हिंदुत्व आणि असहिष्णुता! - भाग १

मग वरचे दहा प्रश्न मन की बात कार्यक्रम आहे का?

दाभोलकर व पान्सरे यांना हिन्दूत्ववाद्यानी मारले याचा काय पुरावाआहे! समीर पाटीलला न्यायालयाने अजून दोषी ठरविले नाही! कश्मीरी पंडिताविषयी द्या उत्तर

हा हा. इतरांना वाट्टेल ती सर्टीफिकेटं वाटायची खुमखुमी असलेल्यांना दुसरं काय वाटणार?

इतर धर्मियातील म्हणजे? नीट कळले नाही. जरा विस्तार कराल का?

इतर धर्मियातले म्हणजे हिंदू धर्म वगळता इतर धर्मियातले.

तसेच वरचे फायदे कसे काय ते कळले नाही. ते तर तुमची मतं आहेत तेही सभ्य भाषेत मांडलेली पण त्यामागची तुच्छता लपत नाही. तुमची मतं नकोत, पुरोगाम्यांना नक्की काय फायदे होतात ते जीवंत उदाहरणांसकट स्पष्ट सांगा. तुम्ही दिलेली उदाहरणे जर खरी मानायची तर हे कारच्या मागे धावत जाणार्‍या श्वानांसारखे दिसते. तुम्हाला खरंच असे म्हणायचे आहे काय?

इतक्या स्पष्ट शब्दात फायदे काय व कोणते आहेत ते लिहिले आहेत ते समजले नसावेत असं वाटतंय.

रिसबुडसाहेब. बाकीच्या क्रॅपची खरंतर काहीच गरज नव्हती. तुमच्या प्रतिसादातल्या इस्लामबाबतच्या तीनही परिच्छेदांबद्दल काहीच आक्षेप नाही. मला कधी ह्याविषयी खंडन करतांना पाहिले आहे काय? किमान शरियाचे समर्थन करतांना पाहिले आहे काय? अर्धवट ज्ञानावर इथे बसून अक्कल पाजळण्यात कोणता कंड शमतो हे तुमचे तुम्हालाच माहित. >> माझ्याबद्दल अशी वक्तव्ये करुन तुमचा कोणता कंड शमायला मदत झाली तेही तुमचे तुम्हाला माहित. मुळ स्वरूपातील धर्माची उपासना आणि जाण असणारे विवेकी असणारे, काही मुठभर लोक खाजगी जीवनात करतात. परंतु या भ्रष्ट रुपाला विरोध करण्याची हिम्मत त्यांच्यात नाही.या अशा विवेकी लोकांना समर्थ करणे हे या देशासाठी आणि कालांतराने संपूर्ण जगासाठी एकमेव पर्याय उरणार आहे. >> ह्या पर्यायाचा उल्लेख मी इथं मिपावर जेवढं वाचलंय तेवढ्यावरुन तरी तुमच्याशिवाय कोणीही केलेला आजवर आढळला नाही. जेवढं मुस्लिमांबद्दलचे प्रतिसाद वाचले ते सर्व घृणा, द्वेष ह्यांनीच ओतप्रोत भरलेले आढळले. केवळ घृणा, आरोप आणि आरोपांच्या पुष्ट्यर्थ दिले जाणारे मुस्लिम दहशतवादाचे पुरावे ह्यापलिकडे कोणीही हा विचार इथे मांडलेला दिसला नाही. 'ते असेच आहेत आणि कधीही सुधारणे शक्य नाही' हीच अंडरकरंट भूमिका यच्चयावत प्रतिसादकांची आजवर बघितली आहे. मुस्लिमांच्या समस्यांबद्दल करवादण्याशिवाय कोणीही काही करत नाही. आपल्या घृणेला समर्थन देणार्‍या जहाल मतांची पिंक बघितली. माझ्यामते काहीतरी सकारात्मक विचार मांडनारे तुम्ही पहिलेच. अभिनंदन! (बाकी कोणी असतील तर क्षमस्व. पण अशा विचारांचा कोणताही प्रभाव इथल्या प्रतिसादांवर दिसला नाही.) तुमच्या सारखे अर्धवट बुद्धिमंत,आणि अनुयायी सुद्धा ज्यांना या धर्मांध दाहकतेच्या येणाऱ्या काळातील आव्हानांची जाण नाही ते या धर्माच्या आजच्या भ्रष्ट रूपाचे जीव तोडून समर्थन करतात. >> तुमच्यासारखे अर्धवट बुद्धिमंत हा तर थेट व्यक्तिगत अपमान आहे, कदाचित तुमची सहिष्णुतेची पातळी फारच खाली असावी. कोण किती बुद्धीमंत आहे आणि नाही ह्याचे प्रमाणपत्र वाटायचा अधिकार तुम्ही कुठून मिळवला ते जाणून घेण्याची उत्सुकता आहेच पण त्याआधी तुमच्या पुढच्या वाक्याकडे बघूया. तुम्ही म्हणताय की तुमच्यासारखे या धर्माच्या आजच्या भ्रष्ट रुपाअचे जीव तोडून समर्थन करतात. हाउ डू यू से दॅट? माझा एक प्रतिसाद इथे मिसळपाववर दाखवा ज्यात मी भ्रष्ट स्वरुपाचे तर सोडा, इस्लामचे चिमूटभर तरी समर्थन केले आहे. उत्खननाला जाण्याआधी पुढचं वाचून घ्या, कारण ज्या बेफिकिर वृत्तीने तुम्ही हे वाक्य फेकले आहे त्यातुन आपली चष्मेबहादूर वृत्ती दिसली. इथे काही सदस्यांच्या प्रतिक्रियांना विरोधी मत प्रदर्शित केले तर थेट 'इस्लामच्या भ्रष्ट रुपाचे जीव तोडून समर्थन' ह्या अगदी टोकाच्या बाजूला कसे पोचलात? मला नानानेफळे, ग्रेटथिंकर, मोगाखान ह्यांच्या लाईनीत बसवल्याबद्दल तुमचा निषेध करावा तेवढा कमीच. बरे हिंदूंच्या वाईट चालिरीती, प्रथा, मान्यतांबद्दल टिका केली तर ते 'इस्लामच्या भ्रष्ट स्वरुपाचे जीव तोडून समर्थन' असा अर्थ असेल तर धन्य आहे. अशा प्रथा, मान्यतांना विरोध करनार्‍या ऐतिहासिक पुज्य हिंदुंबद्दल आपण हेच बोलणार का? माझी सुरुवातीपासून एकच भूमिका आहे ती अशी की आज जो काही हिंसाचार मुस्लिम धर्माच्या, कुराणाच्या नावावर करतात तो फक्त आधार घेऊन. त्यांची मूळ मानसिकताच तशी आहे किंवा काहीतरी कुठेतरी बिनसलेले आहे. हे वर तुम्हीच प्रतिसादात दिलंय की संस्थापकाच्या मृत्यूनंतर काय काय झाले व जे काही भयंकर झाले तेव्हा तर कुरान लिहिलेले नव्हते, हे तुम्हीच लिहिलंय. मग माझ्या विधानात काही चुकते आहे काय? मीही तेच म्हणतोय पण इथले काही सदस्य म्हणतात मुस्लिम हिंसाचार करतात कारण त्यांना कुराणातून प्रेरणा मिळते. मला वाटतं तुम्ही त्या सदस्यांना इस्लामचा व मुस्लिमांचा इतिहास सुरुवातीपासून शिकण्यास सांगायला हवं. इथल्या सदस्यांच्या काही गैरसमजूतींना उत्तर देणे, त्या ज्या बाबतीत आहेत त्याबद्दल सत्य सांगणे हे इस्लामच्या भ्रष्ट स्वरुपाचे जीव तोडून समर्थन आहे की काही हिंदूंच्या घृणा करण्याच्या कारणांचे उच्चाटन करणे आहे? दुसर्‍या एका धाग्यावर काही गैरसमजुतींना उत्तरादाखल काही पुरावेही दिलेत. इथल्या सदस्यांना त्यापेक्षा जास्त काही समजत असेल, त्यांच्याकडे ती आकडेवारी, पुरावे, विधानं खोडणारी काहीही सामग्री असेल तर प्रतिवाद करावा. नुसती बसल्याजागी टिवटिव करुन स्वतःच्या मनातला नपुंसक द्वेष वाढवुन आजूबाजुच्या वातावरनाला गढुळ करण्याला हातभार लावण्यावाचून ह्या समजूतींचा काय उपयोग? इथले सदस्य म्हणतात की ह्यांच्यावर विश्वास कसा ठेवावा? दुसरे म्हणतात बसट्रेनविमानात भीती वाटते. अशा पद्धतीने विचार करुन आपण 'मुळ स्वरूपातील धर्माची उपासना आणि जाण ठेवणार्‍या विवेकी मुस्लिमांना' कशी मदत करणार? तुमची नजर गढुळ असेल तर ते 'विवेकी' तुम्हाला कधीच रिस्पॉन्स देणार नाहीत हे परमसत्य आहे. ते शेवटी धर्मालाच सामिल होणार आणि तसेच वागणार. मुलामुलींना रितसर शिकवणारे, चार बायका नसणारे, ढिगभर पोरं नसणारे, मुल्लांचे फतवे न मानणारे, इसिससारख्यांना विरोध करणारे जे मुस्लिम आहेत त्यांच्याबद्दल इथे चांगले लिहिणे म्हणजे 'इस्लामच्या भ्रष्ट रुपाचे जीव तोडून समर्थन' आहे हे तुमच्याकडूनच समजले. अहो पण हीच तर ती विवेकी लोकं आहेत ना ज्यांना समर्थन द्यावे असे तुम्ही सुचवताय. तुमचेच तर काम मी करत आहे इथे. हिंदूंच्या मनात मुस्लिमांबद्दलची दिवसेंदिवस वाढत चाललेली घृणा दहशतवादावर उत्तर नाही. पण ती गल्ली-मोहल्ल्यात पेटू शकणार्‍या दंगलीसाठीचे पेट्रोल आहे. अशा दंगली ज्या स्थळ काळ उद्देश जात धर्म बघत नाहीत. दहशतवादापेक्षा माझ्यासाठी ह्या दंगलींचा, धार्मिक उन्मादाच्या स्थितीचा मोठा प्रश्न आहे. कारण १०० दहशतवादी हल्ले प्लान केले जातात त्यापैकी ९९ आधीच रोखले जातात. देशोदेशीच्या सरकारी यंत्रणांचे मोठ्या स्तरावर ह्यावर काम चालू असते. हे हल्लेही मुख्य ठिकाणावर केले जातात जसे मेट्रो शहरे, स्ट्रॅटेजीक लोकेशन्स. पण दंगल भडकली तर अगदी पन्नास हजार लोकवस्तीच्या गावातही कित्येक दशकं भरुन येणार नाही असे नुकसान करुन जाते. लोक रोज सिरीया, इजिप्त, इराक, पाकिस्तान, अफगाणिस्तान इथे होणार्‍या हिंसाचाराबद्दल चर्चा करुन मुस्लिमांबद्दल सरसकट प्रतिमा बनवतात. पण तुम्हाला रोज ज्यांच्या सोबत जगावे लागते त्या आजुबाजुच्या भारतीय मुस्लिमांबद्दलही तुम्ही तोच विचार करुन शांततेने रात्री झोपू शकाल काय? तुमच्या गल्लीमोहोल्ल्यात दंगल भडकली तर तुम्ही काय करु शकाल? काहीच नाही. त्यापेक्षा दंगल न भडकण्यासाठी, धार्मिक सलोखा आणि सहजीवनासाठी चांगले प्रयत्न तर नक्कीच करु शकता. भारतात अशी अनेक गावं शहरं आहेत जिथे हिंदु मुस्लिम दंगल कधीच झाली नसेल, कधीच दहशतवाद्यांनी बॉम्बस्फोट केले नसतील. अशा शहरांमधे धार्मिक ताणतणाव होतातही, नाही असे नाही. पण आपसी सलोख्याने परिस्थिती नियंत्रनात आनली जाते. विशेषतः राजकिय हेतुने जे तणाव प्रेरित नसतात ते असेच आटोक्यात आणले जातात. अशा शहरांची शांतता बिघडवण्याचे अचूक काम गैरसमजुतींनी तयार होणारी घृणा करते. आपण त्याला हातभार लावतोय का याचा विचार इथल्या सदस्यांनी जरूर करावा. तुम्ही तारिक फतेह काय म्हणतो त्याबद्दल शंभरवेळा सांगणार. त्यात काही विशेष नाही. तुम्हाला आवडेल अशी भाषा बोलणार्‍यांचाच संदर्भ तुम्ही द्याल. माझ्यामते गुरुजींनी वर सांगितलेले पुरोगामी असण्याचे सर्व फायदे फतेहसाहेबांना हवे आहेत. केनेडात बसून ते भारतीय मुस्लिमांबद्दल काय बोलतात ह्यापेक्षा इथे भारतात माझ्या आजूबाजूला काय घडतंय, काय जळतंय, स्थानिक पातळीवर, देशभरात काय काय चाललंय, इथल्या हिंदू, मुस्लिमांशी बोलून, त्यांचे विचार ऐकून, वर्तन बघुन आपले मत ठरवणे जास्त इष्ट आहे. अर्थात हे आपले माझे मत. आपण कोणावर लादत नाही. अधिक माहितीसाठी वाचा: https://www.quora.com/How-do-Pakistanis-view-Tarek-Fatah-who-considers-himself-an-Indian-despite-being-a-Pakistani भारतात सतत उद्धार केल्या जाणार्‍या फुरोगाम्यांची आठवण येईल. बाकी तुम्हाला हिंदू किंवा मुस्लिमांबद्दलची माझी भूमिका माझ्या आजवरच्या प्रतिसादांमधून कळली नाही ह्याचे श्रेय तुमच्या चष्मेबहादूर वृत्तीला द्यावे की कसे हा प्रश्न राहिला शेवटी. (वरच्या काही वाक्यांमधे इथल्या सदस्यांबद्दल, प्रतिसादांबद्दल लिहिले आहे ते सरसकटीकरण सम्जून मला झोडपण्याची उत्तम संधी दवडू नये असे कोणाला वाटत असेल तर देव त्यांना चांगली बुद्धी देवो! समझदार को इशारा काफी ;-) )