:23 नवीन

अग्गागा =)) आपल्या पुराणांत बरेच काही आहे...फक्त ते बाहेर तेव्हाच येते जेव्हा दुसर्या कोणत्यातरी देशातले लोक त्याचा शोध लावतात

↩ प्रतिसाद: मृत्युन्जय

अ

अजया Wed, 01/21/2015 - 11:44 नवीन

इथे शिक्षण कमी म्हणजे अगदी दहावी बारावी पास असं नव्हतं म्हणायचं मला.पण बी ए,बि काॅम झालेल्या कितीतरी मुली असतात ज्याना चांगली नोकरी मिळत नसल्याने घरी असतात.अशा मुलींबद्दल लग्नेच्छु मुलं काय म्हणतात? तसंच माझ्या ऒळखीत काही एम बि ए होऊनही त्यांना गृहिणी असणे,स्वयंपाक करणे अावडते.त्या स्वखुशीने नोकरी करत नाहीत.अशी मुलगी सांगुन आल्यास मुलांचे काय म्हणणे असेल जाणून घ्यायला आवडेल.

ट

टवाळ कार्टा Wed, 01/21/2015 - 11:50 नवीन

बी ए,बि काॅम झालेल्या कितीतरी मुली असतात ज्याना चांगली नोकरी मिळत नसल्याने घरी असतात.अशा मुलींबद्दल लग्नेच्छु मुलं काय म्हणतात?

त्याच्या आधी त्याच मुली बी ए,बि काॅम झालेल्या मुलांबद्दल काय म्हणतात हे विचारलेत का? मग जरा वस्तुस्थिती समजेल

↩ प्रतिसाद: अजया

अ

अजया Wed, 01/21/2015 - 12:32 नवीन

मला लग्नेच्छु मुलांना काय वाटते हेच जाणून घ्यायचे आहे.मुलींना अशा मुलांबद्दल काय वाटते याने मुलांच्या मतात फरक पडणार आहे का?सरळ साधा प्रश्न आहे,डिग्री आहे पण नोकरी नाही,कराविशी वाटत नाही अशा मुलीची निवड मुलं करतात का? मुलींचा वेगळा प्रश्न काढुन सहाशे करता येतीलच!!

↩ प्रतिसाद: टवाळ कार्टा

ट

टवाळ कार्टा Wed, 01/21/2015 - 12:49 नवीन

डिग्री आहे पण नोकरी नाही,कराविशी वाटत नाही

शिकलो तर त्याचा उपयोग केलाच पाहिजे...अश्या मताचा आहे मी

↩ प्रतिसाद: अजया

ल

लॉरी टांगटूंगकर Wed, 01/21/2015 - 11:47 नवीन

आणि ४५०!

प

प्रसाद१९७१ Wed, 01/21/2015 - 11:48 नवीन

बाकी रूप पैसा कुटुंब इ सर्व गोष्टी दुय्यम आहेत.

डॉक्टर साहेब * - दुय्यम आहेत हे मान्य आहे पण त्या दुय्यमतेला पण एक थ्रेशोल्ड लिमिट असते. पैसा दुय्यम आहे मान्य पण अपेक्षेपेक्षा कीती कमी चालेल? बेसिक गोष्टी साठी पण जर झगडायला लागत असेल तर बायको अ‍ॅक्सेप्ट करेल का? तसेच रुपाबद्दल पण. प्रत्येकाचे थ्रेशोल्ड लिमिट वेगळे असु शकते हे पण मान्य केले पाहीजे. * : तुम्हाला आवडले नाही तरी डॉक्टर बद्दल माझ्या मनात आदराचीच भावना येते, त्यामुळे साहेब म्हणणारच

अ

अजया Wed, 01/21/2015 - 11:52 नवीन

तुमचं रुप सौंदर्य इ. इ. वाचुन,"रुपास भाळलो मी" गाणं राहुन राहुन डोक्यात येतंय!!

क

कपिलमुनी Wed, 01/21/2015 - 12:30 नवीन

पत्रिका बघावी कि नको ? असे कंफ्युज झालेले पालक फार दिसतात आणि मुले पण माझा विश्वास नाही पण आइ बाबा साठी ई कारणे देतात

ब

बॅटमॅन Wed, 01/21/2015 - 12:48 नवीन

तसं नाही. स्थळ आवडले नाही तर सांगायला पत्रिका हे एक पोलिटिकली करेक्ट कारण आहे.

↩ प्रतिसाद: कपिलमुनी

ट

टवाळ कार्टा Wed, 01/21/2015 - 12:50 नवीन

पत्रिका नकार कळवायचा १ समंजस उपाय आहे

↩ प्रतिसाद: कपिलमुनी

ब

बॅटमॅन Wed, 01/21/2015 - 12:53 नवीन

इंडीड. म्हणजे मनातून स्थळाला श्या घालायच्या असल्या तरी प्रत्यक्षात मात्र कुंडलीतल्या ग्रहांवर खापर फोडता येते.

↩ प्रतिसाद: टवाळ कार्टा

क

कपिलमुनी Wed, 01/21/2015 - 12:56 नवीन

आधी पत्रिका पाठवून मग ती जुळत असेल तरच बघण्याचे कार्यक्रम होतात ना ?

↩ प्रतिसाद: बॅटमॅन

ब

बॅटमॅन Wed, 01/21/2015 - 13:22 नवीन

अहो कुंडली काय, कधीही आणि कशीही ट्विस्ट करता येते.

↩ प्रतिसाद: कपिलमुनी

स

सूड Wed, 01/21/2015 - 13:26 नवीन

+१ अगदी!!

↩ प्रतिसाद: बॅटमॅन

ट

टवाळ कार्टा Wed, 01/21/2015 - 15:34 नवीन

अग्दी अग्दी...मी माझी कुंडली कोणाकडून "अ‍ॅडजस्ट" करुन घ्यायची ते ठरवले पण आहे ;)

↩ प्रतिसाद: बॅटमॅन

व

विटेकर Wed, 01/21/2015 - 12:57 नवीन

बट्ट्मन ... स्वानुभव का ? नै , अंमळ ज्यास्तीचा घाव लागलेसा वाटतो ! मला पण एक नकार आला होता ... इचलकरंजीहून ! तेव्हापासून पुन्हा जन्मात इचलकरंजीला गेलो नाही. वाईट वाटले की इचलकरंजी सारख्या गावातून नकार यावा ???? (बाकी स्थळ काय खासं नव्हते म्हणा !)

↩ प्रतिसाद: बॅटमॅन

म

मराठी_माणूस Wed, 01/21/2015 - 13:20 नवीन

इचलकरंजी सारख्या गावातून नकार यावा ????

म्हणजे काय ?

बाकी स्थळ काय खासं नव्हते म्हणा

कोल्ह्याला....... ह्.घेणे. :)

↩ प्रतिसाद: विटेकर

ब

बॅटमॅन Wed, 01/21/2015 - 13:22 नवीन

स्वानुभव आहे आणि तो दोन्ही साईडकडून आहे. त्यामुळे घाव बीव काही नाही. नो हार्ड फीलिंग्स.

↩ प्रतिसाद: विटेकर

ट

टवाळ कार्टा Wed, 01/21/2015 - 15:40 नवीन

मला पण एक नकार आला होता ... इचलकरंजीहून ! तेव्हापासून पुन्हा जन्मात इचलकरंजीला गेलो नाही. वाईट वाटले की इचलकरंजी सारख्या गावातून नकार यावा ???? (बाकी स्थळ काय खासं नव्हते म्हणा !)

हायला...जाज्वल्य अभिमान फक्त एकाच शहराला असावा? बाकी शहरे पानी कम चाय??? ;)

↩ प्रतिसाद: विटेकर

व

विटेकर Wed, 01/21/2015 - 12:34 नवीन

बापरे ! हा विषय असेल तर १००० पर्यन्त जाणार !

क

कपिलमुनी Wed, 01/21/2015 - 12:43 नवीन

तुमचे मत काय आहे पत्रिकेवर ;)

↩ प्रतिसाद: विटेकर

व

विटेकर Wed, 01/21/2015 - 12:50 नवीन

मुनीश्री , हा तुमचा फुल्ल्टॉस वाया जाणार नाही ! अरे , कुणीतरी धोंडोपंताना बोलवा रे ! प्रतिसादासाठी सध्या जागा राखून ठेवत आहे.

स

सौंदाळा Wed, 01/21/2015 - 13:53 नवीन

घरी डस्ट्बिन्स आहेस का यासारखेच ऐकलेले एक वाक्य एका उपवर मुलीच्या पित्याकडुन बढाई मारताना: आमच्या मुलीला सासु-सासरे हवेत पण भिंतीवरचे (४८९ झाले चला रे आज रेकॉर्ड करुनच टाकु ५०० चे)

ट

टवाळ कार्टा Wed, 01/21/2015 - 15:42 नवीन

कहर...अशा वेळी आपणही घरातला कोयता घेउन यावे आणि म्हणावे...चला आमच्या मुलाचीसुध्धा हिच इच्छा आहे तेव्हा तुमच्या पासूनच सुरवात करु ;)

↩ प्रतिसाद: सौंदाळा

क

कॅप्टन जॅक स्पॅरो Wed, 01/21/2015 - 17:51 नवीन

=))

↩ प्रतिसाद: टवाळ कार्टा

म

मृत्युन्जय Wed, 01/21/2015 - 13:57 नवीन

४९०. आता तरी थांबा रे मेल्यांनो. सहा पाने पाहिलेला हा मिपावरचा पहिलाच धागा असावा. आज काळे काकांच्या धाग्यावर देखील मात झाली म्हणायची. सुंदरच.

श