उस्मानाबादेतून कोणी आहे का इकडे? [गायकवाड प्रकरण]

अ
अत्रे
🗣 592 प्रतिसाद
चप्पलमार खा. गायकवाड यांना विमानातून प्रवास करण्यास केलेल्या बंदीविरोधात शिवसेनेने उस्मानाबाद बंदाचा इशारा दिला आहे (http://www.hindustantimes.com/india-news/shiv-sena-calls-for-osmanabad-bandh-may-bring-privilege-motion-over-mp-ravindra-gaikwad-on-no-fly-list/story-5aYaUj9cwxRup9US7FiteL.html) माफी मागायची ओडून असले बंद करण्या इतपत त्यांची मजल जाते म्हणजे उस्मानाबादेतील लोकांमध्ये काही प्रमाणात तरी खा. गायकवाड यांच्या बद्दल सहानुभूती (!?) आहे असे वाटते. मिपा वर कोणी तिथून आहे काय? तिथल्या सामान्य लोकांचे म्हणणे काय आहे?
वर्गीकरण
चर्चा
94896 वाचन
💬 प्रतिसाद (592)
य
यशोधरा Tue, 03/28/2017 - 11:42 नवीन
हो प्रसाद भाऊ, सगळे वाचेन अर्थात. धन्यवाद. तरीही, मारहाणीला माझा विरोध आहे हे नमूद करते.
↩ प्रतिसाद: हतोळकरांचा प्रसाद
श
श्रीगुरुजी Tue, 03/28/2017 - 11:54 नवीन
पहिल्या दोन बातम्यांसंदर्भात मी इथे एक दीर्घ प्रतिसाद दिला आहे. एकंदरीत फक्त लोकसत्ता आणि मटामध्येच हवाईसुंदरीची ओळख लपवून हे वृत्त का आले व इतर माध्यमांकडे हवाईसुंदरीचे निवेदन का नाही हे एक गूढच आहे. तूनळीवरील वर दिलेली चित्रफीत सुद्धा अपूर्ण आहे. चित्रफीतीच्या सुरवातीला विमानाच्या दारात पुढच्या बाजूला एअर इंडियाचा कर्माचारी पाठमोरा दिसतोय. त्याच्या मागे गायकवाड महाशय आहेत. त्यांच्या आजूबाजूला दोन सुरक्षारक्षक दिसताहेत. एक हवाईसुंदरी "don't do that" असे दोन वेळा ओरडताना दिसते. गायकवाड महाशय त्या कर्मचार्‍याला खाली शिडीवरून खाली ढकलायचा प्रयत्न करीत होते असे मटामधील वृत्तातल्या अनामिक हवाईसुंदरीने सांगितले आहे. चित्रफितीचा हा भाग म्हणजे तेच ढकलण्याचे दृश्य असावे. "कितने बद्तमीज है ये लोग" असे कोणतरी म्हटल्याचे ऐकू येते. हे वाक्य सुरक्षारक्षकाचे आहे का गायकवाडांच्या तोंडातून आले आहे व ते नक्की कोणाला उद्देशून म्हटले आहे ते स्पष्ट नाही. या चित्रफितीच्या आधीची घटना, म्हणजे गायकवाड महाशय आसनात बसून राहिले होते व तिथूनच हे प्रकरण पेटायला सुरूवात झाली, या चित्रफितीत नाही. इथे कोण कोणाला धक्काबुक्की करीत आहे ते स्पष्ट नाही. परंतु जर गायकवाड महाशय त्या कर्मचार्‍याला विमानाच्या दारातून खाली ढकलून द्यायचा प्रयत्न करीत असतील तर त्यांना सुरक्षा रक्षकांनी अडविणे योग्यच आहे. तसे करणे म्हणजे धक्काबुक्की नव्हे. त्यामुळे एअर इंडियाच्या कर्मचार्‍यांनी गायकवाडांना अपशब्द वापरले, त्यांना धक्काबुक्की केली या दाव्यात अजिबात तथ्य वाटत नाही. भारतात एखाद्या नगरसेवकाला सुद्धा अपशब्द वापरण्याची, धक्काबुक्की करण्याची हिंमत सर्वसामान्य नागरिकात नसते. खासदाराच्या बाबतीत असे करणे तर दूरच राहिले.
↩ प्रतिसाद: हतोळकरांचा प्रसाद
ह
हतोळकरांचा प्रसाद Tue, 03/28/2017 - 12:05 नवीन
अगदी तुम्हाला हवे तसे विश्लेषण केलेत श्रीगुरुजी विडीओचे! मी हे विश्लेषण प्रत्येक माणसाच्या सद्सद्विवेकबुद्धीवर सोडतो, ज्याला जे योग्य वाटेल ते खरे.
↩ प्रतिसाद: श्रीगुरुजी
श
श्रीगुरुजी Tue, 03/28/2017 - 12:13 नवीन
काहीतरीच काय? चित्रफितीत जे दिसतंय तेच मी सांगितलंय. नक्की कोण कोणाला बद्तमीज म्हणतोय ते या चित्रफितीवरून सांगता येणे अशक्य आहे. त्यामुळे गायकवाडांनाचा कर्मचार्‍यांनी अपशब्द वापरले हा ठाम निष्कर्ष काढता येणार नाही. कदाचित उलटेही असू शकेल. त्या चित्रफितीत सगळेच एकमेकांना रेटारेटी करताहेत. त्यामुळे सुरक्षा रक्षकांनी गायकवाडांना धक्काबुक्की केली हा ठाम निष्कर्ष सुद्धा काढता येणार नाही. बाकी तुम्हाला चित्रफितीवरून माझ्यापेक्षा काही वेगळे समजले असेल तर ते सांगा.
↩ प्रतिसाद: हतोळकरांचा प्रसाद
ह
हतोळकरांचा प्रसाद Tue, 03/28/2017 - 12:27 नवीन
आणखी काही लोकांचं मत येतंय का बघू, नाहीतर मी मला त्या विडिओत काय दिसतंय ते लिहितोच. तूर्तास जसा ठाम निष्कर्ष सुरक्षारक्षकांच्या धक्काबुक्कीबाबत काढता येत नाहीये तसा त्याच व्हिडिओवरून खासदारांनी ढकलले याबाबीतही काढायला नको, कसे?
↩ प्रतिसाद: श्रीगुरुजी
स
समीर वैद्य Mon, 03/27/2017 - 17:50 नवीन
विमानात business class नसताना देखील मला इकॉनॉमी क्लास मध्ये का बसवलं ह्या मुद्द्यावर अडून बसण्याची काय गरज होती गायकवाड साहेबांना? विमान कंपनीने तसे आगाऊ कळविले होते त्यांच्या कार्यालयास. त्याहून पुढचा मुद्दा म्हणजे खासदारांना business क्लास चे पास का दिले आहेत? खासदारांनी इकॉनॉमी क्लास ने प्रवास केला तर बिघडलं कुठे? फुकटचे पास मिळाले आहेत म्हणून हा माज आहे ह्या लोकांना. पदरचे पैसे घालून दिल्ली ला जाण्याची वेळ अली तर जातील का हे business क्लास नी दर वेळेला?
अ
अत्रे Mon, 03/27/2017 - 18:08 नवीन
The problem is all airlines have restricted him. The Constitution says people can go anywhere in the country. If there is one incident and all airlines ban him, it is wrong.”
यातले दुसरे वाक्य घेतल्याबद्दल सेनेला पारितोषिक दिले पाहिजे. http://m.hindustantimes.com/india-news/sena-demands-flying-ban-on-mp-lifted-but-govt-says-airlines-have-right-to-refuse/story-7VnNvKGD5gGygjSpiEmgEK.html
ह
हतोळकरांचा प्रसाद Mon, 03/27/2017 - 18:20 नवीन
कोणी कोठेही जाऊ शकतो वि. कोणी कोठेही राहू/कमावू शकतो...असो.
↩ प्रतिसाद: अत्रे
म
मोदक Mon, 03/27/2017 - 19:51 नवीन
=)) सेनावाल्यांची सेल्फगोल करण्याची सवय जात नाही.
↩ प्रतिसाद: हतोळकरांचा प्रसाद
म
माईसाहेब कुरसूंदीकर Mon, 03/27/2017 - 20:36 नवीन
हल्ली त्या 'अँगर मॅनेजमेंट',स्ट्रेस मॅनेजमेंटच्या कोर्सेसच्या जाहिराती पेपरात येत असतात. उद्धवने तसे कोर्सेस त्याच्या नेत्यांसाठी बंधनकारक करावेत. निदान महाराष्ट्राबाहेर जायचे असेल तर तसे कोर्सेस केल्यावरच बाहेर पाठवावे असे ह्यांचे मत. बाकी तो कर्मचारी उगीच कारण नसताना खासदारासमोर बरळेल असे बिलकूल वाटत नाही. ते ही शिवसेनासारख्या टग्या पक्षाच्या नेत्यासमोर. २०१४ पासून सेनेची अवस्था 'सहन होत नाही व सांगताही येत नाही' अशी आहे. सत्तेत असलो तरी भाजपाच्या नेत्यांसमोर,सरकारसमोर मान झुकवणार नाही..हे अधून मधून मतदारांना दाखवावे लागणार..असा आधीच अंदाज होता. आता दिल्लीहून मुंबईत येणारी एयर इंडियाची विमाने उतरू दिली जाणार नाहीत.अशा 'ईशारा' उद्धव देइल ? की एयर इंडिया,ईंडिगोच्या ऑफिसमध्ये येऊन काही तरूण धुडगुस घालत काचा फोडून पळून जातील?
व
वरुण मोहिते Mon, 03/27/2017 - 20:47 नवीन
पण आपण तक्रार पुस्तिका मागून पण जर मिळत नसेल तर ते हि चूक आहे . ह्यात बिसिनेस आणि इकॉनॉमी क्लास हा मुद्दा गौण आहे . मी पैसे भरलेत तर मलाच बोलायचं वरून मलाच सांगायचं मोदींना सांगेन ?? पीएम फुकट बसलेत का असं काही ऐकायला ??ह्याला मुजोरी म्हणतात . ते काही पोलीस कसे करतात तश्या टाईप ची अश्या लोकांना योग्य धडा शिकवणं आवश्यक असतं. व्यक्तिशः एअर इंडिया ला अशी वेळ आली ह्या बद्दल आनंद झालाय . त्याहून जास्त आनंद माहिती न घेता तोंडसुख घेणाऱ्यांसाठी झालाय . इतिहासातील आणि वर्तमान काळातील भाजप च्या चुका ह्यावरही एक धागा काढेन वेळ मिळाला कि . पण सगळ्यांनी नीट बोला हा तेव्हा ....
र
राजाभाऊ Mon, 03/27/2017 - 23:22 नवीन
आजकाल भाजपाची "दोनो हात घी में और सर कढाई में" अशी अवस्था आहे म्हणुन सेनेला जिथे-तिथे कोंडित पकडायची फॅशन आलेली आहे. गायकवाड हातघाईवर आले हे त्यांचं चुकलंच पण या प्रकरणात एयर इंडिया हि धुतल्या तांदळासारखी नाहि. बातम्यांवरुन असं समजतंय कि गायक्वाडांना बिझ क्लास्चा बोर्डिंग पास इशु झालेला होता. आता एयर इंडियाचा कारभार कसा चालतो याची कल्पना नाहि पण बोर्डिंग पासवर बिझ क्स्लासची सीट आहे म्हणजे विमानात बिझ क्लास असायला हवा. एयर इंडियाने आयत्या वेळेला विमान (ऑल कॅटल क्लास) बदललं का? गायकवाडांच्या म्हणण्यानुसार त्यांच्या बाबतीत हा प्रकार यापुर्वि २-३दा झालेला आहे; यावर एयर इंडियाचं स्पष्टीकरण कोणी मागितलं काय? अशा प्रकारचं कॅट्ल क्लासला डाउनग्रेडिंग एयर इंडिया सगळ्या फर्स्ट्/बिझ क्लास पॅसेंजर्स्ना करते का?..
↩ प्रतिसाद: वरुण मोहिते
अ
अमर विश्वास Tue, 03/28/2017 - 04:59 नवीन
राजाभाऊ या विमानाला बिझिनेस क्लास नाही हे खासदार साहेबांच्या कार्यालयात दोन दोवास आधीच कळवले होते त्यामुळे ऐनवेळी बदलायचा प्रश्नच नाही सगळ्यात खटकणारी गोष्ट : खासदार साहेब स्वतः:चे हीन कृत्य पराक्रम म्हणुन सांगतात ... टीव्ही कॅमेऱ्यासमोर ...
↩ प्रतिसाद: राजाभाऊ
श
शार्दुल_हातोळकर Tue, 03/28/2017 - 08:46 नवीन
....या विमानाला बिझिनेस क्लास नाही हे खासदार साहेबांच्या कार्यालयात दोन दिवस आधीच कळवले होते.... याबद्दल काही अधिकृत रेफरन्स देऊ शकाल का?
↩ प्रतिसाद: अमर विश्वास
म
मोदक Tue, 03/28/2017 - 06:27 नवीन
भाजपाच्या चुका दाखवल्याने शिवसेनेच्या चुका क्षमायोग्य आहेत असे कांही तुम्हाला म्हणायचे आहे का..? शिवसेनेची चुक आहे ना..? मग समर्थन कशाला करत बसताय..? भाजपाने पण चुका केल्या, काँग्रेसने पण केल्या, डावे, समाजवादी वगैरे वगैरे.. बाकी लोकांच्या चुका दाखवून शिवसेनेच्या चुका कमी होणार आहेत का..? तुम्ही नक्की काय साध्य करणार..?
↩ प्रतिसाद: वरुण मोहिते
श
श्रीगुरुजी Tue, 03/28/2017 - 11:31 नवीन
पण आपण तक्रार पुस्तिका मागून पण जर मिळत नसेल तर ते हि चूक आहे या नवीन कहाणीतील काही परस्परविरोधी मुद्दे -
Asserting that Air India was trying to misguide everyone as to what actually caused the altercation onboard the aircraft, Shiv Sena MP Ravindra Gaikwad stated that he had never demanded a business class seat, but had instead requested a complaint book to address his grievance about ‘substandard service’. Issuing a fresh statement, the MP said that while travelling in the flight, he noticed “carelessness and substandard” service of Air India and requested for a complaint book, but despite his frequent requests he was not provided the complaint book, instead the staffer misbehaved with him.
एअर इंडिया लोकांना मिसगाईड करण्याचा प्रश्नच उद्भवत नाही. दस्तुरखुद्द गायकवाडांनी अत्यंत अभिमानाने कॅमेर्‍यासमोर सांगितले आहे की मी सँडल काढून कर्मचार्‍याला २५ वेळा मारले . . . ऐकून घ्यायला मी भाजपचा खासदार नाही, मी शिवसेनेचा खासदार आहे . . . उशीरा दाढीमिश्या आल्यासारखे हे जे उशीरा शहाणपण सुचले आहे हे त्याच दिवशी सुचले असते त्यांच्यावर आज लपून रहायची वेळ आली नसती. दुसरा मुद्दा म्हणजे तक्रारपुस्तक मिळाले नाही म्हणून विमानातच बसून राहून इतरांचा खोळंबा करणे व नंतर कर्मचार्‍याला सँडलने मारहाण करून विमानाच्या शिडीवरून ढकलून द्यायचा प्रयत्न करणे व आपण तसे केले हे अत्यंत अभिमानाने सांगणे हे अत्यंत अयोग्य आहे. विमानात तक्रारपुस्तक मिळाले नसेल तर टर्मिनलवर येऊन तिथल्या एअर इंडियाच्या कार्यालयात जाऊन तक्रार नोंदविता आली असती. एखाद्या खासदाराच्या तक्रारीकडे दुर्लक्ष करण्याएवढे धाडस एअर इंडियाच्या व्यवस्थापक किंवा कर्मचार्‍यांमध्ये असेल असे वाटत नाही. गायकवाडांच्या म्हणण्यानुसर त्यांना वाईट सेवा मिळाल्याबद्दल तक्रार करायची होती. त्यांना नक्की कोणती सेवा वाईट मिळाली याविषयी ते अजिबात बोललेले नाहीत. विमानात त्यांच्या मागण्यांकडे दुर्लक्ष करण्यात आले होते का, त्यांना वाईट खानपान पुरविण्यात आले होते का, त्यांच्याशी विमानात कर्मचार्‍यांनी गैरवर्तणूक केली होती का, त्यांना खराब आसन देण्यात आले होते का इ. गोष्टींबद्दल ते काहीही बोललेले नाहीत. या सर्व गोष्टींचा खुलासा त्यांनी लगेचच केला असता तर ही वेळ आलीच नसती. त्यांनी कॅमेर्‍यासमोर आत्मप्रौढीने ज्या बढाया मारलेल्या आहेत त्यावरच विसंबून प्रतिक्रिया येणार.
“I was demanding proper facilities not the business class seat. But just to hide their carless attitude and cheating towards lakhs of Air India passengers, they tried to create a picture that I was continuously demanding for business class seat. This is completely baseless,” he said
. कोणत्या प्रॉपर सोयीसुविधा त्यांना दिल्या गेल्या नाहीत, त्यांची नक्की काय फसवणूक झाली इ. गोष्टींबद्दल ते अजूनही सांगत नाहीत.
Gaikwad on Friday submitted a complaint against Air India before the Delhi Police alleging that he was pushed and yelled on. In his complaint, Gaikwad, who allegedly manhandled Air India staffer, said he was made to travel by Air India on economy class even as he had business class ticket.
आपल्याला वाईट सेवा मिळाल्यामुळे आपल्याला तक्रार करायची होती असा त्यांचा दावा होता. परंतु आपल्याकडे बिझनेस क्लासचे तिकीट असूनही आपल्याला इकॉनॉमी क्लासने प्रवास करायला लावला हीच त्यांचे खरे दुखणे दिसते. जनसामान्यांच्या बरोबर इकॉनॉमी क्लासमध्ये मांडीला मांडी लावून बसावे लागल्यामुळे त्यांचा पारा चढलेला दिसतो. एकीकडे म्हणतात आपल्याला वाईट सेवा मिळाली, परंतु नक्की कोणती सेवा वाईट होती त्याविषयी चकार शब्द नाही. तर दुसरीकडे सांगतात की आपल्याकडे बिझनेस क्लासचे तिकीट असूनही आपल्याला इकॉनॉमी क्लासने प्रवास करायला लावला. जर विमानात बिझनेस क्लासची आसने असूनसुद्धा त्यांना मुद्दाम इकॉनॉमीने जायला लावले असत तर त्यांची तक्रार रास्त होती. पण विमानात जर बिझनेस क्लासची आसनेच नसतील तर फक्त यांच्यासाठी इकॉनॉमी क्लासची ५-६ आसने काढून तिथे बिझनेस क्लासची आसने बसवायची होती का? जर त्या विशिष्ट विमानात बिझनेस क्लासच नव्हता त्यांनी त्या विमानाने प्रवास करणे टाळून ज्यात बिझनेस क्लासची व्यवस्था आहे अशा एखाद्या दुसर्‍या विमानातून प्रवास करायला हवा होता. तसे न करता त्यांनी इकॉनॉमीतून प्रवास पूर्ण केला आणि नंतर मला बिझनेस क्लास दिला नाही हो म्हणून कांगावा सुरू केला. एअर इंडीया कितीही वाईट कंपनी असली, त्यांना कितीही वाईट सेवा मिळाली असली तरी एका निवडून आलेल्या लोकप्रतिनिधीने पायातील पादत्राणाने एका ६० वर्षीय कर्मचार्‍याला अनेकवेळा मारणे, त्याला शिडीवरून खाली ढकलून द्यायचा प्रयत्न करणे आणि नंतर आपल्या या घृणास्पद कृत्याबद्दल जराही खेद, खंत न बाळगता अभिमानाने आपल्या कृत्याची प्रौढी मारणे हे अत्यंत संतापजनक व तिरस्करणीय वर्तन आहे. त्यांनी जे केले तो गुन्हाच आहे व या अत्यंत उन्मत्त वर्तनाबद्दल त्यांना शिक्षा व्हायलाच हवी. विमानकंपन्यांनी त्यांच्यावर घातलेली बंदी समर्थनीय आहे.
↩ प्रतिसाद: वरुण मोहिते
ह
हतोळकरांचा प्रसाद Tue, 03/28/2017 - 11:47 नवीन
परत परत लांबलचक प्रतिसादातून एकच गोष्ट प्रतीत करायची आहे, हे सगळं खासदार साहेब स्वतः म्हणाले. अहो तीच तर मेख आहे, खासदार साहेबांचं वक्तृत्व आधीच अमोघ आहे, वरून हिंदी आणि त्यात फुशारक्या! त्यांचं खरंतर चुकलंय तेच, डिंग्या हाकणे! आणि अर्थातच त्याचा फटका त्यांना बसलाच आहे पण म्हणून दुसरी बाजू बघायचीच नाहीये याला मी फारफार तर आकस म्हणू शकेन. थोडक्यात काय खासदारांनी स्वतःच्या तोंडाने असे केल्याचे नाकारले असते तरी फरक काहीच पडला नसता कारण विरोध आणि टीका करण्याचे पक्के ठरलेलेच असावे. पण आश्चर्य याचे वाटते कि शिवसेना अशा अनेक वॅलीड संधी नेहमी देत असते, मग हे ओढून ताणून विरोध कशाला बुआ?
↩ प्रतिसाद: श्रीगुरुजी
श
श्रीगुरुजी Tue, 03/28/2017 - 12:02 नवीन
मग खासदार महाशयांनी स्वतःच दुसरी बाजू सांगावी. ती सांगताना हेही सांगावं की मी सँडलबिंडल मारलेली नव्हती व कर्मचार्‍याला ढकलूनही देत नव्हतो. मी रागाच्या भरात चुकून अतिशयोक्ती केली. एकीकडे म्हणतात मला वाईट सेवा मिळाली. पण नक्की कोणती सेवा वाईट होती याविषयी चकार शब्द नाही. त्यांनी एकच पालुपद लावलंय की माझ्याकडे बिझनेस क्लासचं तिकीट असताना मला इकॉनॉमीने प्रवास करायला लावला. याव्यतिरिक्त त्यांच्याकडे सांगण्यासारखे काही आहे का? आपण कर्मचार्‍याला मारहाण केली हे आपली मर्दुमकी दाखविण्यासाठी एकदा स्वतःच्या तोंडाने सांगितल्यानंतर आता त्यांना काही दुसरे सांगायला तोंडच राहिलेले नाही, हीच खरी मेख आहे.
↩ प्रतिसाद: हतोळकरांचा प्रसाद
ह
हतोळकरांचा प्रसाद Tue, 03/28/2017 - 12:10 नवीन
ते सांगतील कि त्यांना जेव्हा सांगायचं तेव्हा, आताच त्यांना फोडून काढण्याची का झाली असेल बरे?
↩ प्रतिसाद: श्रीगुरुजी
श
श्रीगुरुजी Tue, 03/28/2017 - 12:21 नवीन
हरकत नाही. परंतु तोपर्यंत त्यांच्या आधीच्या विधानांवर विसंबूनच प्रतिक्रिया येत राहणार आणि इतर पक्ष व जनता त्यांना फोडून काढत राहणार आणि ते शिवसेनेला महागात जात आहे.
↩ प्रतिसाद: हतोळकरांचा प्रसाद
श
श्रीगुरुजी Tue, 03/28/2017 - 11:37 नवीन
इतिहासातील आणि वर्तमान काळातील भाजप च्या चुका ह्यावरही एक धागा काढेन वेळ मिळाला कि . पण सगळ्यांनी नीट बोला हा तेव्हा .... नक्की लिहा. धाग्याची वाट बघतो.
↩ प्रतिसाद: वरुण मोहिते
अ
अत्रे Tue, 03/28/2017 - 05:18 नवीन
बादवे मागे एकदा मला मुंबई एयरपोर्टवर वायफाय बद्दल तक्रार करायची होती. तेव्हा विमानतळावर विचारले असता त्यांनी मला एक कम्प्लेंट फॉर्म दिला होता (ज्यात मी माझा इ मेल हि दिला होता). आश्चर्याची गोष्ट म्हणजे काही आठवड्यांनी मला त्याच्या कडून ऑफिशिअल रिप्लाय आला (माझ्या मेल वर). खा. गा. यांनी थोडा संयम राखून सामान्य नागरिकांप्रमाणे (जी काही त्यांची होती ती) तक्रार केली असती, तर त्यांनाही माझ्याप्रमाणे उत्तर मिळाले असते. पण कदाचित तसे करणे त्यांच्या इगो मध्ये बसत नसावे म्हणून सगळे रामायण झाले.
म
माईसाहेब कुरसूंदीकर Tue, 03/28/2017 - 07:30 नवीन
मागे नारायण राणे ह्यांनी चेन्नई विमानतळावर असाच तमाशा केला होता. जेट एयरवेजच्या कर्मचार्याची बदली करायला लावली होती. तळागाळातून वर आलेल्या नेत्यांचे ईगो जरा मोठे असतात असे ह्यांचे मत. स्वतःची रॉबिन हूड छबी कायम ठेवायच्या नादात मग असे घडते.
↩ प्रतिसाद: अत्रे
अ
अत्रे Tue, 03/28/2017 - 07:35 नवीन
चांगली मेमरी आहे तुमची, २००३ ची घटना आहे http://timesofindia.indiatimes.com/city/mumbai/Sacked-Jet-employee-had-won-performance-award/articleshow/41996574.cms?prtpage=1
↩ प्रतिसाद: माईसाहेब कुरसूंदीकर
ट
टवाळ कार्टा Tue, 03/28/2017 - 14:48 नवीन
मैंच्या वयाच्या मानाने अगदीच हल्लीची घटना आहे ही :)
↩ प्रतिसाद: अत्रे
त
तिमा Tue, 03/28/2017 - 07:43 नवीन
कर्मचारी उद्दटपणे बोलला तर एक जबाबदार खासदार, त्याची रीतसर तक्रार करेल. त्याला शिक्षा होईपर्यंत पाठपुरावा करेल. पण कायदा हातात घेणार नाही. असो. या धाग्यावर मारहाणीला, हिंसाचाराला अप्रत्यक्ष समर्थन देणारी मंडळी पाहून, नुसते राजकीय पक्षांचेच नव्हे तर संपूर्ण समाजाचेच अधःपतन झाल्याचे जाणवते.
ह
हतोळकरांचा प्रसाद Tue, 03/28/2017 - 08:24 नवीन
हाच हाच तर मुद्दा आहे. मारहाणीचे समर्थन देणारे, हिंसाचाराला समर्थन देणारे म्हणायचे आणि सोयीस्करपणे वस्तुस्थितीकड़े दुर्लक्ष करायचे! मुळात वरील कुठल्या प्रतिसादात कोणी समर्थन केलंय हे सरसकटीकरण न करता सांगाल काय? गायकवाड यांनी केलेली मारहाण हा गुन्हा आहे आणि तो कोर्टात सिद्ध व्हायला हवा. एवढ्या एकांगी वार्तांकनानंतर झी वाल्यानी शेवटी दुसरी बाजू दाखवण्याचा प्रयत्न तरी केला. शिवसेना खासदारांनी सुमित्रा महाजनांना सोपवलेल्या विडिओमध्ये गायकवाड यांनाच आधी धक्काबुक्की व शिव्या देण्यात आल्याचे दिसत आहे असे वाहिनीवर दाखविले गेले. बाकीच्या सो कॉल्ड कायद्यानेच चालणाऱ्या लोकांना हे सोयीस्करपणे दुर्लक्ष करायचे आहे. खरतर मुखवटाधारी लोकांचे अधा:पतन झाले आहे असे दिसते. स्वतःच्या विचारांशीही लोकांना प्रामाणिक राहायला का आवडत नसेल बुआ?
↩ प्रतिसाद: तिमा
अ
अनुप ढेरे Tue, 03/28/2017 - 10:18 नवीन
वरील कुठल्या प्रतिसादात कोणी समर्थन केलंय हे सरसकटीकरण न करता सांगाल काय?
www.misalpav.com/comment/928987#comment-928987
जर शिवीगाळ ऐकुन किंवा परत परत तक्रारी करुन एअर इंडियाच्या लोकांनी हा प्रकार केला असेल तर लुंगीवाल्याला फोडला हेचं उत्तम.
↩ प्रतिसाद: हतोळकरांचा प्रसाद
ह
हतोळकरांचा प्रसाद Tue, 03/28/2017 - 11:52 नवीन
हां असं जिथल्या तिथं संपवावं, उगाच सरसकटीकरण कशाला? बाकी त्यांच्या वरच्या वाक्यातील पाहिलं अक्षर जर आहे आणि त्याला काही विशेष अर्थ असतो असे मला वाटते.
↩ प्रतिसाद: अनुप ढेरे
अ
अभ्या.. Tue, 03/28/2017 - 12:10 नवीन
हांगाश्शी, आमीपण हेच म्हणतो. . आता धागेवाले बाबू, धाग्याच्या गाभ्याकडे येऊ चप्पलमार खा. गायकवाड यांना विमानातून प्रवास करण्यास केलेल्या बंदीविरोधात शिवसेनेने उस्मानाबाद बंदाचा इशारा दिला आहे झाला, व्यवस्थित झाला. लोकांचा प्रचंड पाठिंबा आहे. माफी मागायची ओडून असले बंद करण्या इतपत त्यांची मजल जाते म्हणजे उस्मानाबादेतील लोकांमध्ये काही प्रमाणात तरी खा. गायकवाड यांच्या बद्दल सहानुभूती (!?) आहे असे वाटते. सहानूभूती नाही तर पाठिंबा प्रचंड आहे. माजुरडेपणाला असेच जागच्या जागी उत्तर द्यावे लागते. नंतर फक्त निरवानिरवी असते ह्या तत्त्वावर आमची श्रध्दा आहे. मिपा वर कोणी तिथून आहे काय? तिथल्या सामान्य लोकांचे म्हणणे काय आहे? सध्या तरी मी एकटाच आहे आणि माझ्या निवेदनाने तुम्हाला बरे वाटलेले नाहीये. राहता राह्यला परत निवडून यायचा भाग. ते आधीही आमदार म्हणून निवडून आलेले आहेत. ह्यावेळी खासदारकीची निवडणूक त्यांची पहिली निवडणूक नव्हती अन येत्यावेळेस तर ते जब्बरदस्त मतांनी येणार. . आता कसं वाटतंय?
↩ प्रतिसाद: हतोळकरांचा प्रसाद
अ
अनुप ढेरे Tue, 03/28/2017 - 17:07 नवीन
तुम्ही विचारलत की मारण्याचं समर्थन कुणी केलं? तुम्हाला व्यवस्थित तसा प्रतिसाद दाखवला. आता तुम्ही म्हणता की एअर इंडियाने अमुक केलं तर अर्थ वेगळा होतो. तुमचा नक्की मुद्दा काये? की एअर इंडियाने अमुक अमुक तिकिट दिलं नाही म्हणून फोडणं बरोबर? एखाद्या कायदे बनवणार्‍याने कायदा हातात घ्यावा हे दुर्दैवी आहे. त्याचं समर्थन अजूनच दुर्दैवी आहे.
↩ प्रतिसाद: हतोळकरांचा प्रसाद
अ
अत्रे Tue, 03/28/2017 - 07:44 नवीन
एअर इंडिया वाल्याना बॅन करण्याची सुबुद्धी का झाली याची माहिती इथे कळाली
Shiv Sena has had a strong presence in the Airport unions and not just Gaikwad but even लो level Sena functionaries have managed to get their way simply because they belonged to the party. “See many years ago the Sena had a strong presence in the Airport Unions. If anyone misbehaved with a Shiv Sena worker or functionary, we used to shut down not just the airline operations but the entire airport. I believe when Gaikwad beat up the Air India official he felt that nothing would happen to him as the Sena union would not let the Airline act against him,” said Kiran Pawaskar, an old Sena hand who headed party’s Bharatiya Kamgar Sena for a long while. Pawaskar has now switched sides and joined the NCP. He heads the All India Aviation Employees Association (AIAEA). “What Gaikwad did not know is that the Sena has almost a negligible presence in the Mumbai Airport now, which is why the airline has been able to debar him from flying. While his behaviour was reprehensible, no CMD would dare to debar a Sena functionary, that too an MP, earlier. The Sena would have never allowed it, ” he said.
ध
धर्मराजमुटके Tue, 03/28/2017 - 07:58 नवीन
आणि मिपावरची सगळ्यात मोठी गंमत काय आहे माहिती आहे काय ? एखाद्या धाग्यावरची पुर्ण चर्चा वाचायचीच गरज पडत नाही हल्ली. नुसता आयडी बघीतला की तो काय बोलणार आहे (म्हणजे कुणाची तळी उचलणार आहे) ते अगोदरच माहिती असते. त्यामुळे चर्चा वाचून आपल्या माहितीत नवीन भर पडते असे समजणे म्हणजे चुकीचा गैरसमज आहे. :) अपवाद क्षमस्व !
श
शार्दुल_हातोळकर Tue, 03/28/2017 - 08:52 नवीन
म्हणुनच म्हणतो चर्चा निकोप असावी आणि एकांगी व पुर्वग्रहदुषित नसावी. अन्यथा अशा प्रकारच्या चर्चांना काहीही अर्थ नाही.
↩ प्रतिसाद: धर्मराजमुटके
ग
गामा पैलवान Tue, 03/28/2017 - 09:22 नवीन
धर्मराजमुटके, मी असाच एक सन्माननीय अपवाद आहे. माझी क्षमा अजिबात मागू नका. ;-) आ.न., -गा.पै.
↩ प्रतिसाद: धर्मराजमुटके
अ
अप्पा जोगळेकर Tue, 03/28/2017 - 10:34 नवीन
खासदार गायकवाड साहेब जेंव्हा टाचा घासत रेल्वेने प्रवास करत वापीपर्यंत आले तेंव्हा खूपच मजा वाटली. खरे तर या मूर्ख, उद्दाम माणसाला रेल्वेबंदी सुद्धा झाली पाहिजे. बाकी लोक उगाच एअर इंडियाच्या नावे खडे फोडत असतात. चांगली सेवा देतात.
श
शार्दुल_हातोळकर Tue, 03/28/2017 - 10:57 नवीन
म्हणजे तुमचे असे म्हणने आहे का की रेल्वे म्हणजे नरक आहे आणि करोडो लोक दररोज टाचा घासत अशा नरकातुन प्रवास करतात? हा त्या करोडो लोकांचा अपमान नाही का?
↩ प्रतिसाद: अप्पा जोगळेकर
अ
अप्पा जोगळेकर Tue, 03/28/2017 - 11:09 नवीन
नाय नाय. माझे म्हणणे आहे की रेल्वे म्हणजे स्वर्ग आहे पण खासदार साहेबांना तो नरक वाटतो. त्यांनी स्वतःच तसे सांगितले मला.
↩ प्रतिसाद: शार्दुल_हातोळकर
क
कुंदन Tue, 03/28/2017 - 11:18 नवीन
करोडो लोक नाहित , पण लाखो तर नक्कीच करतात. एकदा मुंबईच्या लोकल प्रवासात अनुभव घेउन बघा अर्थात त्यामागची कारणे वेगळी असली तरी ५ वा अन ६ वा ट्रॅक सुरु व्हायला लागलेला वेळ जीवघेणा आहे
↩ प्रतिसाद: शार्दुल_हातोळकर
अ
अत्रे Tue, 03/28/2017 - 11:05 नवीन
खरे तर या मूर्ख, उद्दाम माणसाला रेल्वेबंदी सुद्धा झाली पाहिजे.
असेच म्हणतो एका ऑनलाइन लेखात खालचा पॅरा वाचून फार हसू आले -
One only hopes that the airlines which have blacklisted Gaikwad continue to do so, for at least a year, if not longer. And, as several twitterati have indulged in wishful thinking, if the Indian Railways bans him too, he will really have to put his chappals to the use they are actually meant for — walking!
:D :D
↩ प्रतिसाद: अप्पा जोगळेकर
अ
अत्रे Tue, 03/28/2017 - 11:03 नवीन
http://www.misalpav.com/comment/929102#comment-929102 ची प्रतिक्रिया इथे देत आहे.
शिवाय संसद सदस्यांनी माफी मागावी की नाही हे माझ्या अखत्यारित नाही, तसेच तत्वतः माफी मागायला हवी की नाही ते मा. न्यायालयाच्या निकालानंतरच सामान्य माणसाला ठरविता येईल.
हेच तर आपले (समाजाचे) दुर्दैव. काही नागरिकांना थोडादेखील स्वाभिमान नाही कि कोणा खासदाराने सामान्य नागरिकाला मारहाण केल्यांनतर सुद्धा त्याने माफी मागावी कि नाही हे सांगता येत नाही!
या धाग्यावर देखील काही व्हिडिओ च्या लिंक्स दिल्या गेल्या आहेत
कुठे आहेत बरे? ctrl + f "youtube" nothing found! तुम्ही मला वृत्त माध्यमातले सोर्स देता का जरा?
अयोग्य भाषेच्या समर्थनाबद्दल
तुम्हाला वाटते एकेरी भाषा चुकीची आहे. मला नाही वाटत तसे. बेसिकली अशा (मारहाण करणाऱ्या) माणसाबद्दल आदर का म्हणून ठेवायचा? कोणत्यातरी निवडणुकीत जिंकला म्हणून? चप्पल मारणे सोडून त्याचे कर्तृत्व काय? तुम्हाला वाटते "मूर्ख" म्हणणे आक्षेपार्ह आहे. मला नाही वाटत आक्षेपार्ह. तुम्हाला वाटते कि मी धन्यवाद. ऐकून बरे वाटले. असे म्हणण्यात कसलेतरी समर्थन केले आहे. तुमचा निष्कर्ष चुकीचा आहे. धन्यवाद = प्रतिसाद दिल्याबद्दल धन्यवाद ऐकून बरे वाटले = जनता पुन्हा निवडून आणणार नाही हे ऐकून बरे वाटले
श
श्रीगुरुजी Tue, 03/28/2017 - 11:35 नवीन
तुम्हाला वाटते एकेरी भाषा चुकीची आहे. मला नाही वाटत तसे. बेसिकली अशा (मारहाण करणाऱ्या) माणसाबद्दल आदर का म्हणून ठेवायचा? कोणत्यातरी निवडणुकीत जिंकला म्हणून? चप्पल मारणे सोडून त्याचे कर्तृत्व काय? काही व्यक्तींबद्दल एकेरी उल्लेखच केला जातो. त्यांचे कर्तृत्वच इतके महान आहे की त्यांच्याबद्दल अहोजाहो असे वापरताच येत नाही. ते निवडून आले असले तरी त्यांचा आदरपूर्वक उल्लेख करणे अशक्य आहे. (उदा. लालू, आव्हाड, मणीशंकर अय्यर . . असे बरेच जण आहेत).
↩ प्रतिसाद: अत्रे
श
शार्दुल_हातोळकर Tue, 03/28/2017 - 11:59 नवीन
तुम्ही माझ्या प्रतिसादासादाचा उल्लेख करुन लिहिले आहे की "काही नागरिकांना थोडा सुद्धा स्वाभिमान नाही", हा असा वैयक्तिक हल्ला करण्याचा अधिकार तुम्हाला कुणी दिला? संपादक मंडळी काय करत आहेत? आणि गलिच्छ भाषेचे तुम्ही बिनदिक्कत समर्थन करताय. अशी भाषा तुम्हालाच लखलाख होवो. तुमच्या लेखी व्हिडिओ फक्त youtube वरच असतात काय. वरच्या एका प्रतिसादात zeenews ची लिंक दिली आहे ती तुम्ही पाहिली नाही काय? तुमच्या सोयीसाठी एक लिंक खाली देतो आहे. http://zeenews.india.com/marathi/news/video/mobile-footage-of-the-air-india-incident/358194 शिवाय तुम्ही सरळसरळ तुमचे मुळचे म्हणने फिरवत आहात. वरच्या तुमच्या प्रतिसादात तुम्ही स्पष्ट म्हटले की, "आणि लोन्ली प्लॅनेट यांच्या प्रतिसादात त्यांची म्हटले होते कि "याला निवडून द्यावे लागले" - वाचून मला वाटले कि हे ही तिकडचेच असतील. आणि मला "हे पुन्हा निवडून येणार नाहीत" हे ऐकून आनंद झाला होता - नुसतं "मूर्ख" वाचून नाही." आता मला सांगा त्या गलिच्छ भाषेला तुमचे समर्थन नसताना तुम्हाला का आणि कसा आनंद झाला? शिवाय वरच्या प्रतिसादांमधे हे अतिशय स्पष्ट झाले आहे की तुम्हाला प्रस्तुत संसद सदस्यांच्या कर्तृत्वाबद्दल आणि मतदारसंघ, लोकसंपर्क वगैरेबाबत अजिबात माहिती नाही. मग तुम्हाला त्यांच्याबद्दल आक्षेपार्ह भाषा वापरणे आणि चप्पल मारण्याव्यतिरिक्त कर्तृत्व काय विचारण्याचा अधिकार कुठुन मिळाला? मुळ मुद्दा आक्षेपार्ह भाषेचा होता, आणि तुमच्या म्हणण्यानुसार संबंधित गलिच्छ भाषा तुम्हाला चुकीची वाटत नाही. तरी कृपया चर्चा ही विषय सोडुन स्वाभिमान वगैरे वैयक्तिक बाबींवर नेऊ नये. असे झाल्यास साहजिकच आम्हाला तुमच्याशी चर्चा करण्यात अजिबात रस असणार नाही. बाकी मिपाकर सुज्ञ आहेतच.
↩ प्रतिसाद: अत्रे
अ
अत्रे Tue, 03/28/2017 - 12:15 नवीन
माननीय महोदय, हे सगळे अधिकार मला घटनेने दिले आहेत. बाकी मलाही तुमच्याशी चर्चा करण्यात रस नाही. जय महाराष्ट्र :)
↩ प्रतिसाद: शार्दुल_हातोळकर
श
शार्दुल_हातोळकर Tue, 03/28/2017 - 12:21 नवीन
ठीक आहे. पुर्णविराम.
↩ प्रतिसाद: अत्रे
व
वरुण मोहिते Tue, 03/28/2017 - 11:35 नवीन
टी. सी ना मारणारे ह्यांच्यावर रेल्वेबंदी झालीये का? सहज आठवलं म्हणून . समर्थन कुणाचेही करण्याचा हेतू नाही हे वरच बोलतोय मला फक्त जो सात्विक संताप उसळला आहे हे पाहून आश्चर्य वाटत आहे .
म
मोदक गुरुवार, 03/30/2017 - 08:20 नवीन
हिटलर आणि जोसेफ मेंगेलला शिक्षा झाली नाही म्हणून कसाब किंवा जक्कल सुतारच्या शिक्षेवर पण प्रश्न आहेत का?
↩ प्रतिसाद: वरुण मोहिते
व
वरुण मोहिते Tue, 03/28/2017 - 11:39 नवीन
बोलल्यावर चटकन मा. अमित शहांचे नाव आठवले पण आम्ही कोणाचा एकेरी उल्लेख करत नाही ना हाच प्रॉब्लेम आहे. झालं तर झालं निषेध पण करतो पण मा. परिचारक यांचा पण एकेरी उल्लेख नाही करत . खूप नावं आठवत आहेत आता काय करावे बरे ??
ग
गॅरी ट्रुमन Tue, 03/28/2017 - 12:30 नवीन
एअर इंडियाने रवी गायकवाडांनी नव्याने काढलेले तिकिट रद्द केले आहे. एअर इंडियाचे खमकेपणा दाखविल्याबद्दल अभिनंदन. असल्या मुजोर लोकप्रतिनिधींना असेच वठणीवर आणले पाहिजे. समजतात काय लेकाचे स्वतःला.
ह
हतोळकरांचा प्रसाद Tue, 03/28/2017 - 12:44 नवीन
नो फ्लाय मागे घेतला होता का? नसेल घेतला तर तिकीट रद्द केलं म्हणजे काय विशेष केलं, याची बातमी का व्हावी? जर विमान कंपनी खरी आहे तर कुठल्याही परिस्थितीत नो फ्लाय मागे घेता कामा नये, नाही का? बाकी असला खमकेपणा दाखवण्यासोबतच चांगली सेवा देण्याची बुद्दी विमान कंपन्यांना देरे महाराजा!
↩ प्रतिसाद: गॅरी ट्रुमन